2 SEMUEL 16:8 - Susula Malalaok Hehelu Palak Ma Hehelu Beuk

⁸ O loso-ma Saul nusan-na! De besak ia, Manetualain huku o, nanahu o taomisa Saul tolanoo ka'a-fa'din makadotok nanseli so. Manetualain fe heni o nusam-ma leo o anam Absalom neu so. Besak ia, nduada ndalak muu leon, hai kanisak-konei!”

2 SEMUEL 16:8 ပူးပေါင်းရင်းမြစ်များ

2 SEMUEL 1:16

Dauk nafa'da ta'eanak Amalek ndia nae, “O nde maketu aom huhuku nisak ia, soaneu o aoinam-ma, nana o manaku mae o taomisa manek, fo Manetualain helek-ka!”

2 SEMUEL 19:19

“Atam-ma dokodoe, sa'di leo been-na, Ama Manek ta nafa'da nae, atam-ma nasala nahele fa. Sa'di leo been-na, Ama Manek nafandele heni basa hata fo, atam-ma taon, nai faik fo Ama Manek la'oela Yerusalem.

2 SEMUEL 19:21

Abisai, fo Seruya anan-na, namanene dede'ak ndia boema, nafa'da nae, “Simei nandaa nanahuku nisak so, nanahu ana soo-supa manek fo Manetualain helek-ka.”

2 SEMUEL 21:1

Nai tepo-lelek Dauk paleta, la'a-ndoes matuaina, ana da'di teuk telu dalen-na. Boema, Dauk noke natutu'duk neme Manetualain mai, la'eneu la'a-ndoes ndia, de ManetualainManakoasa nafa'da nae, “La'a-ndoes ndia da'di, hu kande Saul no teidalen-nala salan-na, nana ala taolisa hataholi Gibeon-nala.”

2 SEMUEL 21:9

Boema, ala fes leo hataholi Gibeon-nala leu, de ala lona lisa hataholi ka hituk sila-la neme pupukuk esa lain, nai Manetualain matan. Hukulisa hataholi sila-la nai fai timu nate'e, fo nai lelek ala mulai ke'di betek.

1RAJA-RAJA 2:8

La'eneu Simei fo Gera anan-na neme kota Bahurim ma, nai leo Benyamin nusan-na, hapu au hala-hehelung-nga neu o. Nai au leleo-lala'ong leo Mahanaim dalek, makahulun-na Simei ndia soo-supa au no nasak. Tehu basa boema, nai lelek ana mai soluk au nai Lee Yarden na, au soo-supa neun nenik Manetualain na'den-na ae neukose au ta taoisa fan.

MAZMUR 3:2

Ou Manetualain, au musung-ngala makadotok nanseli, makadotok nanseli, sapu-la au!

MAZMUR 4:2

Ou Manetualain, O nde bee-na, au mana masala'eng-nga; metema, au aloo bou-bou soona, mataa leona. Lelek au susa, O tulu-fali au; besak ia, sue-lai au, ma mamanene au huhule-haladoing.

MAZMUR 55:3

Taoafik neu au, ma mataa au, au akalulutuk nanahu au toto'a-tataang.

MAZMUR 7:4

Ou Manetualain fo au Manetualaing-nga, leouni'ka au ta tao tunga ndoos ma matetuk-ka, ma tao mangalauk soaneu au tia-laing, do akatutu'dak musu nok-ka, tehu ne'ek ta, metema au tao leondiak soona,

AMSAL 26:2

Sama leo manupui-a laa-laa nai lalai, leondiak boe, soo-supak ta bisa la'e, hataholi sala taak-ka fa.

NINITAK 16:6

Hataholi daebafak mangalau kala taolisa Manetualain hataholi kamahehele nala ma nabi nala so. Besak ia O fes linu daak. Memak ndia nandaa soaneus!”

HAKIM-HAKIM 9:24

Dede'ak ndia ana da'di, fo ela balas Abimelekh tatao-nono'i mangalaun-na, ma hataholi Sikhem-mala dudungu-papaun, fo ana taonisa Gideon ana ka hituhulun-nala.