2 SEMUEL 16:4 - Susula Malalaok Hehelu Palak Ma Hehelu Beuk

⁴ Boema, manek-ka nafa'da Ziba nae, “Mulai besak ia, o manuu la'iesak Mefiboset hata-heton lala'en-na.” Boema, Ziba nataa nae, “Makasi ba'uk-ka, Ama Manek. Sa'di leo been-na, atam-ma hapu susue-lalaik nai Ama Manek matan!”

2 SEMUEL 16:4 ပူးပေါင်းရင်းမြစ်များ

2 SEMUEL 14:22

Yoab senek neu Dauk matan-na, boema nae, “Sa'di leo been-na, Manetualain fe Ama Manek, baba'e-papalak! Besak ia, atam-ma bubuluk nae Ama Manek sue-lai atam-ma, nanahu Ama Manek tao natetu atam-ma dokodoen-na.”

2 SEMUEL 14:4

Boema, inak ndia neu leo manek-ka neu, de ana senek boema nae, “Au Tuang Fo Mandela-masa'ak, tulu-fali atam-ma dei!”

2 SEMUEL 14:8

Boema, manek-ka nataa nae, “Fali leona, de'ifo au ito-ato dede'ak ndia.”

2 SEMUEL 16:3

Boema, manek-ka natanen nae, “O tuam Saul, upun Mefiboset nai bee?” Ziba nataa nae, “Ana bei nai Yerusalem, nana namahele te'e-te'e nae besak ia, neukose hataholi Israel-la fe falik ndia ba'in Saul nusan-na, leo ndia neu.”

2 SEMUEL 16:5

Lelek Dauk losa Bahurim boema, hataholi esa ana mai neme mamanak ndia mai, de neu deka no hataholi makadotok fo manatunga manek-ka, boema ana soo-supa Dauk. Hataholi ndia, na'de Simei, fo Gera anan-na, fo bei Saul tolanoo ka'a-fa'din ndia.

2 SEMUEL 19:27

Nakalenak bai, ana tao nanggenggeo au na'deng-nga, nai Ama Manek matan-na so. Tehu, Ama Manek sama leo Manetualain ata nusa so'dan-na. Hu ndia de, Ama Manek tao hata fo, Ama Manek dodoon-nana malole.

2 SEMUEL 9:6

Yonatan anamanen ndia na'de, Mefiboset. Lelek ana mai boema, ana sene-do'ok, fo ana fe ha'da-holomata neu Dauk. Dauk nabengan nae, “Mefiboset,” boema nataa nae, “Ou, Ama Manek.”

2 SEMUEL 9:9

Boema, manek-ka naloo Ziba, fo Saul atan ndia de nafa'dan nae, “Saul no teidalen-nala la'o ela basa hata lala'en-na, au fes leo o tuam-ma, upun ia neu.

KELUARAN 23:8

Boso sipo doi sosolo dalek, nanahu doi sosolo dalek ndia, tao napoke hataholi-a matan-na, la'eneu eno ndoos-sa, fo nakatutu'dak hataholi sala taak-ka.

AMSAL 18:13

Mataa makahuluk, neme mamanene nde been-na tatao-nono'i nggoak, ma nakamumulu-nakamamaek.

AMSAL 18:17

Hataholi manakokolak makasososa nai manakee-manafula matan-na, ndoos tataas esa, tehu, metema musu noon-na mai soona, palisak matalolole seluk hala-kokolan.

AMSAL 19:2

Manggatek-ka ta no malelak-ka fa soona, ta malole fa; hataholi fo, nakalupu lai-lai, neukose ana tao salak.

ULANGAN 19:15

“Sakasii esa maesak-kana soona, beita dai soaneu nafa'da hataholi nanakalaak esa salan-na fa; muse paluu sakasii dua, nai dede'ak ndia dalek.