2 SEMUEL 12:5 - Susula Malalaok Hehelu Palak Ma Hehelu Beuk

^5-6 Dauk namanene tutuik ndia boema, namanasa nanseli, nanahu tou kamasu'i-makabetek-ka tatao-nono'in ndia, de nafa'da nae, “Hataholi kamasu'i-makabetek ndia, dale susue-lalain ta faa anak boen! No Manetualain fo maso'dak-ka na'den-na, hataholi ndia muse nggati falik bi'ilopoana 4, ma muse hukunisan!”

2 SEMUEL 12:5 ပူးပေါင်းရင်းမြစ်များ

KEJADIAN 38:24

Fafa'kama basa bulak telu boema, Yehuda hapu halak lae Tamar fo manafeu na da'di manasosoa-piaok ma nailu so. Boema Yehuda fe paletan-na, “Meu malan fo hotumisan!”

2 SEMUEL 12:4

Faik esa boema, tou kamasu'i-makabetek-ka, ana hapu fui. Tou kamasu'i-makabetek-ka, ta nau do'do ndia bi'ilopon, do ndia sapi mesan fe fuin-na fa. Tehu neu ho'un-na, tou nuu-taa hata-taak-ka bi'ilopoanan ndia, de ana do'do fen neu ndia fuin-na.”

2 SEMUEL 14:8

Boema, manek-ka nataa nae, “Fali leona, de'ifo au ito-ato dede'ak ndia.”

LUKAS 9:55

Yesus lipa leo dea neu boema, namanasas.

ROMA 2:1

Hu ndia de, tolano-tolanoo ngala lemin, see tolanoo ka, de nalosa tolanoo ka nau fe salak neu hataholi? Tolanoo ka ta hapu enok faaanak boen soaneu masala'e aoina ma fa! Nana metema tolano ka fe salak neu hataholi fe'ek, te se'kona tolanoo ka tatao-nono'im boeo bei sama leo hataholi sila la, soona tolanoo kala nde maketu aom tolanoo kala huhukum ndia.

SEMUEL SUSULAK-KA ESAN-NA 14:39

Au aheluk pake Manetualain fo maso'dak, ma manafe sesengik neu Israel-la, na'den-na, ae hataholi masalak-ka, neukose nanahukunisak, leomae hataholi ndia nede been-na, au anamaneng Yonatan boe.” Tehu ta hapu hataholi esa boen, napalani nataa fan.

SEMUEL SUSULAK-KA ESAN-NA 20:31

Ade o ta mame'da, mae nai lelek Dauk bei naso'da, o ta bisa da'di nusak ia manen-na fa? Besak ia, madenu hataholi neu sangan, fo non leo ia mai, nana muse maten!”

SEMUEL SUSULAK-KA ESAN-NA 26:16

O ta makalala'ok mabe'i, o bela-ba'um fa, Abner! No Manetualain fo maso'dak-ka na'den-na, emi basa-basam-mala mandaa mate, nanahu emi ta manea emi tuam, fo nde Manetualain hele manek-ka fa. So'ba mete su'dik, manek-ka teen-na nai bee. Boto oe fo, na'kasa neme langan-na boboan-na, nai bee?”