2 SEMUEL 21:1 - Susula Malalaok Hehelu Palak Ma Hehelu Beuk

¹ Nai tepo-lelek Dauk paleta, la'a-ndoes matuaina, ana da'di teuk telu dalen-na. Boema, Dauk noke natutu'duk neme Manetualain mai, la'eneu la'a-ndoes ndia, de ManetualainManakoasa nafa'da nae, “La'a-ndoes ndia da'di, hu kande Saul no teidalen-nala salan-na, nana ala taolisa hataholi Gibeon-nala.”

2 SEMUEL 21:1 ပူးပေါင်းရင်းမြစ်များ

KEJADIAN 12:10

Tehu, la'a-ndoes matuaina nai Kanaan, nalosa Abram la'ok dook-ka seluk, leo kona neu, fo leo nusa Masir-ra neu, fo ana leo neme ndia, losa basa la'a-ndoes ndia.

KEJADIAN 26:1

La'andoes-sa da'di seluk nai nusak ndia, sama leo ana da'di nai Abraham tepo-lelen-na so. Isak neu leo Abimelekh, fo hataholi Filistin-nala manen-na, nai Gerar, de noke fen loak fo ana leo neme ndia.

KEJADIAN 41:57

Hataholi la mai leme basa daebafak-ka lala'en-na soaneu asa gandum neme Yusuf mai, nanahu la'andoes matuaina nai mamanak lala'en-na.

KEJADIAN 42:5

Nanahu la'andoes-sa nai nusa Kanaan-na boema, Yakob anan-nala loo hataholi fe'ek makadotok leu asa gandum nai Masir.

KEJADIAN 43:1

La'andoes-sa nai Kanaan boetai namatuak-ka, de lelek Yakob umaisin-nala la'a basa gandum fo lenin neme Masir mai boema, Yakob nafa'da anan-nala nae, “Meu seluk leo Masir meu, fo asa gandum soaneu ita dei.”

2 SEMUEL 16:8

O loso-ma Saul nusan-na! De besak ia, Manetualain huku o, nanahu o taomisa Saul tolanoo ka'a-fa'din makadotok nanseli so. Manetualain fe heni o nusam-ma leo o anam Absalom neu so. Besak ia, nduada ndalak muu leon, hai kanisak-konei!”

2 SEMUEL 20:26

Imam manai uma manek-ka nde, Ira, fo neme kota Yair-ra mai.

2 SEMUEL 21:5

Boema lataa lae, “Saul nde been-na, manek fo Manetualain helen, tehu nahiik tao namopo-namate la'iesak ami, fo mopok ami neme Israel lala'en-na mai.

2 SEMUEL 24:1

Manetualain namanasa seluk Israel, boema Ana fufu'di-oodok Dauk no dudu'ak, fo ela neni toto'a-sosotak fe leoina ndia. Manetualain nafa'dan nae, “Leke hataholi Israel-la ma hataholi Yehuda-la dede'un-nala.”

2 SEMUEL 5:19

Boema, Dauk natane Manetualain nae, “Au muse u sapu-a hataholi Filistin sila-la do? Ade, neukose O fe au sengi do?” Boema Manetualain nataa nae, “Sapu leona, te neukose Au fe o sengi!”

2 SEMUEL 5:23

Dauk noke natutu'duk la'iesa seluk, neme Manetualain mai. Boema Manetualain nataa nae, “Boso sapu-malas, neme ia mai, tehu la'ok po'de, fo sapu-malas neme dea mai, deka no ai mulbei-la.

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

1RAJA-RAJA 18:2

Boema Elia la'o leona. Nai lelek ndia, soe la'andoes-sa matuainan-nanseli nai Samaria so.

2RAJA-RAJA 6:25

de neninin-na, la'a-ndoes matuaina, da'di nai kota dale, nalosa keledei langak esa soona, belin-na doi fulak 80, ma manupui kalua teik, ons 2, fo belin-na doi fulak 5.

2RAJA-RAJA 8:1

La'i esa boema, Manetualain fe soe la'a-ndoes-sa nai nusa Israel-la, teuk hitu dalen-na. Manada'dik ndia, beita da'di fa te, Elisa nafa'da basa dede'ak ndia, neu inak-ka neme Sunem mai, fo anan-na nanatao naso'da falik. Elisa boeo nadenun, fo no teidalen-nala, lali heok leo nusa fe'ek leu.

AYUB 10:2

Neukose, au afa'da Manetualain ae, Ou Manetualain, boso fe salak neu au; Mafa'da mangalele'do, tao le'e de, O la'ban au.

MAZMUR 27:8

O mafa'da mae, “Mai leona fo sene-do'ok Au.” Au ataa ae, “Au mai no lai-laik, ou Manetualain;

MAZMUR 50:15

Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

IMAMAT 26:26

Neukose, emi nana'am-ma basan, nalosa inak sanahulu, ala paluu ka'da mamana tutunu loti esa, soaneu tunu sila lotin-na. Neukose, emi mi'a basa nana'ak ndia so, tehu emi bei mame'da mamala'a boe.

BILANGAN 27:21

Yosua muse noke natutu'duk neme Imam Eleazar-ra mai, ma Eleazar muse natane Au hihii-nanaung nenik ana pake Urim ma Tumim. No enok ndia, hela-nole Yosua, ma basa leoina Israel-la lala'en-na, nai basa dede'ak lala'en fo latongo loon.”

YOSUA 7:1

Manetualain nafa'da basa hataholi Israel-la nae basa hata lala'en manai kota Yerikho, muse tao nakalulutuk-kasa, fo ta bole ho'i-la esa boen. Tehu ala ta tunga paleta ndia fa. Touk esa na'de Akhan, la'olena paleta ndia, nalosa Manetualain namanasa nanseli no hataholi Israel-la. (Akhan aman na'de Karmi, ma ba'in na'de Zabdi neme teidalek Zerah nai leo Yehuda dalek.)

YOSUA 9:20

Ita ta bole taotisa fas, nana ita helu basa so; de metema ita talelesi hehelu-balataak ndia soona, neukose Manetualain huku ita.

RUT SUSULAN-NA 1:1

Nai tepo-lelek makahulun eli, Israel beita nanuu manek esa boen, te la'a-ndoes nai Kanaan. Nai lelek ndia, hapu touk esa na'de Elimelekh, neme leo-ingu Efrata mai, de ana leo nai kota Betlehem-ma, nai nusa Yehuda. Hu kande la'a-ndoes ndia, de no saoinan Naomi, ma ana toun duas, fo nde Mahlon ma Kilyon leu leo nusa Moab-pa leu. Boema ala leo leme naa. Lelek ala lei lai naa boema,

SEMUEL SUSULAK-KA ESAN-NA 10:22

Hu ndia de, hataholi-la latane Manetualain lae, “Ou Manetualain ade hataholi ndia, nai ia so do beik?” Manetualain nataa nae, “Saul ke'ke nai bua-lo'as nanasadiak-kala dean-na.”

SEMUEL SUSULAK-KA ESAN-NA 23:11

Au amanene halak-ka, tete'ek-ka do? Manetualain, fo Israel Manetualain, sa'di leo been-na, mafa'da au.” Manetualain nataa nae, “Hei, neukose Saul mai.” Boema Dauk natane seluk nae, “Ade kota Kehila laun-nala, neukose ala fe au ma au solda'dung-ngala leo Saul neu do?” Boema Manetualain nataa nae, “Hei.”

SEMUEL SUSULAK-KA ESAN-NA 23:2

Boema Dauk natane Manetualain nae, “Ade, au muse u sapu-a hataholi Filistin-nala do?” Manetualain nataa nae, “Hei, muu sapu-malas, fo soi-tefa-ma Kehila laun-nala.”

SEMUEL SUSULAK-KA ESAN-NA 23:4

Hu ndia de, Dauk noke natutu'duk la'i esa seluk neme Manetualain mai, de Manetualain nataa nae, “Boso bii. Muu sapu-ma kota Kehila leona, nanahu neukose Au fe solda'du Filistin sila-la leo o neu.”