2 SEMUEL 3:12 - Susula Malalaok Hehelu Palak Ma Hehelu Beuk

¹² Boema, Abner nadenu hataholi neu leo Dauk neu, fo nai lelek ndia, Dauk nai Hebron, neni hala heheluk-ka nde ia nae, “See nde, neukose koasa dae ia? Tao hehelu-balataak moo au leona, soona neukose au tulu-fali au Ama Maneng, fo ela leoina Israel-la lala'en-na, ala look au Ama Maneng!”

2 SEMUEL 3:12 ပူးပေါင်းရင်းမြစ်များ

2 SEMUEL 19:14

Leondiak, Dauk hapu ho'i basa hataholi Yehuda-la dalen-na, nalosa ala haitua hala heheluk leo manek-ka neu, fo ela sama-sama no basa hataholi mana'a ngga'din-nala, fali-le'us leo uma manek-ka leu.

2 SEMUEL 19:41

Basa boema, basa hataholi Israel-la, ala mai leo manek-ka mai, de lafa'dan lae, “Ama Manek, tao le'e de, ami tolanoom hataholi Yehuda sila-la, laedaenga sila nde lanuu hak, soaneu ala soluk ma lanea Ama Manek, sama-sama no basa teidalen-nala lala'en-na, ma basa solda'dun-nala, fo lena leo Lee Yarden-na selik leu?”

2 SEMUEL 19:6

Ama Manek sue-lai hataholi fo nakamumulu-nakamamaek Ama Manek, tehu Ama Manek nape'da dale nasak hataholi manasue-lai Ama Manek-ka fa! No mangale'dok, Ama Manek natu'du nae, basa Ama Manek malanga solda'du matuainan-nala, ma solda'du anak-kala sosoa-ndandaan-nala ta makandondook, ba'eneu Ama Manek. Bai te, Ama Manek nono'kabai namahoko nanseli, leounik-ka nai faik ia, Absalom bei naso'da, ma mate ami basa-basam-mala!

2 SEMUEL 3:11

Isyboset ta hapu nataa dede'ak de'ek esa boen, nanahu ana bii Abner.

2 SEMUEL 3:13

Boema Dauk nataa nae, “Hei! Manduku-malosak hala heheluk ia neu Abner mae, Au nau tao hehelu-balataak o o, tehu no nonokek esa nde ia: Metema, o mai mataa au soona, o muse moo Mikhal, fo Saul anafe'on-na leo au mai.”

2 SEMUEL 3:21

Basa ndia boema, Abner nate'a fo ana sanga fali boema nae, “Fe au loak fo au la'o, fo au u hoka basa hataholi Israel-la lala'en-na, fo ela lakabubua loo au Ama Maneng. Neukose ala sipok Tuan da'di manek, de no enok ndia, neukose au Ama Maneng paleta basa nusak-ka lala'en-na, fo nandaa no au Tuang-nga dale hihiin-na.” Basa boema, Dauk po'i Abner la'o, de Dauk nanea Abner so'dan-na.

2 SEMUEL 3:27

Abner losa Hebron tutik-ka, Yoab lelekon leo boboak neu, deka no lelesuina, nono'kabai, ana sanga kokolak non dede'a nafufunik esa. No kaiboik, Yoab pau tafainan-na neu Abner tein-na, de maten. Yoab taonisa Abner, soaneu ana balas nape'da dalen-na neu Abner, nana ana taonisa fa'din Asael so.

2 SEMUEL 3:38

Manek-ka nafa'da basa hataholi mana'a-ngga'din-nala nae, “Ade, emi ta bubuluk mae nai faik ia, mauli-malangan matua esa, ana kono-monu nai Israel so do beik?

MAZMUR 62:9

Hai au leoinang-ngala lemin, mamahele neu Manetualain tunga faik, po'a la'iesak o dudu'a-aafim neun nana ita mamana nasulu-nahapan-na, nde Ndia.