2 SEMUEL 19:27 - Susula Malalaok Hehelu Palak Ma Hehelu Beuk

²⁷ Nakalenak bai, ana tao nanggenggeo au na'deng-nga, nai Ama Manek matan-na so. Tehu, Ama Manek sama leo Manetualain ata nusa so'dan-na. Hu ndia de, Ama Manek tao hata fo, Ama Manek dodoon-nana malole.

2 SEMUEL 19:27 ပူးပေါင်းရင်းမြစ်များ

2 SEMUEL 14:17

Atam-ma namahele te'e-te'e, nae au Ama Maneng hehelu-balataan ndia, neukose neni so'da-molek fe atam-ma, nana au Ama Maneng nde been-na, sama leo Manetualain ata nusa so'dan-na, fo ana hapu mete kofe'ek, beek-ka nde malole, ma beek-ka nde mangalauk. Sa'di leo been-na, Manetualain fo au Ama Maneng Manetualain-na, nok au Ama Maneng!”

2 SEMUEL 14:20

Tehu ana tao leondiak fo, dede'ak ndia basan no malole. Au Ama Maneng nde been-na manatee-tenok, sama leo Manetualain ata nusa so'dan-na, nalosa ana bubuluk basa hata manada'dik lala'en-na.”

2 SEMUEL 16:3

Boema, manek-ka natanen nae, “O tuam Saul, upun Mefiboset nai bee?” Ziba nataa nae, “Ana bei nai Yerusalem, nana namahele te'e-te'e nae besak ia, neukose hataholi Israel-la fe falik ndia ba'in Saul nusan-na, leo ndia neu.”

2 SEMUEL 16:4

Boema, manek-ka nafa'da Ziba nae, “Mulai besak ia, o manuu la'iesak Mefiboset hata-heton lala'en-na.” Boema, Ziba nataa nae, “Makasi ba'uk-ka, Ama Manek. Sa'di leo been-na, atam-ma hapu susue-lalaik nai Ama Manek matan!”

2 SEMUEL 9:13

Enon-na leondiak, la'eneu Mefiboset fo nalutu ein duas ndia, ana leo nai Yerusalem, de na'a-ninu tataas esa nai uma manek-ka.

2 SEMUEL 9:3

Basa boema, manek-ka natane nae, “Bei hapu hataholi maso'dak nai Saul teidalen-nala dalek boe do ta? Au hii tao malole neun, sama leo au helu basan neu Manetualain so.” Boema, Ziba nataa nae, “Bei hapu Yonatan anamanen esa. Tehu ei helak.”

MAZMUR 101:5

Neukose, au tao amopo-amate hataholi fo, no denge-dengek, ana tao nanggenggeo hataholi na'den. Neukose au ta po'ilotak hataholi manakoao-ndaeaok-ka, ma hataholi fo, namatutua-namadedema aoinan-na.

MAZMUR 15:3

hataholi fo, ma ana ta dodoki-aali, nonoo hataholin-na na'den-na fa, ana ta tao mangalauk, soaneu tia-lain fa, ma ana ta kokolak nanggenggeo, uma titia-tatain-na na'den-nala fa;

KELUARAN 20:16

Boso sakasii pepekok la'eneu hataholi fe'ek.

YEREMIA 9:4

Hataholi-a esa-esak, muse nanea besa-besa soaneu nonon-na, ma tolano bongik-ka boeo, ta hapu nananamahelek fa. Nana, sila boeo, sama leo Yakob, de sila esa-esak ke'di-ndiu seluk tolanon-na. Hataholi-a esa-esak, la'ok su'di leo bee neu, fo kokolak nanggenggeo hataholi na'den, ma kokolak dede'a masapepeko-masandandalik.

SEMUEL SUSULAK-KA ESAN-NA 29:9

Boema, Akhis nataa nae, “O bubuluk mae au amahele o lilinekam, sama leo Manetualain ata nusa so'dan-na. Tehu basa malanga solda'du matuaina sila-la, laketu basa lae, o ta bole tunga matee-mata'ti sama-sama moo ami fa.