2 SEMUEL 18:20 - Susula Malalaok Hehelu Palak Ma Hehelu Beuk

²⁰ Yoab nataa nae, “Bosok, fo fai fe'ek dei. Faik ia, o ta bole muu mafa'da halak ia fa, nana mate manek-ka anamanen-na so.”

2 SEMUEL 18:20 ပူးပေါင်းရင်းမြစ်များ

2 SEMUEL 18:19

Basa boema Ahimaas, fo Zadok anan-na, nafa'da Yoab nae, “Fe au loak, fo au alai u afa'da manek-ka, hala malole ia, ae Manetualain soi-tefa-na Ama Manek, neme Ama Manek musun-na mai so.”

2 SEMUEL 18:21

Basa boema, Yoab nafa'da atan fo hataholi Sudan ndia nae, “Muu leona, fo o mita beek soona, mafa'da manek-ka.” Ata ndia sene-do'ok basa boema, nalai-nalai mesan neu nafa'da.

2 SEMUEL 18:27

Manamanea ndia nafa'da nae, “Hataholi makasososak ndia nde Ahimaas. Atam-ma nalelak-kana neme nalain-na mai.” Boema, manek-ka nae, “Hataholi malole ndia, de tao leo bee-o, neni hala malole.”

2 SEMUEL 18:29

Boema, manek-ka natane nae, “Ade Absalom, fo hataholi muli-soluk ndia, bei so'dak do?” Ahimaas nataa nae, “Ama Manek, na'kasa, fo nai lelek Yoab nadenu atam-ma, atam-ma nita lakalupu lanseli, tehu atam-ma ta bubuluk, manada'di beek ndia fa.”

2 SEMUEL 18:33

Manek-ka namanene dede'ak ndia boema, dalen-na he'dis-sa nanseli, de ana kae leo kama manai lelesuina lain neu, de ana kii-makaleleu ma nae, “Oh, au anang-ngonei! Au anang Absalom! Absalom, fo au anang-ngonei! Malole lenak, au nde mate nggati o, anang-ngo! Absalom, anang-ngonei!”

2 SEMUEL 18:5

Boema manek-ka paleta Yoab, Abisai ma Itai nae, “Boso hu kande au fo emi tao makahina Absalom, fo hataholi muli-soluk ndia.” Basa solda'du-la lala'en-na, lamanene Dauk paletan ndia.

2 SEMUEL 19:1

Hataholi nafa'da Yoab nae, Mane Dauk-ka kii ma ana susa Absalom.