2 SEMUEL 15:10 - Susula Malalaok Hehelu Palak Ma Hehelu Beuk

¹⁰ Tehu beita neu fa te, nadenu hataholi neni hala heheluk fe basa leo Israel-la nae, “Metema emi mamanene pupuuk-ka liin-na soona, maloo bou-bou leon mae, ‘Absalom da'di manek nai Hebron so!’ ”

2 SEMUEL 15:10 ပူးပေါင်းရင်းမြစ်များ

2 SEMUEL 13:28

Absalom paleta atan-nala nae, “Taoafik matalolole, fo metema Amnon ninu angol fo ana mafuk soona, neukose au fe emi ta'du, fo taomisan. Boso bii. Te au nde lu'a-lepa dede'ak ndia. Taon no napalanik, fo boso no bibii-namata'uk!”

2 SEMUEL 14:30

Basa boema, Absalom nafa'da atan-nala nae, “Emi bubuluk Yoab tinan-na, nai au tinang nanasele gandum-ma, boboan-na hetu? Meu hotu heni tina ndia.” Boema, leu leona, de ala hotu henin.

2 SEMUEL 15:9

Boema, manek-ka nataa nae, “La'o no so'da-molek.” Boema Absalom neu leo Hebron neu.

2 SEMUEL 19:10

Ita ndo-ei basa Absalom da'di manek so, tehu besak ia, ana mate nai natee-natatik dale so. Tao le'e de, ta hapu hataholi esa boen sanga enok, fo no falik Mane Dauk-ka fa?”

2 SEMUEL 2:1

Basa ndia boema, Dauk natane Manetualain nae, “Ade, Manetualain nau au u fo, au koasa kota esa nai Yehuda do?” Manetualain nataa nae, “Ya.” Boema, Dauk natane nae, “Kota beek-ka?” Manetualain nataa nae, “Kota Hebron.”

2 SEMUEL 2:11

de Dauk paleta Yehuda neme Hebron, teuk hitu, bulak nee dalen-na.

2 SEMUEL 5:5

Nai Hebron, ana paleta Yehuda, teuk hitu, bulak nee dalen-na, ma nai Yerusalem, ana paleta Israel-lala'en-na ma Yehuda, teuk 30 dalen-na.

1RAJA-RAJA 1:11

Boema Nabi Natan na neu natongon-no Batsyeba, fo Salomo inan, boema nafa'dan nae, “Ade Ina Manek-ka beita mamanene lae Adonia, fo Hagit ana manen-na, so'u aon da'di manek so, tehu Mane Dauk ka ta bubuluk hata-hata la'eneu dede'ak ndia fa do?

1RAJA-RAJA 1:34

Nai naa, Zadok ma Natan muse so'un da'di mane Israel. Basa ndia soona, emi muse fuu pupuu ka ma eki mae, ‘So'dak ba'eneu Mane Salomo!’

2RAJA-RAJA 9:13

No lai-laik, Yehu nonoon-nala, ala o'du heni ba'du manalun-nala, de ala belan neu e'dahuuk-ka, nai Yehu matan-na. Boema, ala puu pupuuk-ka, ma ala eki lae, “Yehu da'di manek!”

1 TAWARIKH 11:3

Boema Dauk tao hehelu-balataak no mauli-malangan Israel sila-la. Boema ala ndo ein da'di manek Israel, sama leo hata fo Manetualain helu basan tunga Semuel.

1 TAWARIKH 12:23

Lelek Dauk neme Hebron na, manamatee-matatik fo nanananoli basak ba'uk ka lakabubua da'di esa loon. Ala tulu-falin fo ela ana bisa da'di manek nggati Saul nandaa no Manetualain hehelun-na. Sila dede'u na nde ia: Neme leo Yehuda: hataholi lifun nee natun falu, no babaa fanak ma tee manadaik. Neme leo Simeon: hataholi nanananolik lifun hitu natun esa. Neme leo Lewi: hataholi lifun haa natun nee. Yoyada fo Harun tititi-nonosin mauli-malangan anaboan-nala: hataholi lifun telu natun hitu. Zadok, fo manamatee-matati muli-soluk esa, tolano ka'a-fa'din nala: hataholi duahulu dua – basa-basas malanga uma loo. Neme leo Benyamin (Manek Saul la leo na): hataholi lifun telu; neme leo Benyamin na mai, sila ba'u na bei lilineka lahele neu Saul. Neme leo Efraim: hataholi lifun duahulun-natun falu, nanakoa-kiok nai esa-esak teidale-bobogin na dalek. Neme leo Manasye fo manai Lee Yarden na boboan muli: hataholi lifun sanahulu falu nananatu'duk soaneu so'u Dauk da'di manek. Neme leo Isakhar: mauli-malangan natun dua sama-sama loo sila anaboan-nala; mauli-malangan ia la laketu lalelak hata fo laun Israel-la muse taon nandaa no fai na. Neme leo Zebulon: hataholi lifun limahulu pake lalelak matalolole basa tee-tafa mata-matak lala'en-na, ma laheheleaon soaneu latee-latati; hataholi sila-la nde been-na hataholi manalilinekak ma nananamahelek. Neme leo Naftali: mauli-malangan lifun esa sama-sama loo solda'du lifun teluhulu hitu fo babaa fanan-nala ma tee nala manadaik. Neme leo Dan: hataholi nanananoli basak lifun duahulu falu natun nee. Neme leo Asyer: hataholi lifun haahulu laheheleaon soaneu latee-latati. Neme leo-leo manai Yarden boboan dulu, fo nde Ruben, Gad ma leo Manasye seli: hataholi lifun natun esa duahulu pake lalelak matalolole basa tee-tafa mata-matak lala'en-na.

1 TAWARIKH 12:38

Basa hataholi manamatee-matatik sila-la leu leo Hebron leu no heohiluk natee-natatik ma dale kisak soaneu so'u Dauk da'di manek neu Israel-lala'en-na. Ma basa hataholi Israel fe'ek kala boeo dalek esa soaneu dede'ak ndia.