2 SEMUEL 17:10 - Susula Malalaok Hehelu Palak Ma Hehelu Beuk

¹⁰ Soona, leomae hataholi palani ta'ti batu, ma hataholi ao makadelek sama leo singa boeo, tao leo bee-o, neukose ana bii boe. Nana basa hataholi Israel-la, ala bubuluk lae Ama Manek aman ndia nde been-na, palani ta'ti batu, ma lae solda'dun-nala nde been-na, matee-mata'ti palani-la.

2 SEMUEL 17:10 ပူးပေါင်းရင်းမြစ်များ

KEJADIAN 49:9

Yehuda sama leo singa molisoluk; ana taonisa musun-na, boema ana fali leo ndunun dale neu; nananaua, boema nangape'uk ma ta hapu hataholi esa boen, napalani fafae fan.

2 SEMUEL 1:23

Saul ma Yonatan hala-kokola mangana'uk, ma nanasue-laik; dalek esa-teik esa tataas esa, nai maso'dak ma mamates-sa dalek; sila nasafelon-na, lena heni manupui kaka'ka, be'i-balakain lena heni singa molisoluk.

2 SEMUEL 17:9

Fafa'kama, nai hatematak ia boe, ana bei ke'ke nai leak esa dalek, do nai mamana fe'ek. Da'di, leounik-ka, Dauk sapu-na Ama Manek solda'dun-nala, fo ana taonisa nggelok, soona su'di see fo namanene dede'ak ndia, neukose nafa'da nae Absalom solda'dun-nala kala so.

2 SEMUEL 23:20

Malanga solda'du matuaina palani tatibatu fe'ek esa nde Benaya, fo Yoyada hataholi Kabzeel ndia, anan-na. Napalani nanseli. Ana taonisa hataholi palani tatibatu dua, leme Moab mai. Nai faik esa, fo la'e fai mako'dendenuk boema, neu leo bolok esa dalek neu, de ana taonisa hai singa esa nai bolok ndia dalek.

MAZMUR 89:19

Nana ami manamasulu-mahapam nde bee-na, nde hataholi fo O helek-ka, ou Manetualain; ami manem-ma nde bee-na, Israel Manetualain fo Malalao-malalafuk-ka, nuun.

AMSAL 28:1

Hataholi mangalauk-ka nalai, leomae hataholi ta usi fan, tehu hataholi dale ndoos-sa, napalani sama leo singa.

KIDUNG AGUNG 3:7

Mitak, Salomo kandela anan-na nde ndia, hataholi ao kahelek 60 okofeo-lan, hataholi israel ao kahelek,

YESAYA 13:7

Neukose basa hataholi-la lame'da mate liman-nala, ma mopo palanin-nala.

YESAYA 19:1

Hala heheluk la'eneu Masir nde ia. Manetualain sa'e ko'as manalai-laik-ka, de neu leo Masir neu. Masir sosongo-tatangon-nala dele lai matan-na, ma hataholi Masir-rala dalen-nala ba'ihana.

YESKIAL 21:15

Ana tao-na Au leoinang-nga mopo palanin-nala, de ala tu'u fo'a. Au fe nasanene'dak mahelek neu sila kotan-na, nenik tafaina fo isin-na, nangale'do sama leo ndelas-sa, ma naheheleaon fo nado'do-napau ndia.

ULANGAN 1:28

Da'di, sosoak hata, ita teu leo naa teu? Ita tadenu hataholi manaleu leo naa leu-a, ala tao-la ita bii-tamata'u, nenik sila hala nafafa'dan-na, lae leoina ndia, balakain-na ma aon-nala makadelek lena heni ita, ma lae ala leo nai kota-kota fo papala nanadaman-nala dedeman-na losa lalai. Lita hataholi ao matua ma ei madema-la lai naa boe!’

IBRANI 11:34

ala taolisa ha'i manapila lo'a-lo'a ka, ala di'oheni tafaina mamai na; ao nala tapandoes, tehu ala da'di balakaik; lapalani nai musu dale, nalosa ala sengi leoina manamai la solda'du nala.

SEMUEL SUSULAK-KA ESAN-NA 16:18

Lamanene dede'ak ndia boema, atan esa nafa'da nae, “Kota Betlehem-ma laun esa, na'de Isai, anatouanan esa nakaminak nalelak sasanu. Hataholi ndia palani, ma solda'du malole esa. Bai te, aon-na makadelek ma malela dede'ak, ma Manetualain tulu-falin tataas esa.”

SEMUEL SUSULAK-KA ESAN-NA 18:17

Saul tutu'u nai dalen dale, fo ela hataholi Filistin-nala taolisa Dauk nai musu dale, fo daenga boso ndia nde taonisan-nana. Da'di, nai faik esa boema, Saul nafa'da Dauk nae, “Merab, fo au anafe'o ulung-nga, neukose au balabaen no o, sa'di o matu'du o palanim-ma nai natee-natatik dale soaneu Manetualain.”