2 SEMUEL 24:2 - Susula Malalaok Hehelu Palak Ma Hehelu Beuk

² Boema, Dauk nafa'da Yoab, fo solda'dun-nala malanga matuainan-na nae, “Sama-sama moo o malanga solda'du matuainam-mala, meu leo basa leo Israel manai nusak-ka lala'en-na, fo leke laun-na dede'un-nala. Au hii bubuluk laun-na dede'un-na.”

2 SEMUEL 24:2 ပူးပေါင်းရင်းမြစ်များ

KEJADIAN 21:14

Balahaa fafaik boema, Abraham fe Hagar nana'ak ma alukosu bana louk esa, oe nai dalek, soaneu tua-lepa nai enok. Ana tao basa-basas neu Hagar alun lain, de nadenu inak ndia no anan, la'o leona. Boema Hagar la'o leona, de naleu-nalaak nai mook solokaek Bersyeba.

2 SEMUEL 17:11

Hu ndia de, au nanoli-nafa'dang leoiak: Maloo makabubua basa hataholi Israel-la leme basa nusak-ka lala'en-na mai, fo ela dede'un-na, de'u solokaek manai tasi su'un-na. Boema, Ama Manek nde nauli-nalangas leo natee-natatik dale leus.

2 SEMUEL 2:13

Boeo Yoab, (fo inan na'de Zeruya), sama-sama no Dauk solda'dun-nala leu leo kota ndia leu. Solda'du bubua ka duak sila latongo de, lasasalematak leme lifu Gibeon-na; Abner no solda'dun-nala, langatuuk lai selik ia, ma Yoab no solda'dun-nala, lai selik eli.

2 SEMUEL 20:23

Dauk so'u manapaleta manai lain-nala nde ia: Solda'du Israel-la lala'en-na, malanga solda'du matuainan-na nde, Yoab. Solda'du manamanea Dauk-ka, malangan-na nde, Benaya, fo Yoyada anan-na.

2 SEMUEL 24:15

Boema, Manetualain fe he'di-laus neu hataholi Israel-la, mulai neme fafaik ndia losa faik fo Manetualain naketu basak-ka so. De mate hataholi liun hituhulu nai basa Israel-lala'en-na.

2 SEMUEL 8:16

Duk so'u hataholi manaho'u paleta manai lain-nala, nde ia: Malanga solda'du matuaina nde: Yoab, fo Zeruya anan-na; Hataholi manasulak susulak nai uma manek-ka, nde Yosafat, fo Ahilud anan-na; Imam-mala nde: Zadok, fo Ahitub anan-na, ma Ahimelekh, fo Abyatar anan-na; Hataholi manasulak susulak nai nusaina dalek nde, Seraya.

1 TAWARIKH 21:2

Boema Dauk nafa'da Yoab ma basa malanga solda'du matuainan nala nae, “Sulak laun Israel-la lala'en-na dede'un nala mulai neme kota losa nggolo-nggolok kala, nanahu au ahiik bubuluk laun Israel-la dede'un na de'ubee.”

2TAWARIKH 32:31

Ma nai lelek hataholi nadedenuk-kala leme Babel mai fo latanen la'eneu ana lea-hai no kaiboik, Manetualain po'ilotak Hizkia nataa tunga dale hihii-nanau mesan-na, fo ela Manetualain hapu fola dalen-na.

AMSAL 29:23

Hataholi fo namatutua-namadedema aoinan-na, neukose nananakadadaek; hataholi dale taidaek-ka, neukose nanakoa-kiok.

YEREMIA 17:5

Manetualain nafa'da nae, “Metema hataholi la'o ela Au, fo ndia Manetualain-na, fo namahena neu ka'da hataholi daebafak-ka boema nasalai dean-na neu ka'da be'i-balakain soona, neukose Au huku.

2 KORINTUS 12:7

Tehu fo ela au boso koao-ndaeao anseli hu ka nde ninitak matuaina sila la, de au hapu he'dis matak esa nai au ao paa nga. Da'dileo Nitu nadedenu na, he'dis ndia nanahaituak soaneu ana tao na au doidoso fo ela au boso koao-ndaeao.

HAKIM-HAKIM 20:1

Boema hataholi Israel-la lala'en-na, ala mai leme Dan nai kii, losa Bersyeba nai kona, ma Gilead nai dulu, fo tao latetu hala nalolook ndia. Lakabubua, ma dalek esa lai Mizpa, nai Manetualain matan.