2 SEMUEL 14:25 - Susula Malalaok Hehelu Palak Ma Hehelu Beuk

²⁵ Absalom nanakoa-nanakiok da'di leo hataholi mata-pana mana'ahik nanseli, nai basa Israel-lala'en-na. Ta hapu hataholi mata makeen-na, lena neme Absalom mai fa. Ta hapu bu'u-ba'ek faaanak boen, mulai neme eidalen-na mai losa langadoo pe'dan-na.

2 SEMUEL 14:25 ပူးပေါင်းရင်းမြစ်များ

AYUB 2:7

Boema, Nitu-a la'o neme Manetualain matan-na, de ana fe bisu puluk-ka la'e Ayub aon-na lala'en-na, neme ein-na losa langan-na.

AMSAL 31:30

Mata-pana makeek-ka ta hapu namahehelek, ma mata mana'a neukose mopon; tehu inak fo namahele neu Manetualain nandaa hapu kokoa-kikiok.

YESAYA 1:6

Neme emi langam-ma, losa emi eim-ma, ta hapu so'da-la'dak fa. Emi aom-ma henuk no peta-paek, bisu piik ma bisu mesa-mesan. Emi bisum sila-la, beita nanasafe balisik do nanapopoti-papaluk, ma ta nanapuli-namo'dok nenik mina boen.

DANIAL 1:4

Touana muli-soluk sila-la, muse sala-singo tak-kala. Aon-nala muse makadelek, sakolan-nala matua, malelak ma lalelak dede'ak ba'u, boema ala tunga paleta fo lanea nai uma manek-ka. Aspenas muse nanolis, fo ala lees ma sulak lalelak dede'a Babel.

MATEOS 23:27

Soe ba'eneu emi, mese agama la ma hataholi Farisi la lemin! Emi ia hataholi mana dea-dale kala! Emi sama leo late nanadama fula ka, fo meten neme deak mai soona mana'a hiik, tehu nai dalek henuk no duik ma kaboo pulu ka.

EFESUS 5:27

No enok ndia, Kristus tao na hataholi kamahehelek sila, lapadeik no matua-mademan ma matetu-mandaak nai mata na, fo ta hapu bu'u-ba'ek do bu'u-ba'e esa boen.

ULANGAN 28:35

Neukose, Manetualain taon-na emi eim-ma bisu-bisu mesan, fo he'din-na seli, tehu ana ta hapu lea-hai fa; neukose bisunggumak-kala, ala da'di neme emi eiku'um-ma losa emi langadoo pe'dam-ma.

SEMUEL SUSULAK-KA ESAN-NA 16:7

Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”

SEMUEL SUSULAK-KA ESAN-NA 9:2

Kish anatoun esa, na'de Saul. Saul ia, ta'eanak esa, mana'ahiik, aon-na makadelek. Ta hapu hataholi esa boen nai Israel, ao makadelen-na leondiak fa. Dedeman-na boeo, ta hapu hataholi dema fan; Hataholi Israel-la basa-basas dedeman-nala losa ka'da alun-na.