2 SEMUEL 3:32 - Susula Malalaok Hehelu Palak Ma Hehelu Beuk

³² Latoi-latono Abner nai Hebron, de manek-ka, boema basa laun-na lala'en-na, ala kii-makaleleu lapane'e nai lates ndia.

2 SEMUEL 3:32 ပူးပေါင်းရင်းမြစ်များ

2 SEMUEL 1:12

Ala makaleleu ma ala susa, boema ala okaaon-nala, soaneu Saul ma Yonatan, ma soaneu laun Israel-la, soaneu Manetualain anan-nala, nana mate hataholi makadotok nai natee-natatik ndia dalek.

2 SEMUEL 18:33

Manek-ka namanene dede'ak ndia boema, dalen-na he'dis-sa nanseli, de ana kae leo kama manai lelesuina lain neu, de ana kii-makaleleu ma nae, “Oh, au anang-ngonei! Au anang Absalom! Absalom, fo au anang-ngonei! Malole lenak, au nde mate nggati o, anang-ngo! Absalom, anang-ngonei!”

2 SEMUEL 4:12

Basa ndia boema, Dauk paleta solda'dun-nala, fo taolisa Rekhab ma Baana. Taolisas boema, ala te'te-la ei-liman, de ala lolo'en deka no lifu-a. Tehu ala ho'i-la Isyboset langan-na, de latoi-latonon nai kota ndia boe, fo nai Abner mamana loo-laten.

AYUB 31:28

Sala-singok matak leo ndiak-ka, nandaa huku nisan; hu kande nalelesi Manetualain, Fo Manakoasa so.

AYUB 31:29

Beita la'i esa fo, au amahoko, hu kande au musung-nga doi-doso, do au amahoko, hu kande ana hapu soe.

AMSAL 24:17

Metema, o musum-ma hapu soe soona, boso mamahoko, ma metema ana tu'da soona, boso mamahoko-setelee.