2 SEMUEL 21:17 - Susula Malalaok Hehelu Palak Ma Hehelu Beuk

¹⁷ Tehu Abisai, fo Zeruya anan-na, ana mai tulu-fali Dauk. Ana sapu-na hataholi ao matua ei madema ndia de, ana taonisan. Basa ndia boema, Dauk solda'dun-nala dokodoe, fo ela Dauk naheluk nae, neukose ana ta tunga nai natee-natatik dale so'on. Lafa'da lae, “Ama Manek nde been-na, Israel hataholi namahehenan, de boso nalosak, mopo Ama Manek neme ami mai.”

2 SEMUEL 21:17 ပူးပေါင်းရင်းမြစ်များ

2 SEMUEL 14:7

De besak ia, atam-ma teidalen-nala lala'en-na, ala musu loo atam-ma, de lakaseti atam-ma, fo daenga atam-ma fe atam-ma ana kanisan ndia, leo sila neu, fo ala hukun nenik huhuku mamates, nana ana taonisa tolanoon-na so. Metema, atam-ma fe ni'iana ndia neu soona, ela ka'da atam-ma, mesa-mesak-kana so. Ala sanga tao lamopo bei ela au tititi-nonosing ndia, fo mopo atam-ma saon-na na'den-na, ma tititi-nonosin nai daebafak ia poin-na.”

2 SEMUEL 18:2

Basa ndia boema, nadenus ala la'o, fo leu latee-lata'ti. Ana ba'es neu bubuak telu, de Yoab nauli-nalanga bubuak esa, Abisai, fo Yoab fa'din-na, nauli-nalanga bubuak esa, ma Itai, neme Gat mai, nauli-nalanga bubuak esa. Manek-ka nafa'da solda'dun-nala nae, “Au boeo, tunga sama-sama o emi.”

2 SEMUEL 18:3

Tehu hataholi sila lataa lae, “Bosok, Ama Manek. Nana, metema no nakasetik fo ami malai, do leomae mate ami baba'ek dua boeo, musu-a ta paluu fa, nana ana sanga-ka nde Ama Manek dei. Ama Manek belin-na, de'u ami hataholi lifun sanahulu belin-na. Bai te, malole lenak ka'da Ama Manek haitua fe ami tutulu-fafalik neme kota dale mai.”

2 SEMUEL 22:19

Ala sapu-la au, nai lelek soe-a tunu-ndeni au, tehu Manetualain da'di neu au manatulu-manafaling.

2 SEMUEL 22:29

O de'de mapila au banung-nga; au Manetualaing-Nga nasalaa-na, au makahatung-nga.

1RAJA-RAJA 11:36

Tehu Au ela leo esa soaneu ndia, fo ela hapu hataholi esa neme Au atang Dauk tititi-nonosin mai, fo ana paleta soaneu Au nai Yerusalem tataas esa, kota fo Au hele basan da'dileo mamana hule-haladoik neu Au.

1RAJA-RAJA 15:4

Tehu, hu kande Mane Dauk ka, boema Manetualain fo Dauk sene-do'ok-ka, fe basa Abiam, ni'iana esa fo ana paleta nggatin nai Yerusalem fo nanea nahele kota ndia.

MAZMUR 132:17

Au fe Dauk tititi-nonosin esa nai ia, da'di manek; neukose Au tao atea-ahele paletan-na.

MAZMUR 144:10

O fe manek-kala sesengik, ma O soi-po'i O atam Dauk.

MAZMUR 46:1

Teidalek Korah kokoa-kikion-na. Soaneu mauli-malanga nakameek. No Alamot nakameen-na.

YEREMIA 40:15

Boema Yohanan nafa'da neu Gedalya nenik nakakukutuk nae, “Malole lenak au u tao isa Ismael; fo ela hataholi esa boen ta bubuluk nae sekande tataon ndia fa. Tao le'e de po'ilotak-kana ana tao nisa o? Neukose ndia nenenin-na basa hataholi Yehuda fo manamakabubuak lo o manai iala ala tapasasala seluk bai, ma dedeak ndia tao nalutu laiesak laun fo bei elak manai Yehuda.”

YOHANIS 5:35

Yohanis ndia, sama na leo banu manapila ka, fo pila na nasalaa. Emi mamahoko emi hapu masalaak ndia ka'da hatematak esa mesa kana.