2 SEMUEL 22:43 - Susula Malalaok Hehelu Palak Ma Hehelu Beuk

⁴³ Au tao alas beesopu, sama leo dae sopu manalapuk-ka, au sasapus, sama leo tane nai enok lain.

2 SEMUEL 22:43 ပူးပေါင်းရင်းမြစ်များ

2 SEMUEL 7:9

O muu su'di leo bee muu boe, Au sama-sama o o so, ma Au taoisa la'iesak o musum-mala, nai lelek o matee-mata'ti. Neukose, Au tao o da'di nananita-nalelak, sama leo mauli-malanga matuaina nanseli, nai daebafak-ka.

2RAJA-RAJA 13:7

Mane Siria, ana tao nakalulutuk Israel solda'dun-nala so, nalosa ela ka'da mane Yoahas-sa, solda'du manasa'e ndalan 50, kaleta musu 10, ma solda'du anak 10.000.

MAZMUR 18:42

Ala nggasi, tehu ta hapu manatulu-fali fa, ala laloo bou-bou neu Manetualain tehu Ana ta nataa fa.

MAZMUR 35:5

Nemen-na fo, Manetualain ata nusa so'dan-na usis, sama leo anin-na, fuu tapasasala ha'deuk-ka.

YESAYA 10:6

Au haitua Asyur ne'i fo ana sapu-na Au leoinang fo manafali deak-kala, ma manatao-na Au amanasa. Au adenu Asyur ne'i fo, ana bonga uma boema namanako, ma ana heheta-aa'i Au leoinang-nga sama leo afu manai enok lain-na.”

YESAYA 26:15

Ou Manetualain, O ta mamade'u ami, fo O anam-mala so, ma O tao mamaloa ami nusam-ma, hu ndia de, O nananamatutua-namadedemak.

YESAYA 41:2

See kande, nadenuk manakoasa neme dulu mai, de ana fen sengi, nakandondoo henin? See kande, fen sengi leoinak-kala, ma mane-manek-kala, lakatele neun? Tafainan-na, taon-nalas ala lapu sama leo afu-a, kokou isin-na, tao tapasasalas sama leo anin-na fuu neni ha'deaik-ka.

YESAYA 41:25

Au adenu basa hataholi esa neme dulu mai so: Au aloon, fo ana sapu neme kii mai. Neukose, ana heheta-aa'i basa manakoasa-la, sama leo tane-a, sama leo manatao ulek-ka, heheta-aa'i dae ulek-ka.

DANIAL 2:35

Nai hatematak ndia boe, dodoki-dudulak ndia lala'en-na nakalulutuk, de ana da'di besi manadoudouk, dae ulek, liti, lilofulak, ma lilopilas fo noe henin sama leo afu nai keke'di gandum-ma mamanan-na, nai fai hanan-na. Anin-na fuu madoudouk ndia de ana lapu, nalosa ta la'oela leen faa anak boe. Tehu batu manatao natu'u dodoki-dudulak ndia namatua, boema ana da'di lete matuaina de henu basa daebafak-ka lala'en-na.

MIKHA 7:10

Makahulun-na musu-a nakadadaek ita nenik nafa'da nae, “Manetualain, fo emi Manetualaim ndia nai bee?” Tehu besak ia, neukose lita hata fo Manetualain taon ba'eneu ita, fo neukose ala mae. Neukose ita tita matan, ita musun sila-la kala, ma nanaheheta-aa'ik sama leo tane nai enok lain.

ZAKHARIA 10:5

Neukose laun Yehuda-la, ala sengi, sama leo palani ta'tibatu-la, ala heheta-aa'i musu-a, sama leo tane-a nai enok lain. Neukose, lata'ti lakandoo, hu kande Au, Manetualain tulu-falis, ma solda'du musu manasa'e ndala-la, neukose ala sengi la'iesak-kasa.

ZAKHARIA 2:6

Manetualain nafa'da anan-nala nae, “Au tao tapasasala basa emi, leo bu'u-bu'uk lala'en-na neu so. Tehu besak ia, hai hataholi nanafook-kala lemin, malai meme Babel mai leona, fo fali me'um-ma leo Yerusalem meu.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

ULANGAN 32:26

Au hii tao amopo-amate la'iesak-kasa, fo ela mopo na'den-nala.