2 SEMUEL 20:19 - Susula Malalaok Hehelu Palak Ma Hehelu Beuk

¹⁹ Ami nusam Abel ia matuaina, kota esa nee-nee lino-linok, ma manalilinekak nai dae Israel ia. Tao le'e de, Tuan sanga enok fo tao makalulutuk-kana? Tuan nahiik tao nakalulutuk Manetualain daen-na do?”

2 SEMUEL 20:19 ပူးပေါင်းရင်းမြစ်များ

KEJADIAN 18:23

Abraham neu deka no Manetualain, de natane nae, “Tete'ek-ka, Manetualain sanga tao namopo-namate hataholi sala taak-ka, sama-sama no hataholi masalak-ka do?

2 SEMUEL 14:16

Atam-ma dodoo nae, neukose au Ama Maneng namanene fo soi-tefa-na atam-ma neme hataholi fo, ana sanga enok sanga taonisa atam-ma, ma atam-ma anan-na. Ala tutu'u basa, fo ala usi heni ami neme dae fo Manetualain fen neu anan-nala ndia.

2 SEMUEL 17:16

Husai nae, “Lai-lai! Mafa'da Dauk, fo ela ana boso sungu nai mamana lelenak leo lee selik fo nai moo solokaek-ka. Muse no lai-laik, ana lena leo Lee Yarden-na selik neu. Metema ta soona, no solda'dun-nala lala'en-na, neukose lakalulutuk.”

2 SEMUEL 20:18

Boema inak ndia nafa'da nae, “Makahulun-na, hataholi-la biasa lafa'da lae leo ia, ‘Metema, o paluu natutu'duk soona, muu leo kota Abel-la muu’ – te sila tataon-na nde ndia.

2 SEMUEL 20:20

Boema Yoab nataa nae, Ta, makandondook! Au ta anuu dudu'ak tao alutu, do tao akalulutuk o kotam-ma fa!

2 SEMUEL 21:3

de natanes nae, “Ade, au tao beek soaneu emi? Au ahiik soi-tefa salak fo nanatao basak neu emi so, fo ela emi fe Manetualain anan-nala, baba'e-papalak.”

1RAJA-RAJA 8:53

O, ou Manetualain O hele basa sila leme leoina lala'en-na dalek mai soaneu da'di O ana mesam so, sama leo hata fo O mafa'da neus tunga O atam Musa, lelek O hela-nole ami bei-ba'i kai mala kalua leme Masir mai.”

MAZMUR 106:5

Ela leo bee-na, au ita O hataholi hehelem-mala tetu-teman, ma amahoko sama-sama o, O anam-mala. Ela leo bee-na, au daleng-nga namatua, ma amahoko-setelee, sama-sama o, hataholi fo ala da'di O nuum so.

MAZMUR 124:3

soona hataholi fo, nasan-nala lua ponu-ponu-a, ala ko'do katemak ita so.

MAZMUR 33:12

Maua-manalek ba'eneu leoina fo, ana manaku Manetualain da'di leo ndia Manetualain-na, maua-manalek ba'eneu hataholi fo Ana helen da'di Ndia nuun!

MAZMUR 78:71

neme mamanak fo, ana nakaboboi bi'ilopo ina-la mai, soaneu ana foo Israel, fo anan-nala.

YEREMIA 51:34

Yerusalem nakalulutuk ma manek Babel-la na'a henis; ana fe kota ndia louk sama leo boto louk-ka boe. Sama leo bana matuaina esa ana ko'do Yerusalem ma nadai tein-na nenik basa hata neulauk fo manai kota ndia, boema ana tapa heni lenan-nala.

YEREMIA 51:44

Neukose Au huku Bel lamatua daebafak Babel, neukose Au tao-an fe falik hata fo ana loso nak-kala. Leoinak-kala ta sene-do'ok neu ndia so'on. Papala-nanadamak Babel-la tu'u heni so.

RATAPAN 2:16

Basa o musum-mala mete o mata-panam no nakamuu-nakadauk, ala hika ma latitii nisi o. Lafa'da lae, “Ami tao mamopo-mamate kota ndia so! Mate'en-na, faik fo ami mahani talu-talu moon-na, ana losa boe!”

RATAPAN 2:2

Ana tao nakalulutuk basa mook manai nusak Yehuda, ta no dale susuek fa. Nai nasa-melun-na dalek, Ana honan losa ndefa heni basa kota musu manamasulu-mahapa nusak ndia. Nusak ndia no basa mauli-malangan-nala, Ana tao natu'das, nalosa ala da'di nakadadaek.

RATAPAN 2:5

Manetualain da'di sama leo musu; Ana fepa Israel losa ndefa henin. Ana tao nakalulutuk kota musu-la boema uma manek-ka, ma Ana fe soe-a namaba'u nai laun Yehuda dalek.

BILANGAN 16:32

de ana ko'do-nalas loo teidalen-nala, boema basa hataholi manalook Korah, no basa hata-heton-nala lala'en-na.

BILANGAN 26:10

Boema, dae natangga, de ana ko'do-nalas, nalosa mates sama-sama loo Korah no hataholi manatungan-nana, lelek ha'i-a na'a heni touk natun dua limahulu. Manada'dik ndia, ana da'di nasanene'dak ba'eneu leoina Israel-la.

1 KORINTUS 15:54

Metema ao paak fo manamate basa ka, nananggatik ninik ao paak fo ta hapu mate fan, ma ao paak maneme daebafa ka, nananggati basak ninik ao paak fo maneme nusa so'da ka mai soona, nai lelek ndia besa ka ana da'di hata fo nanasulak nai Susula Malalaok dale nae, “Mamate sa nanatao nakalulutuk so; sesengi ka hapun so!”

2 KORINTUS 5:4

Nai lelek fo ita bei leo nai uma manai daebafak ia dale ka, ita honggu'u, nana ita lelepa mabela na. Ta hu ka nde ita nau tatapo'i teme ita ao paa daebafa na mai fa, te hu ka nde ita nau pake ita ao paan maneme nusa so'da ka mai, fo ela ita ao paan fo bisa maten ia, nanatao nasafalik da'di ao paa maso'dak.

ULANGAN 20:10

Metema emi meu sapu-ma, kota esa soona, fe makahuluk laun-na loak fo laloe aon-na.

ULANGAN 32:9

Tehu Yakob tititi-nonosin ia-la Manetualain heles da'di Ndia nuu Mesan.

1 TIMOTIUS 2:2

soaneu mane-mane kala, ma basa hataholi mana ho'u koasa lala'ena. Moke fo ela ita taso'da no nee nee-lino linok, mole-dame soaneu Manetualain, no ha'da-tatao matetu-mandaak.

HAKIM-HAKIM 5:7

Kota-kota Israel-la, louk, nee-nee lino-lino, nalosa o mai, hai Debora; o mai sama leo inak fo nanasue-laik.

SEMUEL SUSULAK-KA ESAN-NA 10:1

Basa boema, Semuel ho'i-na kete mina setun-na, de ana po'a mina ndia neu Saul langan lain, ma ana de'in, boema nafa'da nae, “Manetualain ndo ei basa o da'di manek neu Ndia anan Israel so. Neukose o paleta anan-nala, ma masulu-mahapas leme musun-nala mai. Ta'du-tanan nde ia, nae Manetualain hele basa o da'di manek neu anan-nala:

SEMUEL SUSULAK-KA ESAN-NA 26:19

Ama Manek, mamanene atam-ma dokodoen ia. Leounik-ka, Manetualain nde nadenu Ama Manek, fo daenga la'ban atam-ma soona, tunu-hotu tutunu-hohotuk esa, fo neukose ana hapu tao natenak heni nasa-melun neu atam-ma. Tehu, leounik-ka, manamadenu Ama Manek ndia, nde been-na, hataholi daebafak soona, sa'di leo been-na, Manetualain soo-supas! Nanahu no sila tatao-nono'in ndia de, atam-ma nanausi henik neme Manetualain dae-na mai, de no nakasetik, atam-ma muse neu leo mamana fe'ek, fo nai bee, atam-ma muse sene-do'ok neu lamatua daebafak nusa dea-la.