2 SEMUEL 22:3 - Susula Malalaok Hehelu Palak Ma Hehelu Beuk

³ Manetualain sama leo kota musu matea-mahelek au mamana nasulu-nahapang. Au Manetualaing-nga, sama leo lete batu, au mamana hahaeaong. Sama leo babaa fanak, fo ana babaa au, ma nanea au, fo ela au nee-nee lino-lino tataasesa.

2 SEMUEL 22:3 ပူးပေါင်းရင်းမြစ်များ

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

2 SEMUEL 22:31

Manetualain tatao-nono'in matet Manetualain u-mandaak, Manetualain hehelu-balataan, hapu nananamahelek! Ndia sama leo buas sisili musu ba'eneu basa sila fo manamasulu-mahapa neun.

2 SEMUEL 22:47

Manetualain maso'dak! Kokoa-kikiok neu au manamasala'eng-nga! Mamatutua-mamadedema Manetualain fo au manasoi-manatefang-nga, matua-mademan!

2 SEMUEL 22:49

Ana soi-tefa-nala au neme au musu noong-ngala mai. Manetualain, O fe au sengi au musung-nga, O masulu-mahapa au, neme hataholi dale susue-lalai tak-kala mai.

2 SEMUEL 22:51

Manetualain fe sesengik matuaina neu Ana ndo ei manek-ka, Ana sue-lai nahele, Ana hele hataholi-a, fo nde Dauk no tititi-nonosin-nala losa dodoon-na.

2 SEMUEL 23:3

Yakob Manetualain-na, Ana kokolak basa so; manamasulu-mahapa Israel-la, nafa'da au nae, “Manek fo manapaleta laun-na no ndoos ma matetuk fo mananauli-nalanga no tunga neu Manetualain,

MAZMUR 14:6

Hataholi mangalauk-ka, ana nau napanggengge hataholi nuu ta-hata tak-ka, tehu Manetualain da'di manamasulu-mahapa neus.

MAZMUR 140:1

Soaneu mauli-malanga nakameek-ka. Mazmur Dauk.

MAZMUR 140:11

Nemen-na fo, ha'ikaak manapila lo'a-lo'ak-ka, la'es nakandondoo henin, ma nanatapa henik, leo bolo mamates dale leu, nalosa ala ta bisa kalua leo deak mai so'on.

MAZMUR 140:4

Maan-nala sama leo menge malasok-ka, maan-na, ma dede'a-kokolan-nala sama leo menge suluk-ka, lason-na.

MAZMUR 142:4

Lelek hihii nae ketu au namahehenang-nga, O bubuluk hata fo, au muse taon. No denge-dengek, musu-a lona hihi'ik ba'eneu au, nai enok fo, au muse tungak-ka.

MAZMUR 144:2

Ana da'di au mamana nasulu-nahapang, ma mamanak fo au akatatakak, au kota musung, ma au manasoi-manatefang, Au babaa fanang, ma au mamana masulu-mahapang, fo Ana fe leoina-la lakatele nai au koasang dae.

MAZMUR 18:2

Au sue-lai O, ou Manetualain, O de been-na au be'i-balakaing!

MAZMUR 27:5

Manetualain nasulu-nahapa au nai au fai toto'a-tataang-nga; nafuni au nai Uman dale, ma Ana so'u neni au leo lete batu lain neu.

MAZMUR 28:7

Manetualain nde been-na, au masulu-mahapang ma manamasala'eng-nga, de au amahele neun. Ana tulu-fali ma Ana tao namahoko au daleng-nga, au koa-kion nenik nakamee makasi.

MAZMUR 3:3

Hapu makadotok lafa'da lae Manetualain ta nau tulu-fali au fa.

MAZMUR 32:7

O nde, au mamana nafuning-nga, O soi-po'i au neme toto'a-tataak-ka mai. Boema au eki ma amahoko-setelee, nana O soi-tefa-mala au so.

MAZMUR 46:1

Teidalek Korah kokoa-kikion-na. Soaneu mauli-malanga nakameek. No Alamot nakameen-na.

MAZMUR 46:11

Nafa'da nae, “Natee-nata'tik-ka, nate'e leona; bubuluk leona, te au ia Manetualain, Au matua-madema nai leoina-la tala'da matua-madema nai daebafak-ka lala'ena.”

MAZMUR 46:2

Manetualain nde been-na, ita manamasulu-mahapan, ma ita be'i-balakain. Naheheleaon tataas esa, ma Ana tulu-fali nabe'i ita, nai to'a-taak-ka dalek.

MAZMUR 46:7

Manetualain nanggulu, boema daebafak-ka nakalulutuk; leoina-la lakalupu, nusak-kala lakalulutuk.

MAZMUR 5:12

Sa'di leo been-na, basa hataholi fo, lasulu-lahapa leu O-a, lamahoko-setelee ma eeki-latadale losa dodoon-na. Masulu-mahapa hataholi manasue-lai O-a, fo ela lamahoko hu kande O.

MAZMUR 55:9

Neukose no lai-laik, au u sanga mamana nasulu-nahapak, neme ani-sangu ma ani matuaina mai.

MAZMUR 59:16

Laleu-lalaak sanga nana'ak, ma ala nggoo, metema ta lakabete fa.

MAZMUR 61:3

Dook-ka neme uma mai, au aloo bou-bou neu O, nanahu ketu au namahehenang-nga. Neukose O moo au leo mamana nalaik fo nee-nee lino-linok, mamanak fo mademaina nanseli ba'eneu au;

MAZMUR 71:7

Au so'dang-nga, da'di nana'dak ba'eneu hataholi makadotok, nana O nde, au manamasulu-mahapang fo, mabe'i-balakaik.

MAZMUR 72:14

Ana soi-po'is leme tuni-ndenik ma laka-nakasetik-ka mai, nana hataholi sila so'dan-na belin-na, ba'un-na seli ba'eneun.

MAZMUR 84:11

Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.

MAZMUR 84:9

Mamanene au huhule-haladoing, ou Amak Manetualain Fo Manakoasa, mamanene leon, ou Yakob Manetualain-na.

MAZMUR 86:14

Ou Manetualain, hataholi manakoao-ndaeaok-ka fo'a de ana sapu-na au, hataholi ha'da hataholi tak, bubuak esa, nau taolisa au; ala ta taoafik neu O fa.

MAZMUR 9:10

Manetualain ndia, mamana nasulu-nahapak, ba'eneu hataholi nanatuni-ndenik-ka, mamana hahaeaok, nai fai toto'a-tataak-ka dalek.

MAZMUR 9:9

Ana paleta leoina-la, no ndoos ma matetuk ma naketu-nala'dis tunga ndoon-na.

KELUARAN 15:2

Manetualain, nde au manamasala'eng fo mabe'i-balakaik; Ndia nde soi-tefa-nala au-a. Ndia nde au Manetualaing-nga, de au nau koa-kion, Manetualain fo au bei-ba'i kaing-ngala sene-do'ok-ka, de Au amatutua-amadedeman.

AMSAL 18:10

Manetualain ndia, sama leo uma puni madema mateaina; hataholi dale ndoos-sa, neu leo naa neu, de ana hapu mamanak fo, nee-nee lino-linok.

AMSAL 30:5

Manetualain tao natetu hala hehelun lala'en-na. Ndia sama leo babaa fanak esa, ba'eneu basa hataholi fo, ala mai lasulu-lahapa neun.

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 32:2

Sila esa-esak, sama leo ani-sangu mamana nasulu-nahapan. Sila sama leo lee fo, ana faa nai moo solokaek-ka, sama leo batu matuaina manai dae tuuk-ka, mamana susulun-na.

YESAYA 45:21

Kalaak o dede'am-ma, ma fe buti, hei, nemen-na fo, lakokolaok sama-sama. See kande, manatui-benga dede'ak ndia ma nafa'dan neme makahulun-na mai? Ade, ta nde Au fo, Manetualain fa do? Ta hapu lamatua daebafak fe'ek fa, ka'da Au mesang-nga Au nde Manetualain, fo ndoos ma matetuk, ma Manasoi-tefa, ta hapu fe'ek fa, ta'da fe'e Au!

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.

YEREMIA 16:9

Mamanene bek fo au, Amak Manetualain Fo Manakoasa, fo Israel Manetualain-na, sanga kokolak nu o. Neukose au tao ate'e feta kabing-nga hala namahokon-na ma seteleen-na ma lame'ma. Dede'ak ndia de neukose nananita matak neme hataholi-hataholi fo laso'da nai O tepo lelem ia.

LUKAS 1:47

ma au samane nga namahoko-setelee nana Manetualain au Manasoi-Manatefa nga.

LUKAS 1:69

Ana fe ita manasoi-tefa balakai lea, Dauk fo ata na tititi-nonosin.

LUKAS 1:71

soaneu soi-tefa nala ita teme ita musu no nala mai ma neme hataholi-hataholi fo lakamu-lakadau ita,

ULANGAN 32:37

Soona, Manetualain natane anan-nala nae, ‘Emi mamahena lamatua daebafak fe'ek fo, mabe'i-balakaik-kala, lai bee?’

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

ULANGAN 33:29

Maua-manalek ba'eneu o, hai Israel! Ta hapu leoina fo, Manetualain soi-tefa fas. Manetualain sama leo o tafainam-ma, ma o babaa fanam-ma; fo nasala'e o, ma Ana fe o sesengik. O musum-mala neukose ala mai fo ala dokodoe o dalek-kasiam-ma, ma neukose o heheta-aa'is.”

TITUS 3:4

Tehu Manetualain fo ita Mane Mana Fe So'da na, natu'du susue-lalain ma dale malole na neu ita.

TITUS 3:6

Manetualain fe Dula Dale na neu ita, tunga Yesus Kristus fo ita Mane Mana Fe So'da na nde da'di lelete,

IBRANI 2:13

Yesus boeo nafa'da nae, “Neukose Au tao Au namahehena nga neu Manetualain.” Ma nafa'da boe nae, “Au nde ia, sama-sama o ni'iana-ni'iana fo O fe basan neu Au a so.”

SEMUEL SUSULAK-KA ESAN-NA 2:1

Boema Hana hule-haladoi nae, “Manetualain tao-na au daleng-nga namahoko; tatao-nono'in tao tesa-tama au daleng-nga. Au ame'da au aua-anale, de au hakinonoli au musung-ngala, nana te'e-te'e, Manetualain tulu-fali basa au so.

SEMUEL SUSULAK-KA ESAN-NA 2:2

Ta hapu malalao-malalafuk sama leo Manetualain fa! Ka'da Ndia nde hapu fe nasulu-nahapak.