2 SEMUEL 19:24 - Susula Malalaok Hehelu Palak Ma Hehelu Beuk

²⁴ Mefiboset, fo Saul upun-na boeo, ana mai soluk manek-ka. Ana ta safe ein-na fa, ana ta nggute nggolomein-na fa, ma ana ta safe bua papaken-na, mulai neme Mane Dauk-ka, ana la'oela Yerusalem, losa ana fali ma'in no so'da-molek.

2 SEMUEL 19:24 ပူးပေါင်းရင်းမြစ်များ

2 SEMUEL 12:20

Boema, Dauk fo'a neme dae lain mai, de nadiu oe, ma ana sau langan-na, ma ana nggati bua papaken-na. Basa boema, neu hule-haladoin-nai Manetualain Uman. Basa ndia boema, ana fali ma'in leo uma manek-ka mai, de noke sadia fen nana'a-nininuk, fo na'a-ninu.

2 SEMUEL 15:30

Basa ndia boema, Dauk o'du heni ta'buein-na, de sama-sama no basa hataholi manatungan-nana, ala nda'e leo Pupuku Setun-na lain leu, boema ala kii ma ala poti ketu langan-nala, fo da'di neu ta'du-tana manasusak.

2 SEMUEL 16:3

Boema, manek-ka natanen nae, “O tuam Saul, upun Mefiboset nai bee?” Ziba nataa nae, “Ana bei nai Yerusalem, nana namahele te'e-te'e nae besak ia, neukose hataholi Israel-la fe falik ndia ba'in Saul nusan-na, leo ndia neu.”

2 SEMUEL 9:11

Ziba nataa manek-ka nae, “Basa Ama Manek paletan lala'en-na, neukose atam-ma tao natetun.” Da'di, Mefiboset na'a-ninu no manek-ka, nai mei esa lain, sama leo Mane Dauk-ka anamanen-na.

1RAJA-RAJA 2:8

La'eneu Simei fo Gera anan-na neme kota Bahurim ma, nai leo Benyamin nusan-na, hapu au hala-hehelung-nga neu o. Nai au leleo-lala'ong leo Mahanaim dalek, makahulun-na Simei ndia soo-supa au no nasak. Tehu basa boema, nai lelek ana mai soluk au nai Lee Yarden na, au soo-supa neun nenik Manetualain na'den-na ae neukose au ta taoisa fan.

KELUARAN 19:10

Besak ia, muu matongo moo hataholi sila-la, ma madenus fo faik ia, ma balahaa laheheleaon, soaneu makaluku-makatele. Ala muse safe-saa bua papaken-nala.

YESAYA 15:2

Laun Dibon-nala, ala nda'e pupukuk, soaneu ala kii nai mamanak fo, sene-do'ok neu lamatua daebafak-kala. Laun Moab-pala, no dale he'dik, ala kii-makaleleu kota Nebo ma kota Medeba. Ala nggeuheni langadoon-nala, ma nggolomein-nala, da'di leo ta'du-tana manasusak.

YEREMIA 41:5

hataholi faluhulu leme Sikhem, Silo, ma Samaria mai. Ala nggeu heni takudaen bulun-nala, papaken-nala siba'ek-kala, ma ala dudui lahina aon-nala. Ala leni gandum ma kemenyan soaneu ala tunu-hotu nai Manetualain Uman-na.

MATEOS 6:16

“Metema emi oka ao mala soona, boso fe mata-panam bee male, sama leo hataholi mana dea-dale kala fo mata panan bedae, fo sue ka nde hataholi la litas soona, lae sila oka ao nala. Mafandendelek te, ala sipo la sila ngga'di na nde ndia so.

ROMA 12:15

Mamahoko mo hataholi manamamahoko kala, ma kii mo hataholi manakii kala.

IBRANI 13:3

Mafandendelek leona te, hataholi manai bui dale la, nono'ka bai emi boeo nai bui dale sama-sama mos. Ma hataholi-hataholi fo ala tao su'dibebe'i ka lo sala, ela leo bee na emi mafandeles, nono'ka bai ala tao emi leondiak boe.