2 SEMUEL 2:7 - Susula Malalaok Hehelu Palak Ma Hehelu Beuk

⁷ Matetea-mahehele emi dalem-ma, ma ho'i nakeketuk da'di leo palani ta'ti batu! Memak, emi manem Saul maten so, tehu hataholi Yehuda-la ndo-ei basa au, da'di emi manen so.”

2 SEMUEL 2:7 ပူးပေါင်းရင်းမြစ်များ

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

2 SEMUEL 10:12

Matetea-mahehele o dalem-ma! Mai fo tatee-tatati no napalanik, soaneu ita leoinan-na, ma soaneu ita Manetualain kotan-nala. Sa'di leo been-na, Manetualain tao su'di beek fo nahiik-kana.”

2 SEMUEL 2:6

Hu ndia de, sa'di leo been-na, Manetualain natu'du lilinekan ma susue-lalain neu emi. Au boeo, tao emi no malolen-na, nanahu emi tatao-nono'im ndia.

2 SEMUEL 2:8

Saul malanga solda'du matuainan-na, fo nde Abner, fo Ner anan-na, nalai sama-sama no Isyboset, fo Saul anan-na, leo Mahanaim nai Lee Yarden-na selik leu so.

2 SEMUEL 5:3

Dauk tao hehelu-balataak no mauli-malangan Israel sila-la neme Hebron, boema ala ndo ein da'di mane Israel.

2RAJA-RAJA 11:12

Basa ndia boema, Yoyada no Yoas leo deak leu, boema ana tao ti'ilanga manek-ka neu Yoas langan lain, ma ana fen Manetualain susula Hoholo-lananen. Yoas nanandoo eik da'di leo manek, de ala po'a-benga dede'ak ndia, neu laun-na. Basa-basas totoko liman-nala, ma eeki-latadale lae, “So'dak ba'eneu manek-ka!”

NEHEMIA 2:18

Boema au tuis, tao leo bee de Manetualain tulu-fali au ma hata fo manek-ka nafa'da basan neu au so. Boema lataa lae, “Mai fo ata mulai tafofo'a!” Boema lahehele aon soaneu ala mulai tao bela-ba'uk ndia.

1 KORINTUS 16:13

Ela leo bee na manea matalolole ma matea-mahele nai emi maso'da ma dalek, da'dileo hataholi kamahehelek. Da'di palani ma balakaik, ma da'di mabe'i-balakaik.

EFESUS 6:10

Mate'e na, ela leo bee na emi da'di balakaik, minik be'i-balakaik fo emi hapun neme Lamatua ka mai, nana emi da'di esa moon.

SEMUEL SUSULAK-KA ESAN-NA 31:12

boema, hataholi palani ta'ti batu-la, ala la'ok leme ndia leo Bet-Sean leu, le'odae katemak esa. Lakona heni Saul no anamanen-nala popolan-nala, neme kota ndia papala nanadaman lain mai, boema lenin leo Yabesh neu, de ala hotun.

SEMUEL SUSULAK-KA ESAN-NA 31:7

Lelek hataholi Israel manaleo nai Bafak Yizreel-la selik, ma Lee Yarden-na boboan dulu, lamanene lae solda'du Israel-la lalai so, ma lae mate Saul no anamanen-nala so boema, lalai la'oela sila kotan-nala. Basa boema, hataholi Filistin-nala, langatuu-la kota sila-la.

SEMUEL SUSULAK-KA ESAN-NA 4:9

Mapalalani dalem-mala leon, hei hataholi Filistin-nala lemin! Matee-mata'ti sama leo touanak, te metema ta soona, neukose emi da'di hataholi Ibrani sila-la atan, sama leo makahulun-na, sila da'di emi atam. Hu ndia de, matee-mata'ti no napalanik!”