2 SEMUEL 18:5 - Susula Malalaok Hehelu Palak Ma Hehelu Beuk

⁵ Boema manek-ka paleta Yoab, Abisai ma Itai nae, “Boso hu kande au fo emi tao makahina Absalom, fo hataholi muli-soluk ndia.” Basa solda'du-la lala'en-na, lamanene Dauk paletan ndia.

2 SEMUEL 18:5 ပူးပေါင်းရင်းမြစ်များ

2 SEMUEL 16:11

Boema, Dauk nafa'da seluk Abisai, ma basa atan-nala nae, “Au ana bonging-nga boeo, ana sanga enok fo sanga taonisa au; tao le'e de, emi mita Benyamin hataholin ia, ha'da-paliin boema, emi dodoo doak-kana? Manetualain nde nadenun fo ana soo-supa au-a; hu ndia de, boso taon le'e esa boen, nemen-na fo ana soo-supa nakandoo.

2 SEMUEL 17:14

Absalom no basa mauli-malangan Israel-la, lamanene dede'ak ndia boema, lafa'da lae, “Husai nanoli-nafa'dan malole lena neme Ahitofel nanoli-nafa'dan mai.” Memak, Manetualain naketu basa, soaneu Ana taon-na, Ahitofel nanoli-nafa'da malolen ndia ta da'di fa, fo ela susa-soe tuni-ndeni-na Absalom.

2 SEMUEL 18:12

Tehu hataholi ndia nataa nae, “Leomae, o fe au doi fulak lifun esa boeo, au ta nau tao ahe'di manek-ka anamanen-na fa. Ami basa-basam-mala, mamanene manek-ka fe paleta neu Tuan ma neu Abisai ma Itai, fo ela boso hu kane manek-ka, de emi tao nakahina Absalom, fo touana muli-soluk ndia.

2 SEMUEL 19:1

Hataholi nafa'da Yoab nae, Mane Dauk-ka kii ma ana susa Absalom.

MAZMUR 103:13

Manetualain sue-lai hataholi kamahehelek-ka, sama leo amak esa, ana sue-lai anan-nala.

LUKAS 23:34

Boema Yesus hule-haladoi nae, “Ama, fe do'o do ampon neu hataholi sila la! Te ala ta bubuluk hata fo ala tao fa.” Basa boema ala tu'u batu fo ala baba'e Yeus bua papake nala.