2 SEMUEL 20:2 - Susula Malalaok Hehelu Palak Ma Hehelu Beuk

² Boema hataholi Israel sila-la la'oela Dauk, de leu tunga Seba. Tehu hataholi Yehuda-la lilineka lahele, ma ala tunga Dauk, neme Lee Yarden-na losa Yerusalem.

2 SEMUEL 20:2 ပူးပေါင်းရင်းမြစ်များ

2 SEMUEL 19:15

Boema manek-ka la'o, de ana losa Lee Yarden-na, fo ndia te, hataholi Yehuda-la losa Gilgal so, fo ala soluk manek-ka ma lanean, fo ana lena leo lee ndia selik neu.

2 SEMUEL 20:1

Nai kota Gilead-ta, hapu tou manatao tasibu esa, na'de Seba. Bikri neme leo Benyamin-na mai, anan ndia. Lelek hataholi manatunga Dauk-ka, beenongo mai boema, Seba puu pupuuk-ka, ma naloo bou-bou nae, “Dauk ndia, hataholi fe'ek, de sosoak hata, ita tunga hataholi ndia? Hai hataholi Israel-la lemin, mai fo ata fali teu-tala!”

2 SEMUEL 20:21

Ami dale tutu'um-ma ta leondiak fa. Tehu hataholi esa na'de Seba, fo Bikri anan-na, neme nggolo letelepak Efraim-ma mai, ana lena-la'ban basa Mane Dauk-ka paletan-na so. Fen mai leona, soona neukose au la'o eme kota ia mai. Boema, inak ndia nafa'da nae, “Neukose ami tapa hataholi ndia langan-na neme papala nanadamak ia lain leo Tuan neu.”

2 SEMUEL 20:3

Lelek Dauk losa uma manen-na, nai Yerusalem boema, naloo-na ana la'o ela sao makahatu ka sanahulun-na fo lanea uma manek-ka, de ana fes leo lai uma esa dalek, fo manamanea-la laneas. Dauk nakabobois, tehu ana ta sungu nos so'on. Da'di, inak sila-la pasi fe'e lahele, sama leo inafalu losa mate.

1RAJA-RAJA 12:20

Nai lelek basa laun Israel-la lamanene lae Yerobeam fali ma'in neme Masir mai so, boema ala laloon leo buaok esa neu, de ala so'un da'di mane Israel. Ka'da leo Yehuda laun-na mesa kasa nde lilineka lahele Dauk tititi-nonosin-nala.

2TAWARIKH 10:17

de Rehabeam da'di manek ka'da neu nusak Yehuda.

MAZMUR 62:9

Hai au leoinang-ngala lemin, mamahele neu Manetualain tunga faik, po'a la'iesak o dudu'a-aafim neun nana ita mamana nasulu-nahapan-na, nde Ndia.

AMSAL 17:14

Mulai nale'a-napilik-ka nde been-na, sama leo soi heni oe enon-na; hu ndia de, nale'a-napilik-ka beita mulai fa te, heok leona.

HATAHOLI 11:23

Ma lelek Barnabas losa naa de nita Manetualain ba'e-pala tao hataholi sila la tao leo beek, boema namahoko nanseli. Boema nokes fo ela te'e-te'e ala lilineka neu Lamatua ka no dale katematuak.