2 SEMUEL 12:9 - Susula Malalaok Hehelu Palak Ma Hehelu Beuk

⁹ Tao le'e de, o ta nau taoafik neu Au paletang-ngala fa? Tao le'e de, o tao-no'i tatao-nono'i mangalauk ndia? O taomisa Uria neme natee-natatik dale; o po'ilotak hataholi Amon-nala taolisan, de o ho'i-ma saon-na!

2 SEMUEL 12:9 ပူးပေါင်းရင်းမြစ်များ

2 SEMUEL 11:4

Boema, Dauk nadenu hataholi neu nala inak ndia, de ana losa uma manek-ka boema, ana sungu non. (Besak-ka Batsyeba tao basa feta tao nalalao aoinak-ka, nana he'di bulan-na nate'e so.) Boema, ana fali ne'un leo ndia uman neu.

2 SEMUEL 12:10

Hu kande, o ta nau tunga Au fa de, o ho'i-ma Uria saon-na, hu ndia de, nai o tititi-nonosim-ma dalek, neme bobongik leo bobongik neu, hapu nggelok mate nisalal.

2 SEMUEL 16:7

Simei soo-supa Dauk nenik dede'ak-kala nde ia, “La'o leona! La'o leona! Kanisak-konei! Manatao tatao-nono'i mangalauk-konei!

1RAJA-RAJA 15:5

Manetualain tao dede'ak ndia hu kande Dauk tao namahoko dalen-na so. Ta la'iesa boen fo Dauk la'olena Manetualain paletan-nala fa, ta'da fe'e nai Uria fo hataholi Het ndia, dede'a na dalek.

1RAJA-RAJA 21:19

fo mafa'dan mae Au, fo Manetualain nafa'da nae leoia, ‘O manisa so, baite o maseti-mahange bai! Hu ndia de, neukose busa-la lalamemei o daa ma nai mamanak fo busa-la lalameimei Nabot daa na!’ ”

2TAWARIKH 33:6

Ana tunu-hotu anan-nala da'di leo tutunu-hohotu nanatunuk nai Bafak Hinom-ma. Boeo ana da'di hataholi malelak, manasiula-tongonok, manasuangi, ma noke natutu'duk neme dula dalek-kala mai. Ana nasala-nasingo nanseli neu Manetualain nalosa ana tao nafo'a Manetualain nasa-melun.

MAZMUR 51:14

Fe au amahoko-setelee seluk, nanahu so'da-molek fo neme O mai, fe au dalek fo ana nau tunga neu O.

MAZMUR 51:16

Soi-tefa-ma au neme mamates-sa mai, ou Manetualain, fo au manasoi-manatefang-nga, soona neukose no namahoko-seteleek, au tui-benga O ndoo-matetum.

MAZMUR 51:4

Safe-saa au tatao-nono'i mangalaung lala'ena; tao balisi au neme au sala-singong-nga mai.

MAZMUR 90:8

O pe'da ami salam-ma, nai O matam, O mita ami sala-singom fo nananafunik-kala.

AMSAL 14:2

Hataholi manatao tunga ndoon-na, bii-namata'u ma fe ha'da-holomata neu Amak Manetualain; tehu hataholi fo, so'dan-na ta ndoos fa, nakamumulu-nakamamaek-kana.

YESAYA 5:24

Emi ta sipok Manetualain Fo Manakoasa nanolin-na fa, ma emi makadadaek Israel Manetualain malalao-malalafun-na paletan-na so. Hu ndia de, sama leo ha'deaik-ka ma na'u tuuk-ka putun nai ha'i dale, leondiak boe, emi okam-mala, neukose laboo emi bungam-mala lamatuu, fo anin-na fuu nenis.

YEREMIA 18:10

Tehu neu makabuin-na leoina ndia ta nau namahele neu Au fa, boema Au tao-no'i hata fo mangalauk-ka soona neukose Au dudu'ang ndia Au pe'da tatakan-na.”

AMOS 2:4

Manetualain nafa'da nae, “Hataholi Yehuda-la lasala-lasingo tataas esa so, hu ndia de, tao leo bee-o, neukose Au hukus. Ala la'olena Au paletang-nga la, ma ala ta taoafik neu Au nanoling-ngala fa. Ala la'ok sala nanahu bei-ba'i kai-nala sene-do'ok neu lamatua daebafa fe'ek-kala tatao-nono'in.

SEMUEL SUSULAK-KA ESAN-NA 15:19

Tao le'e de, Ama Manek ta tunga Manetualain paletan-na fa? Tao le'e de, Ama Manek sama-sama moo laun-na ho'i bua-lo'a kakalok, de no enok leondiak-ka, Ama Manek taom-ma Manetualain dalen-na ba'ihana?”

SEMUEL SUSULAK-KA ESAN-NA 15:23

Nana la'ban Manetualain soona, mangalaun-na sama leo hataholi manasuangik-ka, ma dale manakoao-ndaeaok-ka, mangalaun-na, sama leo sene-do'ok neu lamatua daebafak-ka. Hu ka nde Ama Manek la'ban basa Manetualain paletan-na so, de Manetualain boeo, ta manaku Ama Manek da'di leo manek so'on.”

SEMUEL SUSULAK-KA ESAN-NA 15:26

Tehu Semuel nataa nae, “Au ta nau fali sama-sama o Ama Manek fa. Ama Manek la'ban basa Manetualain paletan-na so, de besak ia, Ana ta nau manaku Ama Manek da'di leo Israel manen-na so'on.”