2 SEMUEL 15:23 - Susula Malalaok Hehelu Palak Ma Hehelu Beuk

²³ Basa laun-na, ala kii de ala dolaheni basa halan-nala, nai lelek Dauk solda'dun-nala la'o ela kota. Basa boema, manek-ka no basa solda'dun-nala lena leo Leeanak Kidron-na selik leu, de leu leo moo solokaek-ka leu.

2 SEMUEL 15:23 ပူးပေါင်းရင်းမြစ်များ

2 SEMUEL 15:22

Dauk nataa nae, “Hei, tutulumatak makandoo!” Boema, Itai la'ok sama-sama no solda'dun-nala loo basa sila teidalen-nala lala'en-na.

2 SEMUEL 15:28

Neukose, au ahani deka mamana lelenak leo moo solokaek-ka neu, losa au sipo halak neme emi mai.”

2 SEMUEL 16:2

Boema, mane Dauk-ka natanen nae, “Basa ia-la, sosoa-na beek?” Boema Ziba nataa nae, “Keledei ia-la, soaneu Ama Manek teidalen-nala sa'e, boema loti ma ai boak ia-la, soaneu Ama Manek atan-nala, ma angol ia, soaneu sila manasota-manguk manai moo solokaek-ka.”

1RAJA-RAJA 15:13

Ana kaluaheni bein Maakha, neme nangatutuun-na, nana ana tao doki-dula sosongo-tatango manasosoa-piaok soaneu Asyera, lamatua daebafa inak fo manafe bubu'u-palusa lalole. Asa tao nakalulutuk sosongo-tatangok ndia de ana hotuhenin neme Bafak Kidron-na.

1RAJA-RAJA 2:37

Metema o mapalani kalua fo la'ok tunga Lee ana Kidron na soona, o muse nanatao nisak; ma o nde lu'a-lepa salak ndia.”

YEREMIA 31:40

Basa bafak ndia lala'en-na fo nanapakek da'di leo mamana loo-latek ma mamanak tu'u-tapak kadafuk, ma basa tina osi manai lee Kidron su'un-na losa lo Lelesu Ina Ndala fo lo dulu neu-a, neukose ana da'di hehelik soaneu Au. Kota Yerusalem-ma neukose ta nanatao natu'uk fa, do nanatao nakalulutuk fa.”

MATEOS 3:1

Nai lelek ndia, Yohanis Mana Salani ka ana mai neme Yudea mo solokae na mai de ana tui-benga nae,

MATEOS 3:3

Yohanis ia nde hataholi fo Nabi Yesaya nafa'da ka. Nabi Yesaya nafa'da nae, “Hapu hataholi esa nalo bou-bou nai mo solokae ka nae, ‘Sadia enok soaneu Lamatua ka leona; tao matetu eno kala ba'eneu Lamatua ka.’ ”

LUKAS 1:80

Zakharia anan ndia boetai namatua ka, ma dula dale na boetai balakaik. Ana leo nai mo maloa, losa fai na losa, natu'du aoina na neu leoina Israe la.

YOHANIS 18:1

Yesus hule-haladoi basa nae leondia boema, no ana manatunga nala leu leo lee Kidro na selik leu. Osi esa nai ndia, de Yesus no ana manatunga nala leu leo osi ndia dalek leu.

ROMA 12:15

Mamahoko mo hataholi manamamahoko kala, ma kii mo hataholi manakii kala.