2 SEMUEL 20:15 - Susula Malalaok Hehelu Palak Ma Hehelu Beuk

¹⁵ Yoab solda'dun-nala lamanene lae Seba nai ndia boema, lakahapi-la kota ndia. Ladodou dae okofeo papala nanadama deak-ka, de ala mulai kali dae manai papala nanadamak ndia huun-na, fo suekande ala tao latu'un.

2 SEMUEL 20:15 ပူးပေါင်းရင်းမြစ်များ

2 SEMUEL 20:14

Seba la'ok tunga la'iesak leo Israel-la nusan-na, boema no basa Bikri teidalen-nala losa kota Abel-Bet-Maakha.

1RAJA-RAJA 15:20

Benhadad sipok nonokek ndia, boema nadenu malanga solda'du matuainan-nala sama-sama loo Asa solda'dun-nala leu sapu-la Israel kotan-nala. Ala sengi Iyon, Dan, Abel-Bet-Maakha ma Kinerot fo ana deka no Dano Galilea boema basa nusa Naftali lala'en-na.

2RAJA-RAJA 15:29

Nai tepo-lelek Pekah paleta, Tiglat-Pileser, fo mane Asyur-ra, natona-na kota Iyon, Abel-Bet-Maakha, Yanoah, Kedes, Hazor, nusa Gilead, Galilea ma Naftali. Laun-nala nanafook boe, da'di leo hataholi nanafook leo Asyur leu.

2RAJA-RAJA 19:32

Manetualain nafa'da la'eneu manek Asyur-ra, nde ia, ‘Neukose, ana ta bisa masok Yerusalem, do ana kou kokou isik leo kota ndia neu fa. Solda'du manapake babaa fanak-kala, neukose ta hapu esa boen, fo ana bisa deka kota ndia fa, ma neukose, ta nadodou dae, fo da'di papala nanadamak, soaneu nakahapin-nan fa.

PENGKHOTBAH 9:14

Hapu kota anak esa laun-na lumanak. Faik esa boema, mane matua esa mai sapu-na kota ndia. Nakahapi-nan boema naheheleaon fo ana hona nakalulutuk papala nanadaman-na.

YESAYA 37:33

Manetualain nafa'da la'eneu manek Asyur-ra, nde ia: ‘Neukose ana ta masok Yerusalem, do ana kou kokou isin-na leo kota ndia neu fa. Ta hapu solda'du manapake babaa fanak esa boen, neu deka no kota ndia fa, ma ala ta tao mamana nafunik, okofeo fan.

YEREMIA 32:24

Hataholi Babel-la ala tao papala nanadamak musu feo kota soaneu latona-la, de besak ia latee-latati so. Natee-natatik-ka, la'a-ndoes-sa, ma he'di laus matuaina, neukose taon-na kota ia tu'da lo sila neu. O mita matan boe, basa hata fo O mafa'dak-kala ala da'di mata nitak.

YEREMIA 33:4

Manek Yehuda uma manen-na, ma uma manai kota Yerusalem-mala ala ofe henis fo ala tao latea-laheles soaneu musu-a mamain-na. Tehu Au, Manetualain, fo Israel Manetualain, nafa'da nae,

YEREMIA 6:6

Manetualain Fo Manakoasa, Ana paleta basa manakoasa sila-la, fo ela ala lo'oheni ai-la, ma po'a tadodou dae, fo da'di mamana nanabik, fo ata sapu-ta, Yerusalem. Manetualain nafa'da nae, “Neukose Au huku kota ia, nanahu tuni-ndenik makadotok nanseli, da'di nai dalek so.

YESKIAL 4:2

Boema, dokik-ma musu-a, nakahapi-na kota Yerusalem-ma no oelolok-kala, dae madodouk-kala, solda'du-la uma ofun-nala, ma pe'da taka-besi okofefeo-la papala nanadaman-na.

LUKAS 19:43

Te'e-te'e, fai na neukose losa, nai bee o musu noo mala ala tao mana mapanggenggek okofefeok o. Neukose ala lapadei okofeo la o, ma lakaseti la o neme basa bu'uk lala'ena mai.