2 SEMUEL 17:8 - Susula Malalaok Hehelu Palak Ma Hehelu Beuk

⁸ Tao leo bee-o, Ama Manek bubuluk nae Dauk no solda'dun sila-la nde been-na, manamatee-matati palani-la. Sila napalanin-na, sama leo meoasuina manamopo anak-ka. Bai te, Dauk nde been-na, solda'du esa, malelan-na seli, de ana beita sungu hai no solda'dun-nala fa.

2 SEMUEL 17:8 ပူးပေါင်းရင်းမြစ်များ

2 SEMUEL 15:18

Basa manek-ka hataholi mana'a ngga'din-nala lapadeik lai manek-ka boboan-na, nai lelek manek-ka solda'du manamanean-nala la'ok lakadadalak tunga matan-na. Ma solda'du natu ka neek fo manatungan neme kota Gat-ta mai, ala la'ok lakadadalak nai matan-na boe.

2 SEMUEL 17:9

Fafa'kama, nai hatematak ia boe, ana bei ke'ke nai leak esa dalek, do nai mamana fe'ek. Da'di, leounik-ka, Dauk sapu-na Ama Manek solda'dun-nala, fo ana taonisa nggelok, soona su'di see fo namanene dede'ak ndia, neukose nafa'da nae Absalom solda'dun-nala kala so.

2 SEMUEL 23:16

Malanga solda'du matuaina ka teluk sila-la lamanene boema, ala tola tunga hataholi Filistin-nala ofun-na tala'da, fo leu aso oe neme oedolu ndia mai, de leni fe Dauk. Tehu Dauk ta nau ninu fan, te ana tunu-hotu oe ndia da'di leo tutunu-hohotuk soaneu Manetualain.

2 SEMUEL 23:18

Malanga solda'du matuaina ka teluhulu fo palani tatibatu sila-la, ala foin na'de “Tridasawira” boe. Sila mauli-malangan nde Yoab fa'din Abisai, fo Zeruya anan-na. Ana tee nisa hai, hataholi natun telu so. Hu ndia de, ana da'di hataholi palani tatibatu. Tehu palanin-na ta dai solda'du “Triwira” fa.

2RAJA-RAJA 2:24

Elisa lipa leo dea neu, de nakanaes, boema ana soo-supas nenik Manetualain na'den-na. No hatematak ndia boe, meoasu ina dua, ala kalua leme nula dale mai, de ala sii-sii lulu'i ni'iana 42, neme ni'iana makadotok sila-la mai.

AMSAL 17:12

Malole lenak natongon-no meoasu ina manamopo anak-ka, neme natongon-no hataholi fo, puselaipana no nggoan-panganaan-na.

AMSAL 28:15

Hataholi mangalauk, fo ana koasa hataholi manato'a-taak-ka, sama leo singa manamangaok-ka, do meoasu, fo ana sapu-na hataholi.

YESKIAL 19:2

O inam sama leo singa ina fo, mabe'i-balakaik ma palani. Nakaboboi anan-nala nai singa ao makadelek-kala tala'da.

DANIAL 7:5

Bana ka dua, lupan-na sama leo beruang-nga. Napadeik nenik ei buin-na, ma ana kaa neni kaisu duik 3 nai nisin-nala tala'da. Au amanene halak-ka nafa'dan nae, “Ayo, mu'a paa su'di bebe'ik-ka leona!”

HOSEA 13:8

Neukose Au sapu-a emi, sama leo meoasu manamopo anak-ka. Neukose Au sisii-lulu'i emi. Neukose Au kaa emi, sama leo singa kaa emi, nai emi mamanam-ma, ma neukose Au sisii-lulu'i emi, sama leo bana makaa-makisuk-ka.

HAKIM-HAKIM 18:25

Leo Dan-na hataholin-nala lae, “Malole lenak, o denge-denge; boso nalosak hataholi ia-la lamanasa, fo ala sapu-la o. Mahani te, neukose mate o moo o teidalem-mala lala'en-na.”

SEMUEL SUSULAK-KA ESAN-NA 16:18

Lamanene dede'ak ndia boema, atan esa nafa'da nae, “Kota Betlehem-ma laun esa, na'de Isai, anatouanan esa nakaminak nalelak sasanu. Hataholi ndia palani, ma solda'du malole esa. Bai te, aon-na makadelek ma malela dede'ak, ma Manetualain tulu-falin tataas esa.”

SEMUEL SUSULAK-KA ESAN-NA 17:50

Dauk nalai leo Goliat neu, boema napadeik deka non; ana fe'a-na Goliat tafainan-na neme mamanan dale mai, de ana te'te-na hataholi Filistin ndia langan-na. Dauk sengi ma ana taonisa Goliat, ka'da nenik pipiluk ma batu! Lelek hataholi Filistin-nala lita, lae mate sila palani ta'ti batu-na so boema, lalai.

SEMUEL SUSULAK-KA ESAN-NA 23:23

Da'di, palisak besa-besa no basa leak fo ana ke'ke hai neme dalek so, soona fali ma'im-ma leo ia mai, fo mafa'da au. Fo ata teu sama-sama, fo metema bei nai nggolok ndia soona, tao leo bee-o, neukose au sangan, leomae au muse sanga okofefeok Yehuda lala'en-na boe!”