2 SEMUEL 22:48 - Susula Malalaok Hehelu Palak Ma Hehelu Beuk

⁴⁸ Ana fe au sengi au musung-nga, Ana sengi leoina-la nai au matang,

2 SEMUEL 22:48 ပူးပေါင်းရင်းမြစ်များ

2 SEMUEL 18:19

Basa boema Ahimaas, fo Zadok anan-na, nafa'da Yoab nae, “Fe au loak, fo au alai u afa'da manek-ka, hala malole ia, ae Manetualain soi-tefa-na Ama Manek, neme Ama Manek musun-na mai so.”

2 SEMUEL 18:31

Basa boema, Yoab atan ndia losa, de nafa'da manek-ka nae, “Atam-ma neni fe Ama Manek hala malole! Nai faik ia, Manetualain fe basa Ama Manek sengi basa hataholi manalena-la'ban Ama Manek paletan-na so.”

2 SEMUEL 4:8

Basa boema, ala fe Isyboset langan ndia leo Dauk neu, nai Hebron, ma lafa'da lae, “Saul anamanen Isyboset, fo Ama Manek musun fo ana sanga enok taonisa Ama Manek-ka, langan-na nde ia. Faik ia, Manetualain, balas Saul no tititi-nonosin-nala tatao-nono'in neu Ama Manek.”

MAZMUR 110:1

Dauk Kokoa-kikiok. Manetualain nafa'da, au tuang-nga nae, “Mangatuuk mai Au boboa konang-nga, losa Au tao-ala o musum-mala, lakatele neu o.”

MAZMUR 144:2

Ana da'di au mamana nasulu-nahapang, ma mamanak fo au akatatakak, au kota musung, ma au manasoi-manatefang, Au babaa fanang, ma au mamana masulu-mahapang, fo Ana fe leoina-la lakatele nai au koasang dae.

MAZMUR 94:1

Ou Manetualain, O nde Manetualain fo manabalas matu'du O babalam-ma, ou Manetualain.

1 KORINTUS 15:25

Kristus muse paleta nahele, losa Manetualain fe Kristus musu noon nala lakaluku-lakatele leun.

ULANGAN 32:35

Neukose Manetualain balas ma Ana hukus, ta dook-ka so'on te, ala tu'u leu fo mate-mopos; sila fai nakalulutun-na, ana losa no lai-laik.

SEMUEL SUSULAK-KA ESAN-NA 24:12

Au amang mete leona! Mitak au ho'u Ama Manek ba'du manalun-na, bibian-na nde ia. Tunga ndoon-na, atam-ma bisa taonisa Ama Manek dei, tehu atam-ma ka'da ke'di-na Ama Manek ba'du manalun-na, su'udoon faaanak. Da'di, tete'ek-ka, atam-ma ta nanuu dudu'a mangalauk, do nalelesi Ama Manek fa. Ama Manek usi atam-ma do'e-do'e, fo taonisa atam-ma, leomae atam-ma ta nasala Ama Manek faa anak boen.

SEMUEL SUSULAK-KA ESAN-NA 25:30

Neukose Manetualain tao basa malole lala'en, fo Ana helun neu au Ama Maneng, de ta dook-ka so'on te, Ana tao au Ama Maneng da'di manek neu Israel.

SEMUEL SUSULAK-KA ESAN-NA 25:39

Dauk namanene Nabal maten boema nafa'da nae, “Koa-kio Manetualain! Nanahu Ana balas Nabal dodoki-aali au, boema Ana kena ka'i au fo ela au boso tao mangalauk. Manetualain huku basa Nabal nanahu tatao-nono'i mangalaun-na.” Basa boema, Dauk nadenu hataholi neu adu-natane Abigail, fo ana taon da'di ndia saoinan.