2 SEMUEL 23:7 - Susula Malalaok Hehelu Palak Ma Hehelu Beuk

⁷ ta hapu hataholi esa boen, fo ana nau koila'en metema ana ta pake buas esa, taon neme aido besi mai. Ha'i-a na'a namopo hataholi sila-la.

2 SEMUEL 23:7 ပူးပေါင်းရင်းမြစ်များ

MAZMUR 21:10

Ana mai sama leo ha'i manapila lo'a-lo'ak-ka, fo ana tao namopo-namates. Neukose Manetualain nasa-melun tao namopo-namates, ma hu kande ha'i mana'a maputuk-ka.

YESAYA 27:4

Au ta amanasa so'on. Metema, hapu na'u do makatema dila-nggauk soona, neukose Au taoisan, ma Au hotuheni la'iesak-kasa.

YESAYA 33:12

Emi sama leo batupiak fo nanahotuk, soaneu taon da'di ha'o; sama leo makatema dila-nggauk fo nanatati henik, ma nanahotu henik nai ha'i dale.

YESKIAL 2:6

Tehu o, hai hataholi daebafak manasapu-lalok-konei, boso bii-mamata'u neu basa malenalanga-masabasook sila-la, ma neu sila hala-kokolan-nala. Neukose, ala lena-la'ban o, ma lakamumulu-lakamamaek o, nalosa o maso'dam-ma, nono'kabai nai kulak-ka tala'da. Leomae leondiak boe, boso bii-mamata'u.

MATEOS 13:30

Neme na fo, ala moli lakabubua losa fai ketu-kolu ka soona, de'i fo au afa'da hataholi mana ketu-kolu la, fo ala fe'a lakahuluk fii la, fo ala puputus, basa soona, hotu henis. Basa ndia soona, besa ka lakaduduluk gandu ma la fo tadais leo soka dale neu.’ ”

MATEOS 13:42

nanatu'uk leo la'o mana pila lo'a-lo'a ka dalek leu; fo nai ndia neukose ala kii-makaleleu ma ala doidoso.

LUKAS 19:14

Tehu nusak ndia lau nala lakamun. Da'di, basa de ana la'o boema ala haitua hataholi nadedenuk neu soaneu nafa'da nae, ‘Ami ta nau hataholi ia da'di ami mane ma fa.’

LUKAS 19:27

Ma besak ia mo au musu noong fo ala ta nau au da'di sila mane na, leo ia mai. Taomisa la'iesa kasa nai au matang!’ ”

YOHANIS 15:6

Metema see ta da'di esa nahele no Au fa soona, neukose nanatapahenik, sama leo ai ndana ka, fo namatuu. Neukose ala tao lakabubua ai ndanak leo sila kala, fo ala tapas leo ha'i dale neu, fo ala hotuhenis.

2 TESALONIKA 1:8

nai ha'i mana pila lo'a-lo'a ka dalek. Ana mai soaneu Ana huku hataholi fo ala ta taoafik neu Manetualain nanoli-nafa'dan, boema hataholi fo so'da nala ta nandaa no ita Lamatuan Yesus nanoli na fa.

2 TESALONIKA 2:8

besa ka Hataholi Mangalauk ndia nananitak. Tehu metema Lamatuak Yesus mai soona, Ana taonisa Hataholi Mangalauk ndia, ninik ani hahae na. Ma neukose nanatao nakalulutuk ninik Lamatua ka mamai mandela-masa'a na.

IBRANI 6:8

Tehu metema dae ndia nabuna-naboa fii, ma na'u ai ana madila-nggauk, soona dae ndia sosoa-ndandaan ta, de mahani te, neukose Manetualain soo-supan, fo mate'e na, nanahotu henik.