2 SEMUEL 3:28 - Susula Malalaok Hehelu Palak Ma Hehelu Beuk

²⁸ Lelek Dauk namanene manada'dik ndia boema, nafa'da nae, “Manetualain bubuluk nae au ma au laung-ngala, ta masala faa anak boen, nai manada'dik kanisak neu Abner ndia dalek fa.

2 SEMUEL 3:28 ပူးပေါင်းရင်းမြစ်များ

KEJADIAN 4:10

Boema, Manetualain nae, “Tao le'e de, o tao tatao-nono'ik fo maneni bibii-namata'uk ndia? O fa'dim-ma, daan-na naloo bou-bou neu Au, neme dae lain mai, sama leo halak esa noke balas.

KEJADIAN 9:6

Hataholi daebafak-ka, nananakadada'dik sama leo Au; hu ndia de, ba'eneu see, fo ana taonisa hataholi soona, neukose hataholi taonisa hataholi ndia boe.

2 SEMUEL 1:16

Dauk nafa'da ta'eanak Amalek ndia nae, “O nde maketu aom huhuku nisak ia, soaneu o aoinam-ma, nana o manaku mae o taomisa manek, fo Manetualain helek-ka!”

2 SEMUEL 16:8

O loso-ma Saul nusan-na! De besak ia, Manetualain huku o, nanahu o taomisa Saul tolanoo ka'a-fa'din makadotok nanseli so. Manetualain fe heni o nusam-ma leo o anam Absalom neu so. Besak ia, nduada ndalak muu leon, hai kanisak-konei!”

2 SEMUEL 3:27

Abner losa Hebron tutik-ka, Yoab lelekon leo boboak neu, deka no lelesuina, nono'kabai, ana sanga kokolak non dede'a nafufunik esa. No kaiboik, Yoab pau tafainan-na neu Abner tein-na, de maten. Yoab taonisa Abner, soaneu ana balas nape'da dalen-na neu Abner, nana ana taonisa fa'din Asael so.

2 SEMUEL 3:29

Nemen-na, fo huku Yoab no teidalen-nala, hu kande tatao-nono'in ndia. Sa'di leo been-na, nai Yoab teidalen-nala dalek, neme bobongik leo bobongik neu, hapu hataholi, ana hapu he'di lou mangalauk tataas esa, do touk be'i-balakai tak, do maten nai natee-natatik dale, do ala to'a-taa nana'a-nininuk.”

KELUARAN 21:12

“See fepa hataholi fe'ek losa maten soona, muse hukunisan.

BILANGAN 35:33

Metema ami tao leondiak soona, emi tao manggenggeo dae, fo emi leok-ka. Kanisak-ka tao nanggenggeo nusak-ka; da'di ta hapu eno fe'ek, soaneu tao balisi nusak ndia fa, te ka'da nenik, taonisa hataholi kanisak-ka.

MATEOS 27:24

Mate'e na Pilatus name'da nana, ana ta hapu enok so'on, ma fafa'ka ma hataholi makadotok sila la ala tao tasibu. Da'di noke oe de nafui neu hataholi makadotok sila la matan ma nae, “Au ta lu'a-lepa Hataholi ia mamate na fa! Emi ito-atom ndia!”