2 SEMUEL 13:28 - Susula Malalaok Hehelu Palak Ma Hehelu Beuk

²⁸ Absalom paleta atan-nala nae, “Taoafik matalolole, fo metema Amnon ninu angol fo ana mafuk soona, neukose au fe emi ta'du, fo taomisan. Boso bii. Te au nde lu'a-lepa dede'ak ndia. Taon no napalanik, fo boso no bibii-namata'uk!”

2 SEMUEL 13:28 ပူးပေါင်းရင်းမြစ်များ

KEJADIAN 9:21

Lelek Noh ninu angol boema, ana mafuk. Ana po'iheni bua-lo'a papaken-na lala'en-na, de ana sungu no makaholak, nai lalaa teman dale.

2 SEMUEL 11:13

Boema na'a, de Dauk fen ninu ala-lalu, nalosa ana mafuk. Tehu, le'odaek ndia boeo, Uria ta fali leo uman-na neu fa, te ana bela lafan-na, de ana sungu neu lain neme manamanea uma manek-ka, kaman dale.

2 SEMUEL 11:15

Ana sulak nae leo ia, “Metema, natee-natatik-ka makee soona, fe Uria nisik uluk, fo o makadedeak no denge-dengek, tehu ana boso bubuluk, fo ela maten nai musu dale.”

2 SEMUEL 12:10

Hu kande, o ta nau tunga Au fa de, o ho'i-ma Uria saon-na, hu ndia de, nai o tititi-nonosim-ma dalek, neme bobongik leo bobongik neu, hapu nggelok mate nisalal.

2 SEMUEL 13:27

Tehu, hu kande Absalom nakaseti nahele boema, mate'en-na, Dauk po'i Amnon no basa anamanen-nala tunga loo Absalom. [Boema, Absalom sadia nana'a-nininuk malole-mala'da.]

2 SEMUEL 14:6

Atam-ma anatoun dua, de faik esa boema, duas lale'a neme mook-ka. Hu kande, ta hapu hataholi neu la'e fas, de esak-ka taonisa tolanoon-na.

1RAJA-RAJA 20:16

Ala mulai sapul-las lae fai lele'dok, nai lelek Benhadad ma manek-ka teluhulu duak fo ala da'di dalek esa ndia, bei linu ala-lalu losa ala mafuk nai sila uma ofun dale.

ESTER 1:10

Neu fai ka hitun-na boema, manek-ka ninu, losa namahoko nanseli. Hu ndia de, naloo-na, malalau-maoono heheli ka 7-nala; malalau-maoono sila nde: Mehuman, Bizta, Harbona, Bigta, Abagta, Zetar, ma Karkas.

MAZMUR 104:15

de nabuna-naboa oe angol mala'dahiik-ka, Boeo mina setun, fo tao-na mata-panan napena, ma nana'ak fo, neni fen be'i-balakaik.

KELUARAN 1:18

Boema manek-ka naloo inak ka duak sila-la, de natanes nae, “Tao le'e de, emi po'ilotak ni'iana touanak-kala laso'da?”

PENGKHOTBAH 10:19

Feta-dote tao hihikak, ma angol-la tao namahoko-seteleek. Tehu paluu doik soaneu baba'en-na.

PENGKHOTBAH 9:7

Ayo, ka'da mu'a-minu ma mamahoko-setelee leona, minu o angol-la no namahoko-seteleek. Manetualain nakahe'ik, nakalenak Ana nau.

DANIAL 5:30

Nai le'odaek ndia boe, Belsyazar fo mane Babel ndia nanataonisak.

NAHUM 1:10

Neukose o nanahotuk sama leo ha'deai tuuk-ka sama leo dila-nggauk fo lafefeoao.

LUKAS 21:34

Basa boema Yesus nae, “Manea ao ina mala leona, fo boso nalosak emi su'ba ka'da feta-dote, ma minu ala-lalu, do dudu'a-dodoo manseli neu emi so'da ma paluu na, nalosa emi ta mahehele aom, nai lelek fo faik ndia ana mai no kaiboik.

HATAHOLI 5:29

Boema Petrus ma hataholi nadedenu fe'e kala lataa lae, “Ami muse tunga Manetualain, te ami ta tunga hataholi daebafak fa.

YOSUA 1:9

Mafandendelek, te Au paleta basa o, fo ela te'e-te'e o mamahele, ma mapalani! O boso bii-mamata'u, do pela-bale, nana Au, fo o Manetualaim-ma, nai o boboam-ma, nai lelek o muu leo su'di bee muu.”

HAKIM-HAKIM 19:22

Lelek, ala bei hika-latadale te, no kaiboik, hataholi dale mangalauk manai kota ndia, lakahapi-la uma ndia. Ala fafaek lelesu-a, ma lafa'da toulasik ndia lae, “Fe ami, o moo touk leo o umam mai. Ami nau paken!”

HAKIM-HAKIM 19:6

Boema, hataholi Lewi ndia nangatuuk, de na'a-ninu sama-sama no inak ndia aman. Tehu, lelek ana fo'a napadeik, fo sanga la'o boema, inak ndia aman kokoen, fo daenga ana boso la'o. Nae, “Dalem-ma boso susa, fo sungu meme ia.” Boema, hataholi Lewi ndia, sungu neme ndia, le'odaek esa seluk.

HAKIM-HAKIM 19:9

Basa boema, lelek hataholi Lewi ndia no sao makahatun-na, ma atan-na sanga la'o boema, amak ndia nae, “Sanga makahatu ia so, ba'ihanak seluk faa bai te, makahatuk-ka so. Malole lenak, ka'da sungu meme ia, fo dalem-ma boso susa. Balahaa soona, emi bole fo'a fafaik, fo fali me'um-ma.”

RUT SUSULAN-NA 3:7

Boas na'a-ninu basa boema, ana dodoo-nana, malole-a so, de namahoko nanseli. Boema neu sungu deka no gandum madodouk-kala. No denge-dengek Rut mai, de ana silu heni Boas ba'du manalun-na, basa boema nangape'uk deka no ein-na.

SEMUEL SUSULAK-KA ESAN-NA 18:22

Boema, nadenu basa hataholi mana'a ngga'din-nala, fo ela no denge-dengek, lafa'da Dauk lae leo ia, “Ama Manek sue o, ma basa hataholi mana'a ngga'din-nala boeo leondiak; da'di besak ia, fain-na nandaa ba'eneu o, soaneu sao-ma anafe'ona.”

SEMUEL SUSULAK-KA ESAN-NA 28:10

Boema, Saul soo nae, “No Manetualain fo maso'dak-ka na'den-na, au aheluk ae neukose ala ta taolisa o fa, hu kane o tao tataos ia.”

SEMUEL SUSULAK-KA ESAN-NA 28:13

Manek-ka nataa nae, “Boso bii! Ka'da mafa'da, o mita beek!” Inak ndia nataa nae, “Atam-ma nita samanek-ka to'da mai neme daebafak-ka buin-na mai.”