2 SEMUEL 16:11 - Susula Malalaok Hehelu Palak Ma Hehelu Beuk

¹¹ Boema, Dauk nafa'da seluk Abisai, ma basa atan-nala nae, “Au ana bonging-nga boeo, ana sanga enok fo sanga taonisa au; tao le'e de, emi mita Benyamin hataholin ia, ha'da-paliin boema, emi dodoo doak-kana? Manetualain nde nadenun fo ana soo-supa au-a; hu ndia de, boso taon le'e esa boen, nemen-na fo ana soo-supa nakandoo.

2 SEMUEL 16:11 ပူးပေါင်းရင်းမြစ်များ

KEJADIAN 15:4

Basa boema, Abram namanene Manetualain nafa'da seluk-kana nae, “O neukose o atam-ma, ta nde da'di hataholi fo, manahapu o hata-hetom fa, te o anatoum-ma mesak-kana.”

KEJADIAN 45:5

Boso bii do masasale dale, hu kande emi mase'oheni au so. Tunga ndoon-na, Manetualain mesak-kana nde nakahuluk noo au leo ia mai neme emi mai, soaneu soi-tefa hataholi ba'u.

2 SEMUEL 20:1

Nai kota Gilead-ta, hapu tou manatao tasibu esa, na'de Seba. Bikri neme leo Benyamin-na mai, anan ndia. Lelek hataholi manatunga Dauk-ka, beenongo mai boema, Seba puu pupuuk-ka, ma naloo bou-bou nae, “Dauk ndia, hataholi fe'ek, de sosoak hata, ita tunga hataholi ndia? Hai hataholi Israel-la lemin, mai fo ata fali teu-tala!”

2 SEMUEL 7:2

Boema, manek-ka nafa'da Nabi Natan nae, “Mitak au dei! Au leo nai uma manek fo, taon neme ai kaiou Libanon-na mai, te se'kona, Manetualain Peti Hehelu-balataan, nanape'dak nai ka'da lalaa temak dale mesan!”

2RAJA-RAJA 19:37

Nai faik esa, fo lelek ana bei songo nai Lamatua Daebafak Nisrokh-ka uma sosongon dale, boema Adramelekh ma Sarezer, fo ana manen-nala, ta'ti lisan nenik tafaina. Basa ndia boema, lalai leo nusa Ararat-ta leu. Boema Esarhadon, fo anamanen fe'en esa, nggatin da'di manek.

2TAWARIKH 32:21

Boema Manetualain haitua ata nusa so'dak esa neu fo taonisa Asyur solda'dun-nala ma malanga solda'du matuaina-nala. Manek Asyur-ra fali ne'un leo nusa-na neu no bibii-mamaek nanseli. Nai faik esa, fo lelek bei nai lamatua daebafa-na uman dale, te anan de'ubee mai de ala taolisan nenik tafaina.

MAZMUR 109:28

Leomae ala supa-soo au, tehu ela leo bee-na, O fe au baba'e-papalak. Leomae ala fo'a, tehu neukose, sila nananakamumulu-nakamamaek; tehu, ela leo bee-na, O fe O atam-ma, namahoko-seteleek.

YESKIAL 14:9

Metema, nabi esa nanake'di-ndiu basak, nalosa ana fe natataa masalak soona, Au nde ke'di-ndiu nana. Au, Manetualain Fo Mademaina, neukose kalua henin neme hataholi Israel-la dalek mai.

YESKIAL 20:25

Basa boema, Au fes hoholo-lalanek ta malole, ma paleta-paleta fo, ta neni fes maso'dak fa.

MATEOS 10:21

Neukose losa fai na te, hataholi a fe tolanoo na leo hataholi fe'ek neu fo ala tao lisan, Ma dede'ak ndia boeo, neukose ana da'di neu ama ka no ana ka. Ana kala, ala la'ban ina-ama nala, Ala fe ina-aman leo hataholi fe'ek leu fo, ala tao lisas.

SEMUEL SUSULAK-KA ESAN-NA 26:19

Ama Manek, mamanene atam-ma dokodoen ia. Leounik-ka, Manetualain nde nadenu Ama Manek, fo daenga la'ban atam-ma soona, tunu-hotu tutunu-hohotuk esa, fo neukose ana hapu tao natenak heni nasa-melun neu atam-ma. Tehu, leounik-ka, manamadenu Ama Manek ndia, nde been-na, hataholi daebafak soona, sa'di leo been-na, Manetualain soo-supas! Nanahu no sila tatao-nono'in ndia de, atam-ma nanausi henik neme Manetualain dae-na mai, de no nakasetik, atam-ma muse neu leo mamana fe'ek, fo nai bee, atam-ma muse sene-do'ok neu lamatua daebafak nusa dea-la.