2 SEMUEL 13:12 - Susula Malalaok Hehelu Palak Ma Hehelu Beuk

¹² Boema, inaanak ndia nataa nae, “Ah, bosok ka'a! O boso makaseti au tao tatao-nono'ik nananakamumulu-nakamamaek ndia! Tatao-nono'ik leondiak-ka, hataholi beita tao nitan nai Israel fa.

2 SEMUEL 13:12 ပူးပေါင်းရင်းမြစ်များ

KEJADIAN 34:2

Lelek Sikhem fo Hewi hataholi Hewi anan-na, fo ana da'di manek nai nusak ndia, nita Dina boema, nalai no anafe'oanak ndia, de ana sungu non.

KEJADIAN 34:7

Nandaa no faik ndia, Yakob anan-nala fali ma'is leme mook-ka mai. Lamanene manada'dik ndia boema, ala nggenge ma lamanasa lanseli. Nana no tou maho'u inak-ka ho'u Yakob anan ndia, de Sikhem nakamumulu-nakamamaek basa hataholi Israel-la.

AMSAL 7:7

Boema au ita touanak ba'uk-ka fo bei muli soluk-kala; tehu au mete hehelu ka'da hataholi esa fo nggoan-na seli nai sila tala'da.

YEREMIA 29:23

Sila ua-nalen-nala leondiak nanahu ala tao sala-singok matuaina nai Israel; fonde ala hohonge, ma ala pake Manetualain na'den-na soaneu ala tui dede'a-dede'ak fo ta tete'ek-ka fa. Ndia ta nanda no Manetualain hihi-nanaun fa. Ana bubuluk hata fo ana taok-ka, ma ndia sakasii seluk la'ban sila. Manetualain nde manakokolak-ka.”

IMAMAT 18:11

Boso sungu moo o fetom fo emi ama esa, te inan fe'e, do emi ina esa, te aman fe'e, nanahu o tolanoom ndia boe.

IMAMAT 18:9

Boso sungu moo o fetom-ma, do o feto palam, fo nau emi mamatua sama-sama nai uma esa dalek, do namatua nai uma fe'ek boe.

IMAMAT 20:17

Metema touk esa, ana sungu no feton-na, do tolanoo inan fo duas ama esa, tehu esak inan, do ina esa, tehu esak aman soona, sila ta da'di Au anang so'on. Ala tao tatao-nono'i ta kandaak fa, de muse ala lu'a-lepa aon buna-boan.

ULANGAN 22:21

soona muse no inak ndia, leo ina-aman lelesun-na neu. Fo basa touk manai kota ndia, ala tapan nenik batu, losa maten nai mamanak ndia. Inak ndia, ana tao tatao-nono'ik esa, neni mamaek fe ita leoinan, nanahu lelek bei nai ina-aman uman, fo ana beita saoana fa, te ana sungu hai no touk so. No huhukuk ndia de, emi tao mamopo tatao-nono'i mangalauk ndia.

ULANGAN 22:29

Nai dede'ak ndia dalek, touk ndia muse bae anafe'oanak ndia belin-na ba'u, doi fulak limahulu leo anafe'oanak ndia aman neu. Touk ndia, muse ana ka'bing no anafe'oanak ndia, nanahu ana laka anafe'oanak ndia fo, duas tao tatao-nono'i mangalauk, de muse ana sao nahelen losa mate.

HAKIM-HAKIM 19:23

Toulasik ndia leo deak neu, de nafa'das nae, “Bosok tolanoong-ngala lemin! Au dokodoe, fo boso tao dede'a mangalauk, ma ta kandaak leondiak-ka fa, nana au fuing ndia.

HAKIM-HAKIM 20:6

Au ko'o-a popolan-na, boema au kee-keen, de basa boema, au haituan neu leo ka sanahuluduak manai ita leoinan-na dalek, esan-na biak esa. Au tao dede'ak ndia, nanahu hataholi Gilead sila-la, ala tao basa tatao-nono'i mangalauk, ma neni mamaek nai hataholi Israel-la dalek so.