2 SEMUEL 24:13 - Susula Malalaok Hehelu Palak Ma Hehelu Beuk

¹³ Gad mai de nafa'dan, Manetualain paletan ndia nae, “Ama Manek helek-ka, nde beek-ka: Soe la'a-ndoes-sa tuni-ndeni-na nusak ia, nai teuk telu dalen-na, do Ama Manek nalai, hu kande musu-a usi nahele Ama Manek, nai bulak telu dalen-na, do he'di-laus la'e nusak ia, nai faik telu dalen-na? Besak ia, Ama Manek ho'i nakeketuk leona, fo beek kande, au muse anduku-alosak-kana neu Manetualain.”

2 SEMUEL 24:13 ပူးပေါင်းရင်းမြစ်များ

2 SEMUEL 21:1

Nai tepo-lelek Dauk paleta, la'a-ndoes matuaina, ana da'di teuk telu dalen-na. Boema, Dauk noke natutu'duk neme Manetualain mai, la'eneu la'a-ndoes ndia, de ManetualainManakoasa nafa'da nae, “La'a-ndoes ndia da'di, hu kande Saul no teidalen-nala salan-na, nana ala taolisa hataholi Gibeon-nala.”

2RAJA-RAJA 8:1

La'i esa boema, Manetualain fe soe la'a-ndoes-sa nai nusa Israel-la, teuk hitu dalen-na. Manada'dik ndia, beita da'di fa te, Elisa nafa'da basa dede'ak ndia, neu inak-ka neme Sunem mai, fo anan-na nanatao naso'da falik. Elisa boeo nadenun, fo no teidalen-nala, lali heok leo nusa fe'ek leu.

1 TAWARIKH 21:12

Soe la'andoes sa la'e nusak ia teuk telu dalen-na, do musu usi nahele Ama Manek bulak telu dalen-na, do Manetualain sapun-na nusak ia faik telu dalen na, nenik tafainan fo nalupa he'di-laus, ma ata nusa so'da nala leni mamates leo mamanak lala'en-na neu. Besak ia maketu leon, hata fo au muse anduku-alosak kana neu Manetualain.”

MAZMUR 91:6

neukose soe fo, ana mai nai fai makahatuk-ka, do nakalulutuk fo manatuni-ndenik-ka, nai fai le'dohanan-na.

KELUARAN 7:25

Seli faik hitu so, Manetualain soo-supa Lee Nil-la.

YESKIAL 14:13

metema nusak esa nasala-nasingo, ma ta lilineka neu Au fa soona, neukose Au huku nusak ndia. Neukose, Au tao akalulutuk mamana pepe'da nana'an-nala, ma Au fe soe la'a-ndoes-sa mai, ma Au taoisa, nau hataholi do bana-manu boe.

IMAMAT 26:20

Emi sosota-mamangum lala'en-na, manada'di tak, nana emi dae-ma, neukose ta fe buna-boak, ma emi bubu'u-palusam, neukose ta labuna-laboa fa.

IMAMAT 26:25

Neukose, Au akadada'dik natee-natatik-ka nai emi tala'da heom, fo soaneu huku emi, nanahu, emi la'olena Au hehelu-balataang no emi-a so. Ma metema, emi makabubua nai emi kotam dale, fo sanga nasulu-nahapak soona, neukose Au fe he'di-laus manalea-hai taak-ka mai, nalosa no nakasetik, emi makatele neu emi musum-ma.

LUKAS 4:25

Tehu mamanene leona: te nai lelek Elia tepo-lele na, lelek u'dan ta teuk telu seselik dale na, boema la'a-ndoe matuaina da'di nai basa nusak a lala'ena. Nai lelek ndia, hapu inafalu makadotok nai Israel.

ULANGAN 28:22

Neukose, Manetualain huku emi nenik he'di madaik-ka, petaaok-ka ma sumaik-ka. Neukose, Ana fe dae-a namatuu, ma Ana fe ani mato'bik-ka mai, nalosa emi dae-oem buna-boan nalutus. Soe sila-la, ala tuni-ndeni lahele emi, losa mate-mopo emi.

ULANGAN 28:25

Metema, emi ta tunga emi Manetualaim-ma fa soona, neukose Ana fe emi musum-mala, ala sengi emi. Neukose emi meu matee-matati no napalanik, tehu emi malai tu'u-fo'a. Basa leoina manai daebafak-ka, ala mete emi toto'a-sosotam soona, ala bii-lamata'u lanseli.

ULANGAN 28:27

Neukose, Manetualain huku emi nenik bisunggumak, fo sama leo Ana taon neu hataholi Masir-ra. Emi aom-ma, neukose henuk no bisu-a, ma kosolouk fo emi aom-ma nakaa, tehu ta hapu mo'do-akidoon-na fa.

ULANGAN 28:35

Neukose, Manetualain taon-na emi eim-ma bisu-bisu mesan, fo he'din-na seli, tehu ana ta hapu lea-hai fa; neukose bisunggumak-kala, ala da'di neme emi eiku'um-ma losa emi langadoo pe'dam-ma.

ULANGAN 28:52

Neukose, ala sapu-la basa kota manai nusak fo, emi Manetualaim-ma fen neu emi ndia, nalosa ala tao lakalulutuk papala nanadamak mademaina fo, emi mamahenak sila-la.

SEMUEL SUSULAK-KA ESAN-NA 25:17

Hu ndia de, tai-dodoo dede'ak ia, fo ho'i nakeketuk tunga hata fo Ina bisa taon. Nana, tao leo bee-o, neukose babalan-na ana mai, soaneu ita tuan-na, ma neu basa teidalen-nala lala'en-na. Ita tuan-na, langa batu nanseli, nalosa ana ta nau ita kokolak too fan!”