2 SEMUEL 12:21 - Susula Malalaok Hehelu Palak Ma Hehelu Beuk

²¹ Basa atan-nala lita boema, lafa'dan lae, “Ami ta bubuluk Ama Manek dudu'an-na fa. Lelek ni'iana ndia bei naso'da, Ama Manek oka aon-na, ma kii-makaleleun, tehu mate basan boema, Ama Manek fo'a de na'a-ninu!”

2 SEMUEL 12:21 ပူးပေါင်းရင်းမြစ်များ

2 SEMUEL 12:20

Boema, Dauk fo'a neme dae lain mai, de nadiu oe, ma ana sau langan-na, ma ana nggati bua papaken-na. Basa boema, neu hule-haladoin-nai Manetualain Uman. Basa ndia boema, ana fali ma'in leo uma manek-ka mai, de noke sadia fen nana'a-nininuk, fo na'a-ninu.

2 SEMUEL 12:22

Boema, Dauk nataa nae, “Hei, memak nai lelek ni'iana ndia bei naso'da, au oka aong, ma au kii-makaleleun, nana au dodoo ae: Fafa'kama, Manetualain Manakoasa, neukose dalen-na tu'da kasian neu au, fo Ana fe ni'iana ndia naso'da.

2RAJA-RAJA 20:3

“Manetualain, mafandendelek te, au ia aso'da nai O matam, no lilinekak ma dale ndoos. Au sanga enok tataas esa, fo tunga O hihii-nanaun.” Boema, Hizkia kii no dale he'dik.

1 KORINTUS 2:15

Hataholi fo Manetualain Dula Dale na nai dale soona, ana bubuluk basa hata lala'ena, tehu dede'ak ndia, ta hapu hataholi esa boen, nalela kana fa.