2 SEMUEL 13:3 - Susula Malalaok Hehelu Palak Ma Hehelu Beuk

³ Amnon tia-lain esa, dodole da'uk nanseli, na'de Yonadab, fo Dauk ka'an Simea anan ndia.

2 SEMUEL 13:3 ပူးပေါင်းရင်းမြစ်များ

KEJADIAN 3:1

Menge nde been-na, bana esa, malela keke'din-na seli, lena heni basa bana lala'en, fo Manetualain nakadada'dik-kala. Menge ndia, natane inak ndia nae, “Ade, te'e-te'e Manetualain kena-ka'i emi mi'a basa ai manai osi ia dalek lala'en-na, boan-nala hetu do?”

KEJADIAN 38:1

Fafa'kama nai lelek ndia Yehuda la'oela tolanoon-nala de ana leo no Hira, fo touk esa ana da'di neme kota Adulam ma mai.

KEJADIAN 38:20

Basa bulak de'ubee boema, Yehuda nadenu Hira, fo nono na soaneu neni bi'ihiik ndia neu, ma noke falik buas fo ana fe basan da'dileo bua pepe'dak esa, tehu Hira ta hapu natongon-no inak ndia fa.

2 SEMUEL 13:2

de nahiik sungu non. Tehu ta da'di fa, nanahu Tamar bei ao tema de ana ta bole leo-napalasa no tou-ta'ek fa. Amnon dudu'a-dodoo dede'ak ndia nakandondoo henin, losa mate'en-na, ana tu'u he'dis.

2 SEMUEL 13:32

Tehu Yonadab, fo Dauk ka'an Simea anan-na nae, “Ama Manek, dalem-ma boso ba'ihana, ma boso dodoo-dudu'a mae mate la'iesak Ama Manek anamanen-nala so. Mate ka'da Amnon mesak-kana, nana ana da'di mangale'dok so, nae Absalom dale hihiin-na nde ndia, mulai neme lelek fo, Amnon tao tatao-nono'i mangalauk no fa'din Tamar.

2 SEMUEL 13:4

Boema, Yonadab nafa'da Amnon nae, “Maneana nei, tao le'e de, tunga faik o nono'kabai hataholi manadale he'dik-ka? Hu beek?” Amnon nataa nae, “Au hii Tamar fo au tolanoong Absalom fa'din ndia.”

2 SEMUEL 14:2

hu ndia de, nadenu hataholi neu nala ina dodole da'uk esa, ana leo nai Tekoa. Lelek, inak ndia losa boema, Yoab nafa'dan nae, “Ina muse tao nono'kabai ina susa; fo ina pake bua-lo'a manasusak, ma boso pake mina kaboomenik. Tao sama leo inak fo ana kii dook-ka so, nana mate ina hataholi susuen esa.

2 SEMUEL 21:21

Ana hakinonoli hataholi Israel-la, hu ndia de, Yonatan, fo Dauk ka'an Simei anan-na, taonisan.

1 TAWARIKH 2:13

Isai anatoun 7. Sila na'den-nala nde ia tunga sila esa-esak teun: Eliab, Abinadab, Simea,

1 TAWARIKH 27:32

Manek Dauk-ka to'on fo mana'de Yonatan-na, nde been-na hataholi esa manamanolin-mafa'da malelak ma manasakolak. Ndia ma Yehiel fo Hakhmoni anan-na hapu bela-ba'uk soaneu manek-ka anamanen-nala sakola na.

ESTER 5:10

Tehu nakatatakak dalen-na, de ana fali leo uman neu. Ana losa uma boema, nadenu nonoon-nala, leu lafa'da saoinan Zeres, fo ana mai nangatuuk nau-nau nos.

ESTER 5:14

Lamanene dede'ak ndia boema, saoinan-na ma nonoon-nala lafa'dan lae leo ia, “Ka'da madenu ala tao-la dii lolonak esa, deman-na metel duahulu dua. Boema balahaa fafaik soona, moke manek-ka, fo ana po'i o lona Mordekhai neu dii ndia. No enok ndia, o hapu muu leo feta ndia, no o dalem-ma tesa-tama.” Tunga Haman hahapun-na soona, nonokek ndia malole nanseli, hu ndia de, no lai-laik nadenu hataholi-la, fo ala tao dii lolonak ndia.

ESTER 6:13

Ana tui saoinan-na, ma nonoon-nala, hata fo ana la'ola'din. Basa boema, saoinan-na ma nonoon fo manatee tenok sila-la, lafa'dan lae, “O balakaim-ma ta dai Mordekhai fa. Ndia hataholi Yahudi, de neukose o ta hapu la'ban-nana fa. Tao leo bee-o, ana sengi o.”

AMSAL 19:6

Hataholi-a esa-esak, ana sanga enok, ho'i hataholi nananita-nalelak-ka dalen-na; basa hataholi lala'en-na, nau tao tia-laik no hataholi doi ba'uk-ka.

YEREMIA 4:22

Manetualain nafa'da nae, “Au anang sila-la, dudu'a-aafi taak-ka, ala ta lalelak Au fa. Sila sama leo ni'iana nggoa-panganaa mesan dudu'a-aafi manadain ta faaanak boen; malelainan-nai mangalauk-ka dalek, manada'di tak, nai tatao-nono'i malole dalek.”

1 KORINTUS 3:19

Nana daebafa ka nafa'da nae manatee tenok soona, manatee tenok ndia nggoak tunga Manetualain mata memete na. Nana nai Susula Malalaok dale nanasulak nae, “Manetualain nakahihi'ik hataholi manatee teno kala ninik sila malela na.”

YAKOBIS 3:15

Manatee teno matak leondia ka, ana ta mai neme nusa so'da ka mai fa te, ana mai neme daebafa ka, neme nasa melu ka, ma neme nitu a mai!

HAKIM-HAKIM 14:20

Boema Simson aliaman-na, fe Simson saoinan ndia, leo hataholi manatunga Simson, nai lelek ana ka'bing-nga.

SEMUEL SUSULAK-KA ESAN-NA 16:11

Boema, Semuel natanen nae, “Bei hataholi esa seluk bai, fo mate'a teisu'uk-ka, tehu ana da'di manafoo bi'ilopo.” Isai nata nae, “Beana toanak esa fo mulianak ka, tehu ana be neu foo bi'ilopo-la.” Semuel nae, “Madenu leu laloon, nanahu ana beita mai fa soona, ita ta ta'a fa.”

SEMUEL SUSULAK-KA ESAN-NA 16:9

Boema Isai nadenu Syama neu leo mata neu, tehu Semuel nafa'da nae, “Ndia boeo, Manetualain ta hele fan.”