2 SEMUEL 2:4 - Susula Malalaok Hehelu Palak Ma Hehelu Beuk

⁴ Basa boema, hataholi Yehuda-la mai leo Hebron mai, de ala ndo-ei Dauk da'di manek neu Yehuda. Lelek Dauk namanene, lae hataholi Yabesh manai Gilead-tala, latoi heni Saul popolan-na so boema,

2 SEMUEL 2:4 ပူးပေါင်းရင်းမြစ်များ

2 SEMUEL 19:11

Hala-kokolak sila-la losa Mane Dauk-ka boe. Hu ndia de, nadenu Imam Zadok-ka ma Imam Abyatar-ra, fo leu latane basa mauli-malangan Yehuda-la, lae leo ia, “Tao le'e de, emi da'di hataholi mate'ek soaneu soluk manek-ka, fo moon fali ne'un leo uma manen-na neu fa?

2 SEMUEL 19:42

Boema, hataholi Yehuda-la lataa lae, “Memak tete'ek-ka, nanahu manek-ka nde been-na, ami tia-laim. Tao le'e de, emi mamanasa? Ade, manek-ka nde lu'a-lepa ami paluum-ma, do ana fe basa ami, bua palsen so do?”

2 SEMUEL 2:11

de Dauk paleta Yehuda neme Hebron, teuk hitu, bulak nee dalen-na.

2 SEMUEL 2:7

Matetea-mahehele emi dalem-ma, ma ho'i nakeketuk da'di leo palani ta'ti batu! Memak, emi manem Saul maten so, tehu hataholi Yehuda-la ndo-ei basa au, da'di emi manen so.”

2 SEMUEL 21:11

Lelek lafa'da Rizpa tatao-nono'in ndia neu Dauk boema,

2 SEMUEL 21:12

neu ho'in-na Saul no Yonatan dui-kalun neme laun manai kota Yabesh-sa, nai Gilead. (Hataholi sila-la, lamanako-la dui-kaluk sila neme mook nakaminak bola manai kota Bet-San-na. Nai mamanak ndia nde, hataholi Filistin-nala lona Saul no Yonatan popolan-na, nai lelek ala sengi Saul neme Pupukuk Gilboa.)

2 SEMUEL 5:17

Lelek hataholi Filistin-nala lamanene, lae Dauk da'di mane Israel so boema, ala sanga mai ho'un. Tehu Dauk namanene dede'ak ndia, boema neu leo kota musu-a neu.

2 SEMUEL 5:3

Dauk tao hehelu-balataak no mauli-malangan Israel sila-la neme Hebron, boema ala ndo ein da'di mane Israel.

2 SEMUEL 5:5

Nai Hebron, ana paleta Yehuda, teuk hitu, bulak nee dalen-na, ma nai Yerusalem, ana paleta Israel-lala'en-na ma Yehuda, teuk 30 dalen-na.

2RAJA-RAJA 11:12

Basa ndia boema, Yoyada no Yoas leo deak leu, boema ana tao ti'ilanga manek-ka neu Yoas langan lain, ma ana fen Manetualain susula Hoholo-lananen. Yoas nanandoo eik da'di leo manek, de ala po'a-benga dede'ak ndia, neu laun-na. Basa-basas totoko liman-nala, ma eeki-latadale lae, “So'dak ba'eneu manek-ka!”

1 TAWARIKH 10:11

Lelek laun Yabesh manai Gilead-tala, lamanene hata fo hataholi Filistin-nala tao basan soaneu Saul boema,

1 TAWARIKH 11:3

Boema Dauk tao hehelu-balataak no mauli-malangan Israel sila-la. Boema ala ndo ein da'di manek Israel, sama leo hata fo Manetualain helu basan tunga Semuel.

1 TAWARIKH 12:23

Lelek Dauk neme Hebron na, manamatee-matatik fo nanananoli basak ba'uk ka lakabubua da'di esa loon. Ala tulu-falin fo ela ana bisa da'di manek nggati Saul nandaa no Manetualain hehelun-na. Sila dede'u na nde ia: Neme leo Yehuda: hataholi lifun nee natun falu, no babaa fanak ma tee manadaik. Neme leo Simeon: hataholi nanananolik lifun hitu natun esa. Neme leo Lewi: hataholi lifun haa natun nee. Yoyada fo Harun tititi-nonosin mauli-malangan anaboan-nala: hataholi lifun telu natun hitu. Zadok, fo manamatee-matati muli-soluk esa, tolano ka'a-fa'din nala: hataholi duahulu dua – basa-basas malanga uma loo. Neme leo Benyamin (Manek Saul la leo na): hataholi lifun telu; neme leo Benyamin na mai, sila ba'u na bei lilineka lahele neu Saul. Neme leo Efraim: hataholi lifun duahulun-natun falu, nanakoa-kiok nai esa-esak teidale-bobogin na dalek. Neme leo Manasye fo manai Lee Yarden na boboan muli: hataholi lifun sanahulu falu nananatu'duk soaneu so'u Dauk da'di manek. Neme leo Isakhar: mauli-malangan natun dua sama-sama loo sila anaboan-nala; mauli-malangan ia la laketu lalelak hata fo laun Israel-la muse taon nandaa no fai na. Neme leo Zebulon: hataholi lifun limahulu pake lalelak matalolole basa tee-tafa mata-matak lala'en-na, ma laheheleaon soaneu latee-latati; hataholi sila-la nde been-na hataholi manalilinekak ma nananamahelek. Neme leo Naftali: mauli-malangan lifun esa sama-sama loo solda'du lifun teluhulu hitu fo babaa fanan-nala ma tee nala manadaik. Neme leo Dan: hataholi nanananoli basak lifun duahulu falu natun nee. Neme leo Asyer: hataholi lifun haahulu laheheleaon soaneu latee-latati. Neme leo-leo manai Yarden boboan dulu, fo nde Ruben, Gad ma leo Manasye seli: hataholi lifun natun esa duahulu pake lalelak matalolole basa tee-tafa mata-matak lala'en-na.

SEMUEL SUSULAK-KA ESAN-NA 16:13

No lai-laik, Semuel ho'in-na mina setun ndia, de ana ndo ei Dauk, nenik ana lose mina neun, nai ka'an-nala matan. Nai hatematak ndia boe, Manetualain Duladalen-na koasa-na Dauk. Mulai neme faik ndia mai, Manetualain Duladalen-na sama-sama non tataas esa. Basa boema, Semuel fali ne'un leo Rama neu.