2 SEMUEL 15:18 - Susula Malalaok Hehelu Palak Ma Hehelu Beuk

¹⁸ Basa manek-ka hataholi mana'a ngga'din-nala lapadeik lai manek-ka boboan-na, nai lelek manek-ka solda'du manamanean-nala la'ok lakadadalak tunga matan-na. Ma solda'du natu ka neek fo manatungan neme kota Gat-ta mai, ala la'ok lakadadalak nai matan-na boe.

2 SEMUEL 15:18 ပူးပေါင်းရင်းမြစ်များ

2 SEMUEL 15:17

Nai lelek manek-ka no basa hataholi manatungan-nana, ala la'oela kota boema, ala hahae deka loo uma mate'ek-ka.

2 SEMUEL 18:2

Basa ndia boema, nadenus ala la'o, fo leu latee-lata'ti. Ana ba'es neu bubuak telu, de Yoab nauli-nalanga bubuak esa, Abisai, fo Yoab fa'din-na, nauli-nalanga bubuak esa, ma Itai, neme Gat mai, nauli-nalanga bubuak esa. Manek-ka nafa'da solda'dun-nala nae, “Au boeo, tunga sama-sama o emi.”

2 SEMUEL 20:23

Dauk so'u manapaleta manai lain-nala nde ia: Solda'du Israel-la lala'en-na, malanga solda'du matuainan-na nde, Yoab. Solda'du manamanea Dauk-ka, malangan-na nde, Benaya, fo Yoyada anan-na.

2 SEMUEL 20:7

Boema, Abisai nauli-nalanga Yoab solda'dun-nala, ma solda'du manamanea manek-ka, boema basa solda'du fe'ek-kala, de ala la'o leme Yerusalem mai fo leu usi Seba.

2 SEMUEL 6:10

Hu ndia de, ana ta nau neni Peti Hehelu-balataak ndia, leo Yerusalem neu so'on, de ana pe'dan neme Obed-Edom, fo hataholi Gat ndia, uman.

2 SEMUEL 8:18

Solda'du manamanea manek-ka, malangan-na nde, Benaya, fo Yoyada anan-na; Imam-imam manai uma manek-ka, nde, Dauk anamanen-nala.

1RAJA-RAJA 1:38

Boema Zadok, Natan, Benaya ma manek-ka hataholi manamanean-nana, ko'o Salomo leo kaleta manek lain neu, boema ala la'ok benongo loon leo oemata Gihon na neu.

SEMUEL SUSULAK-KA ESAN-NA 23:13

Boema Dauk no solda'dun-nala, fafa'kama hataholi 600, no lai-laik ala la'o ela Kehila, de laleu-lalaak, leme mamanak esa leo mamanak esa leu. Lelek Saul namanene lae, Dauk la'o neme Kehila mai so, boema ta neu sapu-nan so'on.

SEMUEL SUSULAK-KA ESAN-NA 25:13

Dauk fe paleta nae, “Esa-esak pa'a tafainan-na neu kale'bon-na!” No lai-laik, Dauk solda'dun-nala, ala tao tunga paleta ndia. Dauk boeo, ana pa'a tafainan-na neu kale'bon-na, de fafa'kama ana la'o no hataholi natun haa, ma ana la'o ela hataholi natun dua, fo lanea bua-lo'as.

SEMUEL SUSULAK-KA ESAN-NA 27:3

Boema, Dauk no solda'dun-nala, esa-esak nok ndia teidalen, de ala leo lahele leme Gat. Dauk no saoinan duas, fo nde Ahinoam, fo neme Yizreel mai, ma Abigail, fo Nabal manamatek-ka saoinan-na, neme Karmel mai.

SEMUEL SUSULAK-KA ESAN-NA 27:4

Lelek Saul namanene lae Dauk nalai leo Gat neu so boema, ana ta sanga seluk enok fo ho'un so'on.

SEMUEL SUSULAK-KA ESAN-NA 30:1

Basa faik dua boema, Dauk no solda'dun-nala fali le'us leo Ziklag leu. Lelek ala losa naa boema, ala hapu halak lae hataholi Amalek-kala, sapu-la nusa Yehuda boboan kona, ma ala sapu-la Ziklag boe. Ala ta taolisa hataholi esa boen. Tehu ala hotu heni kota ndia, de ala la'ok lakandoo sila leleo-lala'on, no loo inak-kala, ni'iana-la, ma laun fe'e-fe'ek-kala. Ala foo leni Dauk no solda'dun-nala teidalen-nala boe, fo Dauk saoinan duas, fo nde Ahinoam ma Abigail, lai dalek boe. Dauk no solda'dun-nala dalen-nala he'dis nanseli, nalosa ala ta hahae kikii-makaleleuk-ka fa, losa ala sota-mangu lanseli.

SEMUEL SUSULAK-KA ESAN-NA 30:14

Ami sapu-ma hataholi Kreti-la nusan-na, nai Yehuda boboan kona, ma leo-ingu Kaleb-pa nusan-na, ma ami hotu heni kota Ziklag-ka so boe.”

SEMUEL SUSULAK-KA ESAN-NA 30:9

Boema, Dauk la'o sama-sama no solda'du natu ka neen-nala, Lelek ala losa Lee Besor-ra boema, Dauk la'o nakandoo leleo-lala'on, sama-sama no hataholi natun haa, ma ana la'oela hataholi-hataholi natun dua leme ndia, nanahu ala sota-mangu lanseli so, de ala ta lena labe'i Lee Besor-ra so'on.