2 SEMUEL 23:3 - Susula Malalaok Hehelu Palak Ma Hehelu Beuk

³ Yakob Manetualain-na, Ana kokolak basa so; manamasulu-mahapa Israel-la, nafa'da au nae, “Manek fo manapaleta laun-na no ndoos ma matetuk fo mananauli-nalanga no tunga neu Manetualain,

2 SEMUEL 23:3 ပူးပေါင်းရင်းမြစ်များ

KEJADIAN 33:20

Basa boema, ana taon-na mei tunu-hotuk esa neu mamanak ndia, de ana foin na'de “El, fo Israel Manetualain-na.”

2 SEMUEL 22:32

Nana, ka'da Manetualain nde Manetualain-na; Ita manamasala'en-na nde ka'da Manetualain mesak-kana.

2 SEMUEL 8:15

Enon-na leondiak, Dauk paleta basa Israel-lala'en-na, ma nanea, fo ela ana tao laun-na no matetun-na, ma no malole.

1RAJA-RAJA 10:9

Kokoa-kikiok ba'eneu Amak, fo Tuan Manetualain na! No Ana so'u Tuan da'di mane Israel-la, de Manetualain natu'du nae, namahoko nanseli neu Tuan. Sue-lalain neu leoina Israel-la ta ketu-basa fan; hu ndia de, Ana so'u Tuan da'di sila manen-na, fo ela Tuan hapu nakalala'ok hoholo-lalanek ma ndoos ma matetuk-ka.”

NEHEMIA 5:14

Au da'di gobelnol Yehuda, teuk sanahulu dua dalen so, fo nde mulai neme Manek Artahsasta paleta neme teuk ka duahulun-na losa teuk ka teluhulu duan-na. Nai lelek ndia, au ma au tolanoong-ngala ta la'iesa fo au ho'i au ngga'di gobelnol-la fa

AYUB 34:17

Ade, o fe salak neu Manetualain, fo ndoos matetuk, ma makadelek ndia do? Ade, nai o dale dodoom-ma, Manetualain ta hii ndoos ma metetuk ndia fa do?

MAZMUR 110:2

Neme Sion mai, neukose Manetualain tao namaloa o nusam-ma; koasa o musum-mala leona!

MAZMUR 42:9

Sa'di leo been-na, Manetualain natu'du susue-lalain nai fai lele'don-na fo ela nai fai le'odaen-na, au hapu akamee, ma hule-haladoi neu Manetualain fo au oemata maso'dang-nga.

MAZMUR 72:1

Neme Salomo mai. Ou Manetualain, manoli O hoholo-lalanem neu manek-ka, fe O ndoom-ma matetum-ma neu manek-ka anamanen-na.

MAZMUR 72:2

Ela leo been-na, naketu-nala'di O anam-mala tunga hoholo-lalanek, ma ana tao hataholi nanatuni-ndenik-ka no ndoos ma matetuk.

KELUARAN 18:21

Tehu fe'ek neme ndia mai, o muse hele-ma touk manatee-tenok de'ubee, fo fes da'di malangan neu hataholi lifun esa, natun esa, limahulu, ma sanahulu. Hataholi sila-la, muse hataholi fo ala bii Manetualain, ma ala tunga Manetualain, hapu nananamahelek, ma ala ta nau sipo doi sosolo dalek fa.

KELUARAN 20:2

nafa'da nae, “Au nde emi Manetualain, fo mananoo emi kalua meme Masir mai, mamanak fo manatao emi da'di ata.

KELUARAN 3:15

Boeo tui-benga fes, mae Au, Manetualain, fo sila bei-ba'i kain Abraham, Isak ma Yakob Manetualain-na, nadenu au mai leo emi mai. Au nde Manetualain, fo Au na'deng-nga nde ndia, losa dodoon-na. Au na'de nonokeng-nga nde ndia, soaneu basa leoina lala'en-na, neme tititi-nonosik leo tititi-nonosik neu.

AMSAL 31:9

Matee-mata'ti soaneus, ma da'di manakee-manafula ndoos ma matetuk. Masulu-mahapa hataholi nuu-taa hata-taak-ka, ma hataholi nanatuni-ndenik-ka, hak-ka.”

YESAYA 32:1

Mete leona, te neukose fain-na losa, manek esa, ana paleta no ndoos ma matetuk, ma leoina mauli-malangan-nala, lakalala'ok ndoos ma matetuk-ka.

YEREMIA 23:5

Manetualain nafa'da nae, “Neukose losa fain-na te, Au so'u-a manek esa fo ndoos ma matetuk neme Dauk tititi-nonosin-na mai. Manek ndia neukose ana paleta no ndolu ma malelak, ma ana tao beek soona, ndoos ma matetuk nai basa nusak-kala.

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

IBRANI 1:8

Tehu neu Anan ndia, Manetualain nafa'da nae, “O nde bee na Manetualain, ma neukose O paleta da'dileo Manek neme doon losa dodoo na! Neukose O nde koasa ma paleta no matetu na.