2 SEMUEL 16:1 - Susula Malalaok Hehelu Palak Ma Hehelu Beuk

¹ Lelek Dauk besak-ka nala pupukuk-ka selik boema, no kaiboik, Mefiboset atan Ziba, ana mai leona, de Dauk nitan, ana hela keledei dua, ala fua loti boak natun dua, angol boa tuuk, nggik natun esa, ai boa mamatak, puputuk natun esa, ma angol nai alukosu bana louk esa dalek.

2 SEMUEL 16:1 ပူးပေါင်းရင်းမြစ်များ

2 SEMUEL 15:30

Basa ndia boema, Dauk o'du heni ta'buein-na, de sama-sama no basa hataholi manatungan-nana, ala nda'e leo Pupuku Setun-na lain leu, boema ala kii ma ala poti ketu langan-nala, fo da'di neu ta'du-tana manasusak.

2 SEMUEL 15:32

Nai lelek Dauk losa pupukuk lain, nai mamanak fo hataholi-a biasa sene-do'ok neu Manetualain boema, tia-lain manalilinekan fo nde Husai, hataholi Arki ndia, sipok-kana. Husai siba'e bua papaken-na, ma ana nggali afu leo langan lain neu.

2 SEMUEL 19:32

Barzilai teun faluhulu, de namalasi nanseli so. Namasu'i hatu-hatu, ma nai lelek makahulun-na, fo manek-ka bei leo neme Mahanaim-ma, Barzilai nde sadia fe manek-ka nana'a-nininuk-ka.

1 TAWARIKH 12:40

Neme leo-leo damedoo manai nusak kii boe, fo nde neme leo Isakhar, Zebulon ma Naftali, ala faa beeosu loo keledei, unta, meoasu, ma sapi fo ala fua lahenus lenik nana'a-nininuk: ha'desopuk, kaa boak, angol boa tuuk, angol ma mina setun. Ala leni sapi ma bi'ilopo boe, soaneu ala do'do fo la'a. Basa sila-la ala da'di natutu'duk esa nae, laun manai Israel-lala'en-na, lamahoko lanseli.

AMSAL 18:16

Bua palsen-na, soi enok fo noo hataholi leo hataholi matua-la neu.

YEREMIA 40:10

Leo neme kota-kota fo emi mahiik-kana, ma po'ilotak emi makaduduluk angol, ai boak ma mina zetun fo pe'da. Au mesang-nga neukose leo nai Mizpa fo asala'e laun-nala metema hataholi-hataholi Babel-lala mai leo ia mai.”

YEREMIA 40:12

Hundia de, ala la'o ela mamanak-mamanak fo nai bee sila nanatao tapasasalak-ka, boema ala fali le'us lo Yehuda neu. Ala mai leo Gedalya mai nai Mizpa, de lakaduduluk-la angol ma ai boak makadotok lanseli.

AMOS 8:1

Au hapu ninitak esa seluk neme Manetualain Fo Mademaina mai. Au ita ai boa latuk henu sapai esa.

MIKHA 7:1

Au soe! Au sama leo hataholi kamala'ak fo neu sanga ai boak nai ai fo fai naboan-na seli so. Ta hapu ai boak nai ai-la so'on. Ala seu basa angol boak ma kaa boa malole-la so.

SEMUEL SUSULAK-KA ESAN-NA 10:3

Semuel nafa'da seluk nae, “O la'ok makandoo meme ndia leo ai fo, mamana makaluku-makatele-a nai Tabor. Neukose o matongo moo touk telu bei beela'o leo Betel leu, fo ala tunu-hotu fe Manetualain tutunu-hohotuk. Hataholi esa foo bi'ihiik telu, ma esa neni loti boak 3, ma esa seluk, neni alukosu bana louk esa, angol nai dalek.

SEMUEL SUSULAK-KA ESAN-NA 16:20

Basa boema, Isai sadia-na keledei esa, boema ana fua bi'ihiiana esa, loti ma alukosu bana louk esa henuk no angol. Ana fe basa sila-la leo Dauk neu, fo ana fen leo Saul neu.

SEMUEL SUSULAK-KA ESAN-NA 25:18

Boema no lai-laik, Abigail ho'in-na loti biak natun dua, ma alukosu bana louk dua, henuk no angol, paa bi'ilopo lima nanadalak, gandum nanadalak, kilo sanahulu hitu, angol boa tuuk, nggik natun esa, ma kokis kaa boak natun dua. Ana fua basa sila-la, leo keledein-nala lain neu.