2 SEMUEL 16:10 - Susula Malalaok Hehelu Palak Ma Hehelu Beuk

¹⁰ Tehu manek-ka nafa'da Abisai ma ka'an Yoab nae, “Boso litu moon. Nemen-na, fo ana soo-supa au. Nana, metema Manetualain nde nadenun-nana soona, see kande nanuu hak natanen, tao le'e de ana tao leondiak?”

2 SEMUEL 16:10 ပူးပေါင်းရင်းမြစ်များ

KEJADIAN 50:20

Emi malahalak basa soaneu tao mangalauk neu au, tehu Manetualain nggati mangalauk ndia nenik malole, fo ela no manada'dik makahulun ndia, hataholi maso'dak makadotok, hapu nanasoi tefak.

2 SEMUEL 19:22

Tehu, Dauk nafa'da Abisai ma ka'an Yoab nae, “Boso sese'dok nai dede'ak ia dalek. Tao le'e de, emi tao susa au? Nai faik ia dalen-na, au da'di manek seluk neu Israel, de ta bole hukunisa hataholi Israel esa boen.”

2 SEMUEL 19:23

Basa boema, manek-ka nafa'da Simei nae, “Au apalani soo, neukose ta hukunisa o fa Simei.”

2 SEMUEL 3:39

Leomae au ia, manek fo Manetualain nde hele-a, tehu besak ia, au ame'da, au akama'a. Zeruya anan sila-la, ala tao hata esa, ta no dale susue-lalaik makandondook fa. De au ta paleta abe'i fas. Sa'di leo been-na, Manetualain huku hataholi manatao tatao-nono'i mangalauk sila-la, nandaa no sila tatao-nono'in!”

1RAJA-RAJA 17:18

Boema inafalu ndia nafa'da Elia nae, “Manetualain Atan-na nei, taole'e de Ama tao leo iak soaneu au? Ade Ama mai fo tao ma Manetualain nafandele au sala-singong, nalosa au anang-nga muse maten do?”

1RAJA-RAJA 2:5

Bei hapu dede'ak esa seluk! Tao leo bee o, o mafandendelek hata fo Yoab tao-no'in neu au nenik ana taonisa Israel malanga solda'du matuainan dua, fo nde Abner fo Ner anan-na ma Amasa fo Yeter anan-na. Ana taonisas nai lelek mole-dame soaneu balas kanisak fo ala taon nai lelek natee-natatik-ka. Ana taonisa hataholi sala taa ka, tehu besak ia au nde muse lu'a-lepa tatao-nono'in ma au nde manadoi-dosok-ka.

2RAJA-RAJA 18:25

Emi maedaenga, ami sapu-ma emi, de ami sengi emi nusam-ma, ta no Manetualain tutulu-fafalin fa do? Manetualain nde nadenu ami sapu, ma ami tao makalulutuk mamanak ia!”

AYUB 9:12

Metema, Ana kalo hata-heto soona, see kande napalani, kena-ka'in-nana? do napalani natanen nae, ‘Hai, O tao beek ndia?’

MAZMUR 39:9

Po'i au neme basa au sala-singong-ngala mai, boso po'ilotak hataholi nggoak-ka, hakinonoli au.

PENGKHOTBAH 8:4

Manek-ka ho'i nakeketuk tunga koasan-na; ta hapu hataholi napalani se'i fan!

RATAPAN 3:37

Metema Manetualain nape'da dale nasak hata esa fa soona, tao leo bee-o, hataholi daebafak-ka ta hapu tao hata-hata soaneu dede'ak ndia fa.

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

MATEOS 16:23

Boema Yesus lipa leo dea neu de nafa'da Petrus nae, “La'o meme ia mai mana dudungu-papau ko nei. O mapalani mapanggengge Au ou! O dudu'a-aafim ndia dudu'a-aafi hataholi; daebafak te Manetualain dudu'a-aafin ta ndia fa!”

MATEOS 8:29

Duas kalua leme lea-luak manai lates sila la dalek mai, de ala nggasi lae, “Manetualain Anan O, de O sanga tao ami le'e ia? Ade O sanga tao doidoso ami, leomae fai na beita losa fa do?”

YOHANIS 18:11

Boema Yesus nafa'da Petrus nae, “So'dok falik o tafaina ma leo mamanan dale neu! Ade tunga o dale dodoo ma, neukose Au ta inu nggalaa doidosok fo Ama ka fen neu Au ndia fa do?”

ROMA 9:20

Tehu tolano-tolanoo ngala lemin! Tolanoo kala hataholi daebafak mesan. De tolanoo kala ta bole male'a mo Manetualain fa! Ade pot bunga bole natane hataholi manatao pot bunga ndia nae, “Tao le'e de, o tao ma au da'di tao leoiak?”

1 PETRUS 2:23

Lelek fo nanadodoki-aalik tehu Ana ta balas ninik dodoki-aalik fa. Lelek fo Ana doidoso, tehu Ana ta tao mangalauk neu hataholi mana tao mangalauk neu na fa. Ka'da Ana fe dede'a na neu Manetualain, fo mana maketu-mala'di tunga matetu na.

SEMUEL SUSULAK-KA ESAN-NA 26:19

Ama Manek, mamanene atam-ma dokodoen ia. Leounik-ka, Manetualain nde nadenu Ama Manek, fo daenga la'ban atam-ma soona, tunu-hotu tutunu-hohotuk esa, fo neukose ana hapu tao natenak heni nasa-melun neu atam-ma. Tehu, leounik-ka, manamadenu Ama Manek ndia, nde been-na, hataholi daebafak soona, sa'di leo been-na, Manetualain soo-supas! Nanahu no sila tatao-nono'in ndia de, atam-ma nanausi henik neme Manetualain dae-na mai, de no nakasetik, atam-ma muse neu leo mamana fe'ek, fo nai bee, atam-ma muse sene-do'ok neu lamatua daebafak nusa dea-la.