2 SEMUEL 13:24 - Susula Malalaok Hehelu Palak Ma Hehelu Beuk

²⁴ Neu leo Mane Dauk-ka neu, de nafa'dan nae, “Ama, au tao feta, fo au nggute au bi'ilopong-ngala bulun-na. Sa'di leo been-na, Ama moo hataholi matua-madema manai uma manek-ka boe, fo meu leo feta ndia meu.”

2 SEMUEL 13:24 ပူးပေါင်းရင်းမြစ်များ

KEJADIAN 38:12

Basa teuk de'ubee boema, mate Yehuda saon-na. Basa fai fafalu ka boema, Yehuda leleko Hira, fo nonon maneme Adulam ndia mai, fo leu leo Timna leu, mamanak fo ala nggute bi'ilopo la bulun-na.

2 SEMUEL 13:23

Basa teuk dua boema, Absalom tao feta, fo ana nggute bi'ilopon-nala bulun-na neme Baal-Hazor, deka no kota Efraim-ma; boema ana ka'i la'iesak manek-ka anamanen-nala.

2 SEMUEL 13:25

Tehu, manek-ka nataa nae, “Bosok anang-ngo, nana, metema ami basa-basam-mala meu soona, neukose ami tao susa o.” Absalom nakaseti nahelen, tehu aman nahele ka'da, ta nau neu fa. Ka'da ana fen baba'e-papalak.

MAZMUR 12:2

Ou Manetualain, tulu-fali ami, nana ta hapu hataholi ndoos so'on, hataholi manalilinekak neu O-a, mopok-kasa so.

MAZMUR 55:21

Au tia-lai makahulung-nga, sapu-na tia-lain-nala, nalelesi hehelu-balataan.

SEMUEL SUSULAK-KA ESAN-NA 25:7

Au amanene lae o nggute o bi'ilopom-mala bulun-na. Fo ela o bubuluk leona, te o manafoom manai ami nusam-ma, ami beita taos le'e esa boen, ma nai lelek lai Karmel-la, beita mopo nita, sila hatan esa boen.