2 SEMUEL 14:14 - Susula Malalaok Hehelu Palak Ma Hehelu Beuk

¹⁴ Neukose, ita basa-basa-tala manamatek mesa-mesan; nana ita ia, sama leo oe fo po'a henin leo dae lain neu, fo ta hapu aso falik-kana so'on. Manetualain boeo, neukose Ana ta tao naso'da falik hataholi manamate basak-ka so'on; hu ndia de, sa'di leo been-na, au Ama Maneng sanga enok, fo ela hataholi nanatu'u-tapa henik-ka, bisa fali ma'in seluk.

2 SEMUEL 14:14 ပူးပေါင်းရင်းမြစ်များ

2 SEMUEL 11:25

Boema, Dauk nafa'da ladenu hataholi ndia nae, “Matetea-mahehele Yoab dalen-na, ma mafa'dan fo dalen-na boso ba'ihana, nana ta hapu nananafa'da elak nae, see kande, neukose maten nai natee-natatik dale fa. Mafa'dan, fo ela ana boso hahae sapu-na kota ndia, losa ana tao nakalulutuk kota ndia.”

2 SEMUEL 14:15

Atam-ma mai nataa au Ama Maneng, nanahu hataholi-la lakabibiik atam-ma. Boema, atam-ma dudu'a-dodoo nae, malole lenak atam-ma kokolak no au Ama Maneng no namahehenak, neukose au Ama Maneng sipok atam-ma nonoken ia.

1RAJA-RAJA 11:39

Hu kande Salomo nasala-nasingo, de neukose Au huku Dauk tititi-nonosin, tehu ta losa dodoon-na fa.’ ”

AYUB 14:14

Nana metema, hataholi daebafak-ka maten soona, ade, ana bisa fo'a falik do ta? Au ahani, neme faik leo faik neu, losa au fai toto'a-tatang ia sapu-lalo.

AYUB 30:23

Au bubuluk, O moo au leo mamates-sa neu, mamanak fo, basa hataholi maso'dak-kala, nanatao nakabubuak.

AYUB 34:15

soona mate basa, mahahaek fo masamanek lala'en-na, ma hataholi daebafak-ka da'di dae, sama leo makasososan-na.

AYUB 34:19

Ana ta nok manek-kala, do Ana bibinga-baba'e hataholi kamasu'ik-ka, neme hataholi matasi'da-matasaek-ka mai. Nanahu, sila basa-basas nde been-na, Ndia lima tataan mesa-mesan.

MAZMUR 22:14

Lasasale matak loo au no bafan-nala beepoo, sama leo singa nanggao fo ana kaa.

MAZMUR 22:15

Au be'i-balakaing basan, sama leo po'a heni oe-a, basa au duing-ngala latasesu leme sesesun-nala mai, au daleng-nga noe, sama leo lilik-ka.

MAZMUR 58:7

Ou Manetualain, helu la'di nisin-nala leon, Fe'a heni singa molisoluk sila-la nolin-nala leon Manetualain.

MAZMUR 77:8

“Losa dodoon-na, Manetualain tipa ma dalen-na ta nahiik so'on do?

MAZMUR 79:3

Daan-nala faa sama leo oe-a, nai kota Yerusalem-ma dalek; ta hapu hataholi natotoi-natotono fas.

MAZMUR 90:10

Ami faim maso'dam-ma losa ka'da teuk hituhulu, metema ami balakaik-ka soona, losa teuk faluhulu. Tehu ami hapuk-ka, nde ka'da toto'a-tataak ma doidosok-ka; basa ami maso'da keke'uanam-ma soona, ami sapu-lalo.

MAZMUR 90:3

O madenu hataholi daebafak-ka fali ne'un leo mamana dada'di-momolin neu, fo da'di dae sama leo makasososan-na.

KELUARAN 21:13

Tehu metema ta name'da fa, te ana fepan, do ana ta dudu'a soaneu nanisa fa soona, ana bole nalai leo mamanak esa neu, fo neukose Au atu'du mamanak ndia neu emi, fo ana hapu nasulu-nahapak nai naa.

PENGKHOTBAH 9:5

Ta bole nae ta, hataholi maso'dak-ka bubuluk nae mamates-sa nahanin, tehu hataholi manamatek-ka, ana ta bubuluk hata-hata fa. Ta hapu ngga'di do sese'bak ba'eneun fa, ma lafendele heni na'den-na so.

RATAPAN 3:31

Nana, neukose Manetualain ta tipa ita losa dodoon-na fa.

YESKIAL 18:23

Ade, o dodoo mae, Au Manetualain Fo Mademaina, namahoko, metema mate hataholi mangalauk-ka do? Ta makandondook! Au hii, ana tukatei-saledale neme sala-singon-nala mai, fo ela naso'da nahele.

IMAMAT 26:40

Tehu emi tititi-nonosim, neukose manaku sila sala-singon, ma sila bei-ba'i kain fo manalena-la'ban Au, ma lalena langa neu Au paletang-nga, sala-singon-nala,

BILANGAN 35:15

Kota ka neek sila-la, ala da'di kota mananasulu aok ba'eneu emi, hataholi Israel-la, ma ba'eneu hataholi nusa dea fo manamai, do manaleo mahelek nai emi nusam dale. Su'di see, fo ta name'da fa te, ana taonisa hataholi soona, ana bole nalai leo kota sila-la esa neu.

BILANGAN 35:25

Salanik-kala muse lasulu-lahapa, hataholi kanisak fo ta name'da fa te nanisa so, neme hataholi nanatao nisak-ka tolano ka'a-fa'din, fo ala nau balas hataholi kanisak ndia tatao-nono'in. Muse no falik hataholi kanisak ndia, leo kota nasulu aok fo nalai neme mamanak ndia mai. Ana muse leo nahele neme ndia, losa mate hataholi fo, nai lelek ndia ana da'di Imam Agung; basa ndia soona, besak-ka ana bole fali ne'un leo nggolo-ta'dun neu. Tehu metema, ana la'o ela kota mananasulu aok, fo mamanak ana nalai-a, boema hataholi nanatao nisak-ka, tolano ka'a-fa'din latongo loon de ala taolisan, soona tatao-nono'ikanisak ta ndia fa.

MATEOS 22:16

Boema ladenu sila ana mana tunga nala lo hataholi de'u bee leme Herodes nakabubua na fo leu leo Yesus leu. Boema hataholi sila la lafa'da Yesus lae, “Ama Mesen, ami bubuluk Ama mana tao ndoos. Ama nanoli no mangale'dok la'eneu Manetualain hihii-nanaun neu hataholi daebafa ka, ma Ama tunga hataholi daebafa ka hahapu na fa. Nanahu Ama ta mete matak fa.

HATAHOLI 10:34

Boema Petrus nae, “Besak ia, au ame'dan te'e-te'e, Manetualain tao basa hataholi lala'ena, matak esa.

ROMA 2:11

Nana Manetualain susue-lalain matak esa soaneu hataholi lala'ena.

ULANGAN 10:17

Emi Manetualaim-ma, nai basa lamatua daebafak lala'en-na lain, ma koasan-na, lena heni basa koasa lala'en-na. Ndia nde Manetualain fo, matua-madema ma manakoasa, de muse tungan. Ana ta metematak fa, ma Ana ta nau hataholi solo dalen-na nenik hata esa boen.

IBRANI 9:27

Manetualain naketu basa, hataholi daebafa ka mate ka'da la'iesa, fo basa ndia soona, Manetualain naketu-nala'di hataholi sila tatao-nono'in.

1 PETRUS 1:17

Emi maloo Manetualain ndia mae Amak, nai lelek fo emi hule-haladoi neun. Na, Manetualain ndia nde naketu-nala'di hataholi daebafa ka, nandaa no esa-esak tatao-nono'in, nana Manetualain ta metematak fa. Hu ndia de, nai lelek fo emi bei maso'da nai daebafak ia, ela leo bee na, emi mamatutua-mamadedema Manetualain, nai emi maso'da ma dalek.