2 SEMUEL 19:8 - Susula Malalaok Hehelu Palak Ma Hehelu Beuk

⁸ Basa boema, manek-ka fo'a de neu leo deak neu, de nangatuuk deka no lelesuina. Solda'dun-nala lamanene lae manek-ka nai ndia boema, basa-basas mai leona. Ndia te, solda'du Israel-la lala'en-na, lalai so, de esa-esak fali ne'un leo ndia uman neu.

2 SEMUEL 19:8 ပူးပေါင်းရင်းမြစ်များ

2 SEMUEL 15:2

Tunga faik, Absalom fo'a fafaianak, fo napadeik neu enok manadeka no uma manek-ka lelesuinan-na. Metema, hataholi sanga neu kalaak dede'an-na neu manek-ka soona, Absalom naloon fo natanen nae, “O leom-ma, leo beek?” Fo metema, hataholi ndia nataa nae, “Au eme leo ia, do leo ndia mai,”

2 SEMUEL 18:17

Basa boema, ala ko'o-la Absalom popolan-na, de ala tapan leo oedolu esa dalek neu, nai nula dale. Boema, lakadofu ketu oedolu ndia nenik batu, losa nadodou leo lain neu. Basa solda'du Israel-la lala'en-na lalai, de esa-esak fali ne'un leo uman neu.

2 SEMUEL 18:24

Ndia te, Dauk bei nangatuuk nai kota ndia lelesuinan dalek-ka no lelesuinan deak-ka tala'da. Manamanea, ana ka'e leo papala nanadamak lain neu, de napadeik neu lelesuina ndia poin lain. Lelek ana mete boema, nita hataholi esa nalai-nalai mesan, de ana mai.

2 SEMUEL 18:4

Boema manek-ka nae, “Hei, sa'di neme emi mai.” Basa boema, napadeik neu kota lelesuinan-na boboan-na, boema basa solda'du-la lala'en-na la'ok lakadadalak leo deak mai, nai bubuak-kala dalek, de bubuak esa soona, solda'du lifun esa, ma bubuak nggelok natun esa.

2 SEMUEL 19:3

Ala fali le'us leo kota leu, no denge-dengek, sama leo solda'du fo lame'da mamaek, nanahu lalai leme natee-natatik dale mai.

1RAJA-RAJA 22:36

Le'do sanga nae tenak boema, ala paleta solda'du Israel-la lala'en-na fo ala fali leo kota ma leo esa-esak nusan-na neu,

2RAJA-RAJA 14:12

Solda'du Yehuda-la, ala kala, de esa-esak nalai ne'un leo uman-na neu.

2RAJA-RAJA 8:21

Hu ndia de, Yehoram kalua no basa kaleta musun-nala, de leu leo Zair leu. Nai naa, Edom solda'dun-nala, lakahapi-lan, tehu le'odae boema, ndia ma basa solda'du manasa'e kaleta-la malangan manai lain-nala, tola lakandoo musu tala'da, de sila solda'dun-nala, lalai fali leo esa-esak uman neu.

SEMUEL SUSULAK-KA ESAN-NA 4:10

Basa boema, hataholi Filistin-nala latee-lata'ti no napalanik, de ala sengi solda'du Israel-la. Hataholi Israel-la lalai fali le'us leo sila esa-esak mamana ofun-na neu. Kakalak ndia, tete'ek-ka ba'un-na seli: de mate solda'du Israel lifun teluhulu.