2 SEMUEL 18:2 - Susula Malalaok Hehelu Palak Ma Hehelu Beuk

² Basa ndia boema, nadenus ala la'o, fo leu latee-lata'ti. Ana ba'es neu bubuak telu, de Yoab nauli-nalanga bubuak esa, Abisai, fo Yoab fa'din-na, nauli-nalanga bubuak esa, ma Itai, neme Gat mai, nauli-nalanga bubuak esa. Manek-ka nafa'da solda'dun-nala nae, “Au boeo, tunga sama-sama o emi.”

2 SEMUEL 18:2 ပူးပေါင်းရင်းမြစ်များ

2 SEMUEL 17:11

Hu ndia de, au nanoli-nafa'dang leoiak: Maloo makabubua basa hataholi Israel-la leme basa nusak-ka lala'en-na mai, fo ela dede'un-na, de'u solokaek manai tasi su'un-na. Boema, Ama Manek nde nauli-nalangas leo natee-natatik dale leus.

2 SEMUEL 21:17

Tehu Abisai, fo Zeruya anan-na, ana mai tulu-fali Dauk. Ana sapu-na hataholi ao matua ei madema ndia de, ana taonisan. Basa ndia boema, Dauk solda'dun-nala dokodoe, fo ela Dauk naheluk nae, neukose ana ta tunga nai natee-natatik dale so'on. Lafa'da lae, “Ama Manek nde been-na, Israel hataholi namahehenan, de boso nalosak, mopo Ama Manek neme ami mai.”

2 SEMUEL 23:18

Malanga solda'du matuaina ka teluhulu fo palani tatibatu sila-la, ala foin na'de “Tridasawira” boe. Sila mauli-malangan nde Yoab fa'din Abisai, fo Zeruya anan-na. Ana tee nisa hai, hataholi natun telu so. Hu ndia de, ana da'di hataholi palani tatibatu. Tehu palanin-na ta dai solda'du “Triwira” fa.

2 SEMUEL 8:16

Duk so'u hataholi manaho'u paleta manai lain-nala, nde ia: Malanga solda'du matuaina nde: Yoab, fo Zeruya anan-na; Hataholi manasulak susulak nai uma manek-ka, nde Yosafat, fo Ahilud anan-na; Imam-mala nde: Zadok, fo Ahitub anan-na, ma Ahimelekh, fo Abyatar anan-na; Hataholi manasulak susulak nai nusaina dalek nde, Seraya.

1RAJA-RAJA 2:28

Yoab namanene la'eneu basa manada'dik sila-la so. Ana bii nanseli nanahu ana nok Adonia. Tehu, makahulun-na ta nok Absalom fa. Boema anan-nalai leo Manetualain Lalaa teman-na neu, de ana ho'u mei tunu-hotuk-ka pe'da nala.

MAZMUR 3:6

Au angape'uk, de au sungu no nee-nee lino-linok, ma au fo'a seluk, nana Manetualain tia-to'ba au.

HAKIM-HAKIM 7:16

Boema Gideon ba'e solda'du natu ka telun sila-la, neu bubuak telu. Ana fe esan-na, pupuuk esa, ma mamana oe esa, obor nai dalek.

HAKIM-HAKIM 7:19

Sanga deka fatila'da boema, Gideon no solda'dun-nala losa dae too no musu ofun-na. Nai lelek ndia, hataholi manamanea ofu ndia, besak-ka nggati manamanea. Boema Gideon ma solda'dun-nala puu pupuuk-kala, ma ala fepa ba'e sila mamana oen-nala.

HAKIM-HAKIM 9:43

Boema, Abimelekh naloo nakabubua hataholin-nala, de ana ba'es neu baba'ek 3, de leu ke'ke lai tina-la dalek. Lelek nita kota ndia laun-na leu leo tina leu boema, ana kalua neme mamana nafunin-na mai, de ana taonisas.

SEMUEL SUSULAK-KA ESAN-NA 11:11

Balahaa fafaik boema, Saul ba'e hataholin-nala neu baba'ek telu. De dulufula boema, ala sapu leo hataholi Amon sila-la mamana ofun-na tala'da heon de latee-lata'ti los. Beita losa le'dohana boen te, Saul solda'dun-nala sengi musu-a so. Hataholi Amon manamalai laladeak-kala, tapasasala, nalosa ta hapu hataholi dua lalaik lakabubua fa.