2 SEMUEL 23:5 - Susula Malalaok Hehelu Palak Ma Hehelu Beuk

⁵ Leondiak boe, Manetualain ba'e-pala au tititi-nonosing, hehelu-balataan neu au-a ta nasafali fa, hehelu-balataan ndia, manaketu basa tak ma matetu-mandaak, nanaito-atok no matetun-na nai basa-basan lala'en-na dalek. Manetualain fe sesengik neu au ma Ana sipok basa au dale tutu'ung lala'en-na.

2 SEMUEL 23:5 ပူးပေါင်းရင်းမြစ်များ

KEJADIAN 9:16

Neu faik bee, fo elus-sa da'di nai ko'as-sa soona, neukose Au itan ma afandele Au hehelu-balataang fo manaketu-basa taak ndia, no basa mahahae maso'dak, fo laso'da nai daebafak-ka.

2 SEMUEL 12:10

Hu kande, o ta nau tunga Au fa de, o ho'i-ma Uria saon-na, hu ndia de, nai o tititi-nonosim-ma dalek, neme bobongik leo bobongik neu, hapu nggelok mate nisalal.

2 SEMUEL 13:14

Tehu, Amnon ta nau tunga fa, ma hu kande ndia balakain-na lena, boema nakaseti fa'din ndia, de ana tao tatao-nono'i mangalauk non.

2 SEMUEL 13:28

Absalom paleta atan-nala nae, “Taoafik matalolole, fo metema Amnon ninu angol fo ana mafuk soona, neukose au fe emi ta'du, fo taomisan. Boso bii. Te au nde lu'a-lepa dede'ak ndia. Taon no napalanik, fo boso no bibii-namata'uk!”

2 SEMUEL 18:14

Yoab nae, “Le'on-na leona! Basa le'do-fai no ka'da tale'a to o.” Boema Yoab ho'in-na tee telu de ana paun neu Absalom fanan-na, fo lelek ndia bei maso'dak, tehu lona-lona nai ai ndanak-ka.

2 SEMUEL 7:12

Neu fai makabuin, fo metema o fai mamatem-ma losa, fo o latoi o nai o bei-ba'i kaim-mala loo-laten soona, neukose Au so'u o anamanem esa da'di manek. Fo ndia nde, neukose napadedeik fe Au uma. Neukose, Au tao atea-ahele nusan-na, ma tititi-nonosin esa, neukose ana paleta da'di leo manek, losa dodoon-na.

2 SEMUEL 7:18

Boema, Mane Dauk-ka neu leo Manetualain Lalaa Teman dale neu. Boema nangatuuk, de ana hule-haladoi nae, “Ou Manetualain Fo Manai Mamana Madema, au ma au teidaleng-ngala, ta mandaa sipo basa malole lala'en, fo dodoo basa ia, O matu'dun neu au.

1RAJA-RAJA 1:5

Nanahu Absalom maten so, boema Adonia, fo Dauk ana mane nomel duan-na da'di ka'ak. Inan na'de Hagit. Adonia nde been-na hataholi fo ao na makadelek ma mana'ahiik. Aman ta namanasa nita fan metema ana tao salak. Adonia nahiik nanseli da'di manek, boema ana sadia na kaleta musu makadotok ma solda'du manasa'e ndala boema hataholi manamanea ndia, limahulu.

1RAJA-RAJA 11:38

Metema o sama leo Au atang Dauk fo o tunga Au no dalek-katema tuak boema maso'da tunga Au hoholo-lalaneng, ma tao mamahoko Au daleng-nga nenik tao basa hata fo Au paletan neu o, soona neukose Au ook-ko tataas esa. Neukose Au fe o da'di manek nai Israel. Neukose Au helu memak ae o tititi-nonosim neukose da'di mane Israel nggati o, sama leo hata fo Au tao basan soaneu Dauk.

1RAJA-RAJA 12:14

Nandaa no hataholi muli-solu kala nanoli-nafa'dan, de nafa'da nae, “Au amang fe emi lelepa mabela, tehu neukose au fe emi lelepa mabela lena seluk bai. Ana fepa-li'u emi nenik ue, tehu neukose au fepa-li'u emi nenik ue besik!”

MAZMUR 111:9

Ana soi-po'i anan-nala, de Ana tao hehelu-balataak manaketu-basa tak nos. Ndia nde Manetualain fo malalao-malalafuk, ma makadelek!

MAZMUR 119:81

Au daleng-nga nahiik nanseli, neu so'da-molek fo manamaik neme O mai; au amahena O hehelum-ma.

MAZMUR 27:4

Au oke dede'ak ka'da esa neme Manetualain mai, ka'da ia nde au ahiik-kana: au leo nai Manetualain Uman nai au fai maso'dan-nga dalek, soaneu au hapu ame'da ita Manetualain dale malolen-na, ma au dokodoe hehela-nonolen.

MAZMUR 62:2

Au ahani Manetualain, no au samaneng-nga tesa-tama, au so'da-moleng, neme ka'da Ndia mai.

MAZMUR 89:3

Nana au bubuluk, O susue-lalaim manaketu-basa tak, losa dodo-na, O lilinekam matea-mahelek sama leo lalai-a.

YESAYA 11:1

Mane Dauk-ka, tititi-nonosin sama leo ai nanalo'o henik-ka so. Tehu sama leo ai nanalo'o henik ndia huun-na nape'du beu, leondiak boe, neukose manek esa ana to'da mai neme Dauk tititi-nonosin mai.

YESAYA 27:6

Nai tepo-lelek manamaik-ka, leoina Israel-la, neukose sama leo ai maoka-ka, ma nakapepela boema ana taon-na daebafak-ka, henun nenik boan-nala.

YESAYA 4:2

Neukose losa fain-na te, Manetualain tao basa bubu'u-palusa, ma ai-la moli fo lamatua, fo nusak ia mana'ahiik. Nai faik ndia, neukose hataholi Israel fo maso'dak-kala, neukose lamahoko-setelee ma dalen-nala lamatua, nanahu dae-oen buna-boan-nala.

YESAYA 54:10

Leomae letek-kala, ma pupukuk-kala langgengo, tehu neukose Au ta hahae sue-lai o fa. Neukose Au ho'u ahele, Au hehelu-balataa mole-dameng-nga,” Manetualain fo, manasue-lai o-a, nafa'da nae leondia.

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YESAYA 61:8

Manetualain nafa'da nae, “Au sue-lai ndoos ma matetuk-ka, ma akamuu-akadau tuni-ndenik, boema tatao-nono'i magalauk-ka. Neukose Au bae o ngga'dim-ma, no lilinekak, ma tao hehelu-balataa manaketu basa taak-ka o emi.

YESAYA 7:14

Besak ia, neukose Manetualain nde fe o ta'du-tana. Anafe'oana kailus esa, neukose ana bongi-na ni'iana touanak esa, fo ana foin na'de Imanuel.

YEREMIA 32:40

Neukose Au tao hehelu-balatak matea-mahelek no sila. Neukose Au ta tao hahae neulauk ba'eneu sila fa. Neukose Au taos ala bii ma ala fe ha'da-holomata neu Au no dale katema-tuak, fo ala boso dook-ka neme Au-a mai.

YEREMIA 33:21

Leondiak boe Au helu basa neu Au atang Dauk so, ae, neme ndia tititi-nonosin mai-a neukose hapu nahele hataholin esa fo ana da'di manek; ma Au tao basa heheluk neu imam-mala fo Lewi tititi-nonosin-nala ae, neukose sila lalalau-laoono Au lahele. Heheluk sila-la ta hapu lose heni fan.

YESKIAL 37:26

Neukose, Au tao hehelu-balataa mole-dame o sila, fo neukose ndia da'di hehelu-balataa manaketu basa tak no sila. Neukose, Au fes baba'e-papalak, ma Au fes boetai lamade'u. Neukose, Au afofo'a Au Umang-nga neu sila daen dale, fo nahele neme ndia, losa dodoon-na.

AMOS 9:11

Manetualain nafa'da nae, “Neukose fain-na losa, Au tao-a Dauk nusan-na fo'a seluk. Besak ia, nusak ndia da'di sama leo uma fo ana tu'u neu so. Tehu neukose Au tao ahii papala nanadaman-nala, fo Au afofo'a falik-kana, fo ana da'di sama leo makahulun eli.

HATAHOLI 13:34

Manetualain tao naso'da fali kana neme mamate sa mai so. Besak ia, neukose Ana ta la'ola'di mamate sa nai bolo mamates dale so'on. La'eneu dede'ak ndia de Manetualain nafa'da nae, ‘Neukose Au fe O hehelu-balataa malalao-malalafuk, fo tao leo bee o nanatao natetuk, fo Au helu basan neu Dauk so.’

IBRANI 13:20

Manetualain tao naso'da falik basa ita Lamatuan Yesus neme mamate sa mai so. Hu ka nde mamaten ndia, de besak ia Ana da'di Mana Foo Matua Ina, ba'eneu ita, fo nde bi'ilopo nala. Mamaten ndia boeo, Ana pakunisa hehelu-balataa manaketu basa tak fo Manetualain taon no ita.

IBRANI 6:19

Ita namahenan ndia, sama leo naka fo nana pa'ak dema na seli nai oe dale, ma nalupa hoho'u matea, ma nee-nee-lino-linok, ba'eneu ita so'da na. Namahenak ndia, ana tola seli tema maloa manai Kama Malalao ka, nai Manetualain Uman manai nusa so'da ka.

SEMUEL SUSULAK-KA ESAN-NA 2:35

Basa soona, neukose Au hele imam manalilinekak neu Au, ma manatao-no'i hata fo Au paletan neun. Neukose Au fen tititi-nonosik fo nalalau-naoono tataas esa da'di leo imam nai Au hele manek-kala matan.

SEMUEL SUSULAK-KA ESAN-NA 25:28

Fe ampon neu atam-ma, salan ia. Tao leo bee-o, neukose Manetualain tao au Ama Maneng, no au Ama Maneng tititi-nonosin, da'di manek neu Israel, nana au Ama Maneng-nga natee-nata'ti soaneu Manetualain; ma nai au Ama Maneng fai maso'dan-na dalek, au Ama Maneng ta tao tatao-nono'i mangalauk fa.