2 SEMUEL 23:18 - Susula Malalaok Hehelu Palak Ma Hehelu Beuk

^18-19 Malanga solda'du matuaina ka teluhulu fo palani tatibatu sila-la, ala foin na'de “Tridasawira” boe. Sila mauli-malangan nde Yoab fa'din Abisai, fo Zeruya anan-na. Ana tee nisa hai, hataholi natun telu so. Hu ndia de, ana da'di hataholi palani tatibatu. Tehu palanin-na ta dai solda'du “Triwira” fa.

2 SEMUEL 23:18 ပူးပေါင်းရင်းမြစ်များ

2 SEMUEL 10:10

Ana fe bei ela solda'du Israel-la, leo fa'din Abisai neu, fo lasasalematak loo solda'du Amon-nala.

2 SEMUEL 10:14

Lelek solda'du Amon-nala lita solda'du Siria-la lalai boema, sila boeo lalai leme Abisai mai, de lakadedeak leo kota dale leu. Yoab natee-nata'ti basa no hataholi Amon-nala boema, ana fali ne'un leo Yerusalem neu.

2 SEMUEL 18:2

Basa ndia boema, nadenus ala la'o, fo leu latee-lata'ti. Ana ba'es neu bubuak telu, de Yoab nauli-nalanga bubuak esa, Abisai, fo Yoab fa'din-na, nauli-nalanga bubuak esa, ma Itai, neme Gat mai, nauli-nalanga bubuak esa. Manek-ka nafa'da solda'dun-nala nae, “Au boeo, tunga sama-sama o emi.”

2 SEMUEL 2:18

Zeruya ana ka telun fo nde, Yoab, Abisai ma Asael, lai ndia. Asael nggafan-na seli, sama leo nusa nalaik,

2 SEMUEL 20:10

Amasa ta nita tafaina nai Yoab lima kiin-na fa. No kaiboik, Yoab pau tafaina ndia neu Amasa tein-na, nalosa tein-na poka leo deak mai. Maten nai hatematak ndia boe, de Yoab ta paluu pau seluk-kana so'on. Boema Yoab no fa'din Abisai, usi lakandoo Seba.

2 SEMUEL 3:30

Yoab no fa'din Abisai, ala balas nape'da dalen-na leondiak neu Abner, nanahu Abner taonisa sila fa'din Asael, nai natee-natatik dale neme Gibeon.

1 TAWARIKH 2:16

Isai anainan dua boe, fo nde Zeruya ma Abigail. Zeruya anan 3, fo nde Abisai, Yoab ma Asael.

PENGKHOTBAH 4:12

Hataholi dua la'ok lakabubua soona, ala hapu sili-la musu mamain-na, tehu hataholi kisak-ka, mu'dak laiesak-kana ana kala. Tali telu natatalik da'di esa soona, ta mu'dak ketu fan.