2 SEMUEL 19:13 - Susula Malalaok Hehelu Palak Ma Hehelu Beuk

¹³ Boeo Dauk nadenu leu lafa'da Amasa lae leo ia, “Ade, o ta nde au tia-laing fa do? Mulai besak ia, au so'u o da'di au solda'dung-ngala malanga matuainan, fo nggati Yoab. Sa'di leo been-na, Manetualain taonisa au, metema au ta tao tunga dede'ak ndia fa!”

2 SEMUEL 19:13 ပူးပေါင်းရင်းမြစ်များ

KEJADIAN 29:14

Laban nae, “Memak tete'ek-ka, o ia teidalek fo, ana deka no au.” Yakob leo neme ndia, bulak esa dalen-na.

2 SEMUEL 17:25

Absalom so'u Amasa da'di malanga solda'du, fo ana nggati Yoab. Amasa nde been-na, Yitra, fo hataholi Ismael esa anan-na. Inan na'de Abigail, fo Nahas anan-na, fo nde Yoab inan Zeruya tolanoon-na.)

2 SEMUEL 18:11

Boema Yoab nataa nae, “Beek-ka? O mitan? Tao le'e de, o ta taomisan tutik fa? Leo o taomisan dei-na, tao leo bee-o, au fe o doi fulak sanahulu, ma kalikee esa.”

2 SEMUEL 20:4

Manek-ka paleta Amasa nae, “Nai faik telu dalen-na, maloo makabubua hataholi Yehuda-la, fo moos leo ia mai.”

2 SEMUEL 3:27

Abner losa Hebron tutik-ka, Yoab lelekon leo boboak neu, deka no lelesuina, nono'kabai, ana sanga kokolak non dede'a nafufunik esa. No kaiboik, Yoab pau tafainan-na neu Abner tein-na, de maten. Yoab taonisa Abner, soaneu ana balas nape'da dalen-na neu Abner, nana ana taonisa fa'din Asael so.

2 SEMUEL 5:1

Basa ndia boema, basa mauli-malangan Israel-la, ala mai leo Dauk nai Hebron, de lafa'dan lae, “Ami ia, Ama Manek tia-lain.

2 SEMUEL 8:16

Duk so'u hataholi manaho'u paleta manai lain-nala, nde ia: Malanga solda'du matuaina nde: Yoab, fo Zeruya anan-na; Hataholi manasulak susulak nai uma manek-ka, nde Yosafat, fo Ahilud anan-na; Imam-mala nde: Zadok, fo Ahitub anan-na, ma Ahimelekh, fo Abyatar anan-na; Hataholi manasulak susulak nai nusaina dalek nde, Seraya.

1RAJA-RAJA 19:2

Boema Izebel haitua fe Elia halak-ka nde ia nae, “Sa'di leo been-na basa lamatua daebafa dae bafak kala huku au ma lena-lenak taolisa au, metema balahaa nai li'u sama leo ia, au ta tao o sama leo o tao nabi Baal-la sila-la.”

1 TAWARIKH 12:18

Hataholi esa neme hataholi sila-la mai, fo nde Amasai, fo basa boema ana da'di mauli-malangan neu nakabubuak fo loken lae “Tridasawira”, Manetualain Dula Dalen-na koasa-nan, boema nafa'da nae, “Dauk, fo Isai anan-na! Ami tia-to'ba o! Sa'di leo been-na, o ma sila manatulu-fali o-a, sila tulu-falin ta louk fa. Manetualain nok o!” Boema Dauk sipok-kasa, de ana so'us da'di malanga solda'du mademaina nai solda'dun-nala dalek.

RUT SUSULAN-NA 1:17

Mate Ina nai bee soona, au nau mate nai ndia boe, fo natoi au nai ndia boe. Sa'di leo been-na, Manetualain huku au belak-ka, metema au nau asi'da-aba'e eme Ina mai, ela ka'da mamates-sa ta'da ita!”