2 SEMUEL 19:28 - Susula Malalaok Hehelu Palak Ma Hehelu Beuk

²⁸ Atam-ma aman teidalen-nala lala'en-na, landaa Ama Manek hukunisas, tehu Ama Manek fe basa atam ia loak, fo na'a-ninu nai uma manek-ka so. Besak ia, atam-ma ta napalani, noke hata-hata neme Ama Manek mai so'on.”

2 SEMUEL 19:28 ပူးပေါင်းရင်းမြစ်များ

KEJADIAN 32:10

Au ta andaa sipo basa susue-lalaik, ma lilinekak lala'en fo Amak-ka natu'du basan neu au so. Lelek au la'o, de au lena Lee Yarden-na, au ta ini hata esa boen, te ka'da aitete'ek-ka mesak-kana. Besak ia, au falima'ing-nga o hataholi bubua ka duak ia-la.

2 SEMUEL 14:17

Atam-ma namahele te'e-te'e, nae au Ama Maneng hehelu-balataan ndia, neukose neni so'da-molek fe atam-ma, nana au Ama Maneng nde been-na, sama leo Manetualain ata nusa so'dan-na, fo ana hapu mete kofe'ek, beek-ka nde malole, ma beek-ka nde mangalauk. Sa'di leo been-na, Manetualain fo au Ama Maneng Manetualain-na, nok au Ama Maneng!”

2 SEMUEL 14:20

Tehu ana tao leondiak fo, dede'ak ndia basan no malole. Au Ama Maneng nde been-na manatee-tenok, sama leo Manetualain ata nusa so'dan-na, nalosa ana bubuluk basa hata manada'dik lala'en-na.”

2 SEMUEL 15:26

Tehu metema, Manetualain ta sue-lai au fa soona, au sadia sipok hata fo Ana taon la'eneu au aoinang-nga!”

2 SEMUEL 16:3

Boema, manek-ka natanen nae, “O tuam Saul, upun Mefiboset nai bee?” Ziba nataa nae, “Ana bei nai Yerusalem, nana namahele te'e-te'e nae besak ia, neukose hataholi Israel-la fe falik ndia ba'in Saul nusan-na, leo ndia neu.”

2 SEMUEL 19:29

Boema manek-ka nataa nae, “Ta paluu o mafa'da hata-hata so'on. Au aketu basa, fo au fe basa Saul hata-heton lala'en-na leo o moo Ziba neu so.”

2 SEMUEL 9:10

O ma o anam-mala, boema o atam-mala, muse foi-fala dae ndia, soaneu o tuam Saul teidalen-nala, ma fe dae ndia oe-isin leo sila neu, fo ala tao latetu sila paluun-na. Tehu, Mefiboset bole na'a-ninu nai uma manek-ka, losa dodoon-na.” (Ziba anatoun sanahulu lima, ma atan duahulu.)

2 SEMUEL 9:13

Enon-na leondiak, la'eneu Mefiboset fo nalutu ein duas ndia, ana leo nai Yerusalem, de na'a-ninu tataas esa nai uma manek-ka.

2RAJA-RAJA 8:3

La'a-ndoes ndia nate'e boema, ana fali ne'un leo Israel neu. Boema, no anan-na, leu leo manek-ka leu, fo ala dokodoe, fo ela fe falik ndia uman-na, ma tinan-na.

SEMUEL SUSULAK-KA ESAN-NA 26:16

O ta makalala'ok mabe'i, o bela-ba'um fa, Abner! No Manetualain fo maso'dak-ka na'den-na, emi basa-basam-mala mandaa mate, nanahu emi ta manea emi tuam, fo nde Manetualain hele manek-ka fa. So'ba mete su'dik, manek-ka teen-na nai bee. Boto oe fo, na'kasa neme langan-na boboan-na, nai bee?”