2 SEMUEL 18:18 - Susula Malalaok Hehelu Palak Ma Hehelu Beuk

¹⁸ Nai Absalom fai maso'dan-na dalek, ana lutun-na ndia lutu batun esa, nai Bafak Manek-ka, nana anatoun ta, de neukose ketu tititi-nonosin. Ana foi lutu batu ndia na'den-na tunga ndia na'den-na, de losa besak ia, loke lutu batu ndia soona lae, Lutu Batu Absalom.

2 SEMUEL 18:18 ပူးပေါင်းရင်းမြစ်များ

KEJADIAN 11:4

Beekola lae, “Mai fo ata tapadedeik kota, ma uma puni madema esa, poin-na losa lalai, fo ela ita nanakoa-nanakiok, ma ita ta tapasasala leo daebafak-ka lala'en-na teu fa.”

KEJADIAN 11:9

Hu ndia de, losa besak ia, kota ndia na'de Babel, nanahu Manetualain tao tasi'bu basa leoina-la dede'an-na neme ndia, ma Manetualain tao tapasasalas leme ndia, leo basa daebafak-ka lala'en-na leu.

KEJADIAN 14:17

Ala sengi basa Mane Kedorlaomer-ra no mane-manek fo sila dalek esa, boema Abram fali ma'in. Boema, mane Sodom-ma neu soluk-kana nai Bafak Syawe-a, fo loken lae Dokek Manek boe.

2 SEMUEL 14:27

Absalom anatoun telu, ma anainan esa mata makeek nanseli, na'de Tamar.

MAZMUR 109:13

Nemen-na fo, basa tititi-nonosin lala'ena, nanatao namopo-namatek, ma bobongi makabuik-kala, lafandele heni na'den-na.

MAZMUR 49:11

Ta, neukose nita nae hataholi manatee-tenok-ka boeo maten. Hataholi panganaa ma nggoak-ka, sama-sama mopo-mate, fo ala la'oela hata-heton-nala neu hataholi fe'ek.

YESAYA 22:16

“O maedaenga, see o ia? O manuu haak hata, nalosa o kali o bolo mamatem-ma, nai pupuku batu lain?

YEREMIA 22:30

“Nananaketu basak soaneu hataholi ndia mopo anan-nala ma nai so'dan-na dalek ana ta hapu dai hata esa fa boen. Neme ndia tititi-nonosin mai ta hapu da'dik manapaleta nai Yehuda da'di leo manek fo Dauk tititi-nonosin-na. Au, Manetualain, nde manakokolak-ka.”

DANIAL 4:30

boema au afa'da ae, “Mitak, kota Babel-la anseli! Au nde afofo'an da'di nusaina ia polon-na, fo ana da'di buti neu au koasang-nga, ma au be'i-balakaing, au mandela-masa'ang ma au matua-mademang!”

BILANGAN 32:42

Nobah, neu sapu-na Kenat no nggolo-nggolok manai titia-tatain-nala, de ana loso-nalas, boema ana foi Kenat na'den-na, tunga ndia na'den-na.

SEMUEL SUSULAK-KA ESAN-NA 15:12

Balahaa fafaianan-na boema, Semuel sanga neu natongo no Saul. Nana lafa'dan lae, Saul neu leo kota Karmel-la neu, fo napadedeik ndia batu nasanene'dan-na nai naa, basa soona, nakandoo leo Gilgal neu.