2 SEMUEL 22:18 - Susula Malalaok Hehelu Palak Ma Hehelu Beuk

¹⁸ Ana soi-tefa-na au, neme musu mabe'i-balakaik-ka mai ma neme hataholi fo ta lahiik au fa nanahu sila balakain-na, ba'un-na seli ba'eneu au.

2 SEMUEL 22:18 ပူးပေါင်းရင်းမြစ်များ

2 SEMUEL 22:1

Manetualain soi-tefa-nala Dauk neme Saul mai, ma neme basa musu fe'en lala'en-na mai boema, Dauk nakamee nakameek ia, ba'eneu Manetualain nae: [

2 SEMUEL 22:17

Manetualain look liman-na neme lain mai; Ana ho'u-na au, de Ana hela-na au neme oe madema dale mai.

2 SEMUEL 22:19

Ala sapu-la au, nai lelek soe-a tunu-ndeni au, tehu Manetualain da'di neu au manatulu-manafaling.

MAZMUR 3:7

Au ta bii-amata'u neu musu lifu-lifuk fo lakahapi-la au, neme bu'u-bu'uk lala'en-na mai.

MAZMUR 35:10

Au afa'da no au dale katema tuang-nga ae, “Manetualain, See kande sama leo O! O soi-po'i tapandoes-sa neme mabe'i-balakaik-ka, nuu ta-hata taak ma doidosok-ka, neme tuni-ndenik-ka mai.”

MAZMUR 56:9

O leke au leu-laang, fain-nala, ma O bubuluk au luu oeng-nga baba'un-na; ade, O ta hinga-leke fan do?

2 KORINTUS 1:10

Ndia nde soi-tefa nala ami neme susa-soe mamates matuaina ndia mai. Ma mahani te neukose Ndia boeo nde neukose soi tefa nala ami nai fai makabuin, nana ami tao ami namahehena ma neu ka'da Ndia mesa kana.

2 TIMOTIUS 4:17

Tehu Lamatua ka no nahele au, nai au boboa nga. Ana fe au be'i balakaik, de nalosa au apalani tui-benga la'i esak Hala Malole ndia, fo ela basa hataholi ta Yahudi la, lamanene beno'u. Ma au ala soe mamate sa deak.