2 SEMUEL 17:14 - Susula Malalaok Hehelu Palak Ma Hehelu Beuk

¹⁴ Absalom no basa mauli-malangan Israel-la, lamanene dede'ak ndia boema, lafa'da lae, “Husai nanoli-nafa'dan malole lena neme Ahitofel nanoli-nafa'dan mai.” Memak, Manetualain naketu basa, soaneu Ana taon-na, Ahitofel nanoli-nafa'da malolen ndia ta da'di fa, fo ela susa-soe tuni-ndeni-na Absalom.

2 SEMUEL 17:14 ပူးပေါင်းရင်းမြစ်များ

KEJADIAN 32:28

Hataholi ndia, nataa nae, “O na'dem-ma, ta na'de Yakob so'on. Nana o maho'uk basa moo Manetualain ma moo hataholi daebafak-ka, de o sengi so; hu ndia de, o na'de Israel.”

2 SEMUEL 15:31

Lelek Dauk hapu halak nae Ahitofel boeo ana tunga sama-sama nai Absalom nakabua makahatun-na dalek boema, Dauk hule-haladoi nae leo ia, “Ou Manetualain, sa'di leo been-na, fe Ahitofel nanoli-nafa'dan manada'di tak!”

2 SEMUEL 15:34

Tehu o hapu tulu-fali au, metema o fali mu'um-ma leo kota muu, fo mafa'da Absalom, mae besak ia, o sanga malalau-maoono ndia no lilinekak, sama leo makahulun-na o malalau-maoono basa aman so. No enok ndia, o bisa taom-ma Ahitofel nanoli-nafa'dan lala'en-na, manada'di tak.

2 SEMUEL 16:23

Nai tepo-lelek ndia, Ahitofel nanoli-nafa'dan lala'en-na nanasipok, nono'ka bai de, Manetualain hala-kokolan ndia; de nau Dauk do Absalom boe, ala tunga nanoli-nafa'dan.

2TAWARIKH 10:15

Ana ta nafaduli laun-na nonoken ndia fa. Tehu memak Manetualain dale hihiin ndia. Hata fo Manetualain nafa'dan tunga Nabi Ahia fo neme Silo la'eneu Yerobeam fo Nebat anan-na, muse ana da'di.

2TAWARIKH 10:8

Tehu Rehabeam ta taoafik neu lasi-lasik sila-la nanolin-nafa'dan fa, de neu leo ndia dedena-baba'u ta'eanan fo besak ia ala da'di ndia manatulu-manafalin.

2TAWARIKH 25:16

Amazia nae, “Denge-denge! Metema ta soona, ami taomisa o! Beita la'iesa fo ami so'u o da'di manek-ka manamanoli-mafa'dan fa!” Boema nabi ndia denge-denge, tehu ana bei hapu loak faa anak kokolak nae, “Besak ia au bubuluk ae Manetualain naketu basa soaneu tao namate-namopo Ama Manek, nanahu Ama Manek tatao-nono'in ndia, ma hu kande Ama Manek ta taoafik neu au nanoli-nafa'dang fa.”

2TAWARIKH 25:20

Tehu Amazia, fo manek Yehuda ta taoafik neu Yoas fo manek Israel-la hala-kokolan fa. Ma memak Manetualain nau fo ela Amazia kala, nanahu ana sene-do'ok hataholi Edom-mala dodoki-dudula sosongo-tatangon so.

NEHEMIA 4:15

Ami musu mala lamanene lae ami bubuluk basa sila dale tutu'u na so. Boema ala bubuluk lae Manetualain tao nalutu sila dale tutu'un ndia. Basa boema ami basa-basam-mala fali meu tao mahii papala nanadamak ndia.

AYUB 12:17

Ana ho'i-heni basa manapaleta-la manatee-tenon-na, ma Ana tao basa mauli-malangan-nala, da'di hata fa nanahika-humek.

MAZMUR 9:15

fo ela au koa-kio O nai laun Yerusalem-ma matan. Neukose au eeki-latadale nanahu O soi-tefa-mala au.

MAZMUR 9:16

Nggileo-bobongik fo, ta lalelak O-a fa, ala tu'da leo bolok fo sila kaliaon-na dalek leu; sila hihi'in-nala, nala seluk-kasa.

KELUARAN 9:16

Tehu, Au po'ilotak emi maso'da, fo ela Au hapu atu'du Au koasang-nga neu o, nalosa Au na'deng-nga da'di nanakoa-kiok nai basa daebafak-ka lala'en-na.

AMSAL 19:21

Hataholi daebafak-ka, nanuu dale tutu'uk makadotok, tehu ka'da Manetualain nde naketu, fo ana da'di.

AMSAL 21:30

Ta hapu malelak, dodole maneu ma manatee-tenok fo, bisa nakatatakak nai Manetualain matan fa.

YESAYA 8:10

Tutu'u enok leona, tehu basa-basan neukose manada'di tak. Ho'i nakeketuk leona, tehu sosoa-ndandaan ta, nana Manetualain no ami.

RATAPAN 3:37

Metema Manetualain nape'da dale nasak hata esa fa soona, tao leo bee-o, hataholi daebafak-ka ta hapu tao hata-hata soaneu dede'ak ndia fa.

AMOS 9:3

Metema ala ke'ke nai Lete Karmel-la poin-na soona neukose, Au sangas fo Au ho'u-alas. Metema ala ke'ke nai tasi buin-na, soona neukose Au paleta menge matuaina fo ana kaa nalas.

LUKAS 16:8

Boema pegawi manape'da doik fo manaputa-paik ndia, malanga na koa-kion, nanahu tatao-nono'i puta-pain ndia. Maso'dak nai daebafak ia, sama na leondiak! Hataholi daebafak ia la ito-ato puta-paik lalelak sila ito-aton neme hataholi fo naso'da nai mangale'do ka dalek.”

1 KORINTUS 3:19

Nana daebafa ka nafa'da nae manatee tenok soona, manatee tenok ndia nggoak tunga Manetualain mata memete na. Nana nai Susula Malalaok dale nanasulak nae, “Manetualain nakahihi'ik hataholi manatee teno kala ninik sila malela na.”

ULANGAN 2:30

Tehu Mane Sihon-na ta fe ita loak la'ok tunga ndia nusan-na fa. Emi Manetualaim-ma fen nalanga batu, ma dalen-na natea, fo ela ita hapu sengin. Ita bei tangatuu-ta daen-na losa besak ia.

YOSUA 11:20

Manetualain tao-na dalen-nala latea soaneu latee-lata'ti loo hataholi Israel-la, fo ela tao lamopo-lamates, ma taolisa la'iesak-kasa, ta no do'o do ampon fa, fo nandaa no Manetualain paletan neu Musa.