2 SEMUEL 14:24 - Susula Malalaok Hehelu Palak Ma Hehelu Beuk

²⁴ Tehu, manek-ka ta fe Absalom loak ana leo nai uma manek-ka fa. Manek-ka nafa'da nae, “Au ta hii mete matan-na fa.” Da'di, Absalom fali tu'tik leo uman-na neu, de ana ta neu nataa manek-ka fa.

2 SEMUEL 14:24 ပူးပေါင်းရင်းမြစ်များ

KEJADIAN 43:3

Boema Yehuda nae, “Filana Masir-ra fe ami nasanene'dak mahelek nae ami ta bole meu leo Masir meu so'on, metema ami ta moo ami fa'dim ndia fa.

2 SEMUEL 13:20

Lelek Absalom nitan boema natanen nae, “Ade, na'kasa Amnon tao nalutu o na'de anafe'oanam-ma so do? Le'on-na leon fa'ding-ngo, o boso boe, dudu'a-dodoo dede'ak ndia bai, te o ka'am ndia; da'di boso mafa'da dede'ak ndia, neu su'di see boen.” Boema, Tamar mesak-kana leo fe'e nai Absalom uman, de dalen-na he'dis nanseli, nanahu mesa-mesak-kana.

2 SEMUEL 14:28

Absalom leo nai Yerusalem, teuk dua so, tehu beita natongo no manek-ka boen.

2 SEMUEL 3:13

Boema Dauk nataa nae, “Hei! Manduku-malosak hala heheluk ia neu Abner mae, Au nau tao hehelu-balataak o o, tehu no nonokek esa nde ia: Metema, o mai mataa au soona, o muse moo Mikhal, fo Saul anafe'on-na leo au mai.”

KELUARAN 10:28

Manek-ka nafa'da Musa nae, “Ma'dook aoinam-ma neme au matang-nga mai! Metema, au ita seluk o mata-panam soona, neukose au taoisa o!”

NINITAK 22:4

ma lita mata panan. Na'de na nanasulak nai dedei nala.